အမျိုးသား ပညာရေး ဥပဒေအား နိုင်ငံတော်သမ္မတ လက်မှတ်ရေးထိုး ကာ ပြည်ထောင်စု လွှတ်တော်၌ အတည်ပြု ပြဋ္ဌာန်းခဲ့သောကြောင့် ကန့်ကွက်သော ဆန္ဒထုတ်ဖော်ပွဲများအား တစ်ဆင့်တိုး လုပ်ဆောင် သွားမည် ဖြစ်ကြောင်း ဗမာနိုင်ငံလုံး ဆိုင်ရာ ကျောင်း သား သမဂ္ဂများ အဖွဲ့ချုပ်ဥက္ကဋ္ဌ ကိုကျော်ကိုကို က အောက်တိုဘာလ ၆ ရက်နေ့ တွင် မြန်မာသံတော် ဆင့်သို့ ပြောသည်။
အဆိုပါ ဥပဒေအား အတည်ပြု ပြဋ္ဌာန်းခဲ့သောကြောင့် ဆန့်ကျင် ကန့်ကွက်သော ဆန္ဒထုတ်ဖော်ပွဲများ၊ အရပ်ဘက် လူ့အဖွဲ့အစည်းများနှင့် ပူးပေါင်းကာ စာတမ်းပြုစု ရေးသားမှုများ စနစ်တကျ ပြုလုပ်ကာ ရေရှည် တိုက်ပွဲဝင် သွားမည်ဖြစ်သောကြောင့် ယခုကဲ့သို့ ပြောကြားခဲ့ခြင်း ဖြစ်သည်။
““တောင်းဆို တိုက်ပွဲဝင်ဖို့ပဲ၊ ဖိအားပေး တောင်းဆိုဖို့ပဲ ပြောမယ်ဆိုရင် လူထုလှုပ်ရှားမှု အသွင်ပုံစံ၊ ကျောင်းသားထု လှုပ်ရှားမှုအသွင် ပုံစံ ဖြစ်အောင်အထိ ဆောင်ရွက်ချင်တဲ့ ဆန္ဒရှိတယ်။ သေချာညှိနှိုင်း တိုင်ပင်ပြီးမှ စဉ်းစားရလိမ့်မယ်။ ၀ရုန်းသုန်းကား လုပ်လို့တော့ မဖြစ်ဘူး”” ဟု ကိုကျော်ကိုကိုက မြန်မာသံတော်ဆင့် သို့ ပြောသည်။
အမျိုးသားပညာရေး ဥပဒေအား ဒီမိုကရေစီ စံနှုန်းနှင့် မညီညွတ်ဟုဆိုကာ အရပ်ဘက် လူ့အဖွဲ့အစည်း အသီးသီးနှင့် ပညာရေး အသိုင်းအ၀ိုင်းများက ၀ိုင်းဝန်း ကန့်ကွက်ခဲ့သော်လည်း ပြည်ထောင်စု လွှတ်တော်တွင် အတည်ပြု ပြဋ္ဌာန်းကာ နိုင်ငံတော်သမ္မတထံ ပေးပို့ခဲ့ပြီး စက်တင်ဘာ ၃၀ ရက်တွင် သမ္မတက လက်မှတ်ရေးထိုး အတည်ပြုခဲ့ခြင်း ဖြစ်သည်။
““စာမေးပွဲလည်းပြီးရော နောက်ရက်ဥပဒေကို အတည်ပြုလိုက်တယ် ဆိုတာ မရိုးဖြောင့်ဘူး။ ဥပဒေပြုတဲ့ ရက်တိုင်းကို သုံးသပ်ကြည့်တာမှာ စာမေးပွဲပြီးတဲ့ ရက်တွေမှာ အတည်ပြုတာ များတယ်။ ဒီမိုကရေစီ စံနှုန်းကို ချစ်မြတ်နိုးတဲ့ လွှတ်တော် ကိုယ်စားလှယ်တွေ လွှတ်တော်ထဲ ရောက်ဖို့လိုလာပြီ။ ဒီ ဥပဒေကို ပြဋ္ဌာန်း လိုက်တာက ကျွန်တော်တို့ လိုလားတဲ့ လွှတ်တော် ကိုယ်စားလှယ်တွေ လွှတ်တော်ထဲ မရောက်သေးဘူးလို့ ပြောတဲ့ အဓိပ္ပာယ်ပဲ””ဟု ဒဂုံတက္ကသိုလ် ဆရာ ဆရာမများ သမဂ္ဂဥက္ကဋ္ဌ ဒေါက်တာ အာကာမိုးသူက ပြော သည်။
အဆိုပါ အမျိုးသားပညာရေး ဥပဒေတွင် အခန်း ၁၄ ခန်း ပါဝင်ပြီး တက္ကသိုလ် ကျောင်းသားများ ကန့်ကွက် သော ကျောင်းများတွင် ဘာသာရေးနှင့် နိုင်ငံရေးဆိုင်ရာ စွက်ဖက်မှုများမှ ကင်းလွတ်စေရေးတို့ ပါဝင်ကာ အမျိုးသား ပညာရေး ကော်မရှင်ကို ပြည်ထောင်စု လွှတ်တော်၏ သဘောတူညီချက်ဖြင့် ပြည်ထောင်စုအဆင့် ပုဂ္ဂိုလ် တစ်ဦးဦးက ဥက္ကဋ္ဌအဖြစ် ဆောင်ရွက်ပြီး ပညာရေးဝန်ကြီးဌာနနှင့် သက်ဆိုင်ရာ ၀န်ကြီးဌာနများမှ ပြည်ထောင်စု ၀န်ကြီးများ၊ တိုင်းရင်းသား ပညာရှင်များနှင့် အခြားသင့်လျော်သော ပုဂ္ဂိုလ်များက အဖွဲ့ဝင်များအဖြစ် ပါဝင်ရမည်ဟု ပြဋ္ဌာန်းထားသည်။
ဝိုင်းမော်
မြန်မာသံတော်ဆင့်သတင်းဌာန – http://www.facebook.com/
No comments:
Post a Comment