ပစ်ခတ်မှုများ အမြန်ဆုံးရပ်တန့်ရန်နှင့် နိုင်ငံရေးနည်းဖြင့် ဖြေရှင်းရန် ရှမ်းလက်နက်ကိုင်အဖွဲ့များနှင့် ပါတီများ သမ္မတထံစာပို့

ပစ်ခတ်တိုက်ခိုက်မှုများ အမြန်ဆုံးရပ်တန့်နိုင်ရေးနှင့် နိုင်ငံ ရေးပြဿနာကို နိုင်ငံရေးနည်း လမ်းဖြင့် ဖြေရှင်းနိုင်ရေးကို သမ္မ တက တာဝန်ယူဆောင်ရွက်ရန် တိုက်တွန်းသောပေးစာကို ရှမ်းလက်နက်ကိုင်အဖွဲ့များနှင့် ရှမ်းနိုင်ငံရေးပါတီများက အောက်တိုဘာ ၄ရက်တွင် ပြည်ထောင်စု ၀န်ကြီး ဦးအောင်မင်းမှတစ်ဆင့် သမ္မတ ဦးသိန်းစိန်ထံပေးပို့လိုက်သည်။

အစိုးရနှင့်အပစ်အခတ်ရပ် စဲရေးနှစ်ဖက်သဘောတူညီချက် ရယူထားသည့် ရှမ်းပြည်တိုးတက် ရေးပါတီ၊ ရှမ်းပြည်တပ်မတော် (SSDP/SSA)နှင့်အစိုးရတပ်မ တော်အကြား ယခုရက်ပိုင်းအ တွင်းဖြစ်ပွားနေသည့် တိုက်ပွဲများ ကို ထောက်ပြပြီး ယင်းလုပ်ရပ်မှာ နှစ်ဖက်သဘောတူလက်မှတ်ရေး
ထိုးထားသည့်ပစ်ခတ်တိုက်ခိုက်မှု ရပ်စဲရေး ကတိက၀တ်ကို ချိုး ဖောက်ရာရောက်သည့်အတွက် လုံးဝမဖြစ်ထိုက်ဟု ယင်းပေးစာ တွင် ရေးသားထားသည်။
‘‘အစိုးရတပ်ကနေပြီးတော့ အပစ်ရပ်လက်မှတ်ထိုးထားတဲ့ SSPPကိုအင်အားအလုံးအရင်းနဲ့ ၀င်တိုက်တာနဲ့ပတ်သက်ပြီးရှမ်း ခေါင်းဆောင်တွေတွေ့ဆုံပွဲကနေ သမ္မတထံအိတ်ဖွင့်ပေးစာပေးပို့ လိုက်တယ်။ ရှမ်းခေါင်းဆောင် တွေဆွေးနွေးပြီးမှ ပြည်ထောင်စုဝန်ကြီးဦးအောင်မင်းကို ပေးလိုက်တာပါ။ ၀န်ကြီးကနေ တစ်ဆင့် သမ္မတထံပေးဖို့ပါ’’ဟု ရှမ်းပြည်ပြန်လည်ထူထောင်ရေးကောင်စီ၊ရှမ်းပြည်တပ်မတော် (RCSS/SSA) ဗဟိုကော်မတီဝင် ဗိုလ်မှူးကြီး စိုင်းလော်ဆိုင်ကပြောသည်။ သမ္မတထံ ပေးစာပေးပို့သူများမှာ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD)၊ ရှမ်းတိုင်းရင်းသားများ ဒီမိုကရက်တစ်ပါတီ (SNOP) ရှမ်းပြည်တိုးတက်ရေးပါတီ/ ရှမ်းပြည်တပ်မတော် (SSPP/SSA) ရှမ်းပြည် ပြန်လည်ထူထောင်ရေးကောင်စီ၊ ရှမ်းပြည်တပ်မတော် (RCSS/SSA)နှင့်စိန်ကျော့ဌာနေပြည်သူ့စစ်တို့ဖြစ်
သည်ဟူ၍ ဖော်ပြထားသည်။
SSPP/SSA က တာဖာ ဆောင်စခန်းမှ ဆုတ်ခွာပေးလိုက်ပြီး အစိုးရဘက်မှ ထိုးစစ်များ ရပ်စဲပေးရန် အောက်တိုဘာ ၃ ရက်တွင် သမ္မတထံအကြောင်းကြားစာ ပေးပို့ခဲ့ခြင်းဖြစ်သည်။ ထို့နောက် လက်နက်ကြီးပစ်ခတ်မှုနှင့် ထိတွေ့မှုအချို့ ဆက်လက် ဖြစ်ပွားခဲ့ပြီးနောက် အောက်တိုဘာ ၄ရက် နံနက် ၅ နာရီကျော်မှ စတင်၍SSPP/SSA ဗဟိုဌာန ချုပ်တည်ရှိရာ ၀မ့်ဟိုင်းဒေသ၀န်းကျင်၊ ကျေးသီးမြို့နယ်၊ ခိုလမ် ကျေးရွာဝန်းကျင်နှင့် မိုင်းရှူး-လားရှိုးကားလမ်းတစ်ဝိုက် ဒေသများတွင်ပါ တိုက်ပွဲများ ပြင်းထန်စွာ ဆက်လက်ဖြစ်ပွားနေခြင်း ဖြစ်သည်။
ယင်းတိုက်ပွဲနှင့် ပတ်သက် ၍ တပ်မတော်ဘက်မှ ပုံမှန်တပ် အလဲအလှယ်လုပ်ရာတွင် SSAက ချုံခိုတိုက်ခိုက်ခြင်းဖြစ်ပြီး အပစ် အခတ်ရပ်စဲရေးလက်မှတ်သ ဘောတူညီချက်များအရတာဖာ ဆောင်ဒေသသည် SSAတပ်များ ရှိရမည့်နေရာမဟုတ်ကြောင်း ကာကွယ်ရေးဝန်ကြီးဌာနကပြော ကြားထားသည်။ SSPPဘက်က မူ တာဖာဆောင်ဒေသမှာ ၎င်းတို့ ထိန်းချုပ်ရာဒေသဟုဆိုသည်။
‘‘ကျွန်တော်တို့က သွေးဆာ နေတဲ့ သူတွေမဟုတ်ပါဘူး။ ဘယ်သူပဲကျကျ ကိုယ့်တိုင်းရင်း သားတွေပဲ။ ဘယ်လိုအကောင်းဆုံး စားပွဲဝိုင်းပေါ်မှာ ဖြေရှင်းမလဲ၊ နိုင်ငံရေးနည်းအရ ဖြေရှင်းဖို့ မျှော် လင့်ပါတယ်’’ ဟု SSPP/SSA အထွေထွေအတွင်းရေးမှူး စ၀်ခွန်ဆိုင်းက ပြောသည်။
SSPP/SSAအထွေထွေအ တွင်းရေးမှူးအဆိုအရ အငြင်းပွား နေသော တာဖာဆောင်ဒေသနှင့် ပတ်သက်၍ပြီးခဲ့သည့်လက သမ္မ တဦးသိန်းစိန်နှင့် SSPPတို့ နေ ပြည်တော်၌ တွေ့ဆုံခဲ့ရာတွင် ယင်းဒေသ၌ မည်သည့်တပ်မှတပ် စွဲမထားရန် သမ္မတကပြောကြား ခဲ့သည်။
တိုက်ပွဲများအတွင်း တပ်မ တော်ဘက်မှ အရာရှိတစ်ဦး အပါ အ၀င် ငါးဦးကျဆုံးကြောင်း သတင်းထုတ်ပြန်ထားပြီး SSPP/SSA ကမူ နောက်ဆုံးရရှိသော သတင်းများအရ ၎င်းတို့ဘက်မှ နှစ်ဦးသေဆုံး၍ သုံးဦးဒဏ်ရာရရှိ ကာ တပ်မတော်ဘက်မှ ၁၁ ဦးကျ ဆုံးပြီး ခြောက်ဦး ဒဏ်ရာရရှိခဲ့ ကြောင်း ပြောသည်။
အောက်တိုဘာ ၄ ရက် တိုက်ပွဲအခြေအနေနှင့်ပတ်သက် ၍ စ၀်ခွန်ဆိုင်းက ‘‘၀မ်ဟိုင်းအ၀င် လုံခြုံရေးတပ်တွေကို လက်နက် ကြီးနဲ့ အကြိမ် ၄၀၀ လောက် ပစ် တယ်။ အနည်းဆုံး အခုအထိ တိုက်ပွဲက ၁၈ နေရာလောက်မှာ ဖြစ်တယ်’’ ဟု ပြောသည်။
တိုက်ပွဲများကြောင့် ကျေး သီးမြို့နယ်မှ ဒေသခံပြည်သူများ မှာ နေရပ်များစွန့်ခွာတိမ်းရှောင် နေရပြီး အကူအညီများ လိုအပ် နေသည်။
SSPP/SSAသည်အစိုးရနှင့် အပစ်အခတ်ရပ်စဲရေးနှစ်ဖက်သ ဘောတူညီချက်ကို ၂၀၁၂ခုနှစ်၊ ဇန်န၀ါရီက လက်မှတ်ရေးထိုး ထားပြီး ပြည်ထောင်စုအဆင့်ငြိမ်း ချမ်းရေးဆွေးနွေးပွဲများကျင်းပ သည့်အဆင့်ရောက်ရှိနေသည့်အ ဖွဲ့ဖြစ်သည်။ တစ်နိုင်ငံလုံးအပစ် အခတ်ရပ်စဲရေးဆိုင်ရာညှိနှိုင်း ရေးအဖွဲ့(NCCT)အဖွဲ့ဝင်ဖြစ်သ ကဲ့သို့ တပ်ပေါင်းစုတစ်ခုဖြစ်သည့် ညီညွတ်သောတိုင်းရင်းသားလူ မျိုးများဖက်ဒရယ်ကောင်စီ(UNF C)အဖွဲ့ဝင်လည်းဖြစ်သည်။
ဒုဗိုလ်ချုပ်ကြီးပန်ဖ ဦး ဆောင်သည့် SSPP၌ ခန့်မှန်းအင် အားလေးထောင်နှင့်အထက်ရှိ ကြောင်း မြန်မာ့ငြိမ်းချမ်းရေးဖြစ် စဉ်ကို စောင့်ကြည့်လေ့လာသူ Myanmar Peace Monitor၏စစ် တမ်းကဆိုသည်။ ရှမ်းပြည်နယ်ရှိ နမ့်ခမ်း၊ လန်ခို၊ သီပေါ၊ ကျောက် မဲ၊ မိုင်းရှူး၊ တန့်ယန်း၊ မုန်းယိုင်၊ ကျေးသီး၊ လားရှိုးမြို့နယ်များတွင် လှုပ်ရှားပြီး ရှမ်းပြည်နယ်မြောက် ပိုင်း၊ကျေးသီးမြို့နယ် ၀မ်ဟိုင်း တွင် ဌာနချုပ်ရှိသည်။
 

Credit - 7DAY DAILY

 

တိုက်ပွဲမဖြစ်ပွားမီ ရှမ်းပြည်မြောက်ပိုင်းမှ တောင်ပိုင်းသို့ အသွား တိုက်ပွဲဖြစ်ရာ တာဖာဆောင်နှင့်တစ်မိုင်အကွာတွင် တပ်မတော်စစ်ကြောင်း၏လှုပ်ရှားမှုတစ်ခု