မြန်မာနိုင်ငံ ရှေ့ရေးအတွက် စိုးရိမ်ပူပန်ဟု ကုလအတွင်းရေးမှုးချုပ် ဘန်ကီမွန်း ပြောကြား

မြန်မာနိုင်ငံတွင် လူမျိုးရေး ဘာသာရေး တင်းမာမှု များ အကြမ်းဖက်မှုတွေ ထပ်မံ ဖြစ်ပေါ် လာမှာကို စိုးရိမ်ပူပန်ကြောင်း ကုလသမဂ္ဂ အတွင်းရေးမှုးချုပ် ဘန်ကီမွန်း က ပြောကြား လိုက်ပါသည်။

အထူးသဖြင့် ဗုဒ္ဒဘာသာဝင်လူမျိုးများနှင့် ဘင်္ဂါလီလူမျိုးများ အကြား ပြသာနာ ဖြစ်နေသော ရခိုင်ပြည်နယ်က အခြေအနေသည် စိတ်ပူစရာ ဖြစ်သည်ဟု ဘန်က ဆိုသည်။

“အမြစ်တွယ်နေတဲ့ လူမျိုးရေးနှင့် ဘာသာရေးတင်းမာမှုတွေက တိုင်းပြည်အနှံ မှာ ပြန်ပြန်ပေါ် လာပြီး ဆင့်ပွားအကြမ်းဖက်မှုတွေ အသက် ဆုံးရှုံးမှူတွေ လူတွေ နေရာပျောက်မှုတွေ
အိုးအိမ်ပျက်စီးမှုတွေ ဖြစ်လာနိုင်တယ်" ဟု အတွင်းရေးမှုးချုပ် ဘန်ကီမွန်း က ကုလသမဂ္ဂ အထွေထွေ ညီလာခံ၏ လူ့ အခွင့်အရေးကော်မတီ (Third Committee) သို့ တင်သွင်းသော သူ၏ နှစ်ပတ်လည် အစီရင်ခံစာ တွင် ထည့်သွင်းပြောကြားခဲ့သည်။

လူ့အခွင့်အရေးကို အဓိကထားဆွေးနွေးသည့် တတိယကော်မတီ (Third Committee) ခေါ် လူ့အခွင့်အရေး ကော်မတီသည် လာမည့်အပတ်တွင် ဘန်ကီမွန်း ၏ မြန်မာအပေါ် အစီရင်ခံစာနှင့် ပတ်သက်ပြီး ဆွေးနွေးမည် ဖြစ် သည်။ မြန်မာနှင့် အလားတူ လူ့အခွင့်အရေးကော်မတီ၏ အစီရင်ခံစာ စာရင်းဝင် မြောက်ကိုရီးယား၊ အီရန် ဆီရီယား တို့ နှင့်အတူ မြန်မာနိုင်ငံ ပြသာနာအပေါ် ဖြေရှင်းနိုင်မည့် အဖြေကို ရှာနိုင်မည် ဟု မျှော်လင့် ထားကြသည်။

" ရခိုင်ပြည်နယ်က အခြေအနေတွေက ပြည်တွင်းမှာရော ပြည်ပမှာပါ ကျယ်ကျယ့် ပြန့် ပြန့် စိုးရိမ်စရာတွေ ဖြစ်နေပါတယ် " ဟု ဘန်ကီမွန်း က ပြောကြားခဲ့သည်။

ရခိုင်ဒေသတွင် နိုင်ငံမရှိဖြစ်နေသည့် ဘင်္ဂါလီ ၁.၁ သန်းကျော် ရှိပြီး ရိုဟင်ဂျာ ဦးရေ ၁၄၀,၀၀၀ ခန့်မှာ ၂၀၁၂ ခုနှစ်က ရခိုင်ပြည်နယ်မှာဖြစ်ခဲ့သော ပဋိပက္ခများ ကြောင့် အိုးအိမ်မဲ့ ဖြစ်ခဲ့ကြောင်း၊ အစိုးရက ဘင်္ဂါလီများကို တဖက်သတ် အပြစ်တင်နေမှုများကလည်း အခြေအနေကို တိုးတက်မလာစေ ဟု ဘန်ကီမွန်းက ဆိုပါသည်။

“ မြန်မာအစိုးရက အကြမ်းဖက်မှုတွေမှာ တာဝန်ရှိသူတွေကို အရေးယူမယ် လို့  ပြင်းထန်တဲ့ ကြေညာချက်တွေ ထပ်တလဲလဲ ထုတ်နေပေမယ့် ပြည်တွင်း အဆင့်မှာ ခိုင်ခိုင်မာမာ ထိထိရောက်ရောက် ဖြေရှင်းတာမရှိဘူး ” ဟု ဘန်ကီမွန်း ၏ အစီရင်ခံစာမှာ ဖော်ပြပါရှိပါသည်။

" မြန်မာအစိုးရအနေဖြင့် လူမျိုးရေး ဘာသာရေးများတွင် အမှန်တကယ် တာဝန်ရှိသူများ၊ နောက်ကွယ်မှ ကြိုးကိုင်လှုံဆော်သူများကို ဖော်ထုတ် ဖမ်းဆီး အရေးယူမှု အလွန်နည်းပါးနေသေးကြောင်း" ဘန်ကီမွန်း၏ မြန်မာ လူ့အခွင့်အရေး ဆိုင်ရာ အစီရင်ခံစာတွင် ဖော်ပြထားပါသည်။

ထို့ အပြင် မြန်မာ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို သမ္မတ အဖြစ် ၀င်ရောက် ယှဉ်ပြိုင်ခြင်းမှ တားမြစ်ထားသဖြင့် ၂၀၁၅ ရွှေးကောက်ပွဲ အတွက် ကိုလည်း အထူးစိုးရိမ်ပူပန်သည်ဟု ဘန်က ဆိုသည်။

“ရွေးကောက်ပွဲကော်မရှင်က ချမှတ်ထားတဲ့ စည်းမျဉ်းတွေနဲ့ ပတ်သက်ပြီး နိုင်ငံရေးပါတီတွေရဲ့ စိုးရိမ်ပူပန်မှုတွေကို ဥပဒေကြောင်း ဆိုင်ရာ ဖြေရှင်းဖို့က အရေးပါပါတယ်”။

လာမည့်နှစ် အထွေထွေရွေးကောက်ပွဲသည် သမ္မတဦးသိန်းစိန် ၂၀၁၁ ခုနှစ် အာဏာရပြီး ကတည်းက ပထမဆုံးကျင်းပသည့် ရွေးကောက်ပွဲဖြစ်ပါသည်။

ကုလသမဂ္ဂ လူ့အခွင့်အရေးကော်မတီမှာ မြန်မာအရေးကို ထည့်သွင်းဆွေးနွေးနေခြင်းသည် မြန်မာခေါင်းဆောင်များကို အလွန်ပင် စိတ်အနှောင့်အယှက် ဖြစ်စေသည်ဟု မြန်မာနိုင်ငံခြားရေးဝန်ကြီးက ပြောကြားခဲ့သည်။

ထို့ ကြောင့် မြန်မာကို ကုလ လူ့ အခွင့်အရေး အစီရင်ခံစာ ကနေ ဖယ်ရှားပေး ရန် ၀န်ကြီး ဦးဝဏ္ဍမောင်လွင် က ပြီးခဲ့သည့် အပတ်က ကုလသမဂ္ဂ အထွေထွေ ညီလာခံမှာ တောင်းဆိုခဲ့သည်။

အိုအိုင်စီ အဖွဲ့ဝင် ၅၀ ကျော်မှ ကိုယ်စားလှယ်များက မြန်မာသည် ရှေ့ လာမည့် အနာဂတ် မှာလည်း ကုလသမဂ္ဂ၏ စောင့်ကြည့်ရမည့် နိုင်ငံထဲတွင် ရှိနေ သင့်ကြောင်း တိုက်တွန်းခဲ့သည် ဟု အနောက်နိုင်ငံ သံတမန်များ က ပြောကြား ခဲ့သည်။

လင်းလင်း

ကိုးကား - UN News Center

The Ladies News Journal