မြန်မာနှစ်ဦး ဖမ်းဆီးခံထားရတဲ့ ထိုင်းနိုင်ငံ လိပ်ကျွန်းမှာ
ဗြိတိန်နိုင်ငံသား နှစ်ဦး အသတ်ခံရမှုနဲ့ ပတ်သက်လို့ ဗြိတိန် ရဲတပ်ဖွဲ့က
စတင်စုံစမ်းနေပြီလို့ Bangkok Post သတင်းတစ်ရပ်မှာ ဖော်ပြပါတယ်။
ဗြိတိန်နိုင်ငံ မှုခင်းဆေးပညာရှင် တစ်ဦးနဲ့ လူသတ်မှု စုံစမ်းစစ်ဆေးရေး
စုံထောက်နှစ်ဦးဟာ အခင်းဖြစ်ပွားခဲ့တဲ့ နေရာတွေကို အောက်တိုဘာလ ၂၅ ရက်နေ့မှာ
စတင်ပြီး သွားရောက် စုံစမ်းနေတာဖြစ်ပါတယ်။
တစ်နာရီဝန်းကျင်လောက်
ကြာအောင် စုံစမ်းစစ်ဆေးမှုများ ပြုလုပ်ခဲ့ပြီးတော့ နေရာအနေအထား ဓာတ်ပုံ
မှတ်တမ်းတွေကို ရိုက်ကူးမှတ်တမ်းယူခဲ့ပြီး ဖမ်းဆီးခံထားရတဲ့
မြန်မာနိုင်ငံသား နှစ်ဦးနဲ့ တွေ့ခွင့် တောင်းထားတယ်လို့ အဲဒီသတင်းမှာ
ဆက်လက် ဖော်ပြပါတယ်။
အခင်းဖြစ်ပွားသည့် နေရာက သွေးပေနေခဲ့တဲ့
နေရာတွေက သဲလွန်စတွေကို ရှာဖွေခဲ့ပြီး ပြစ်မှုကျူးလွန်ရာမှာ အသုံးပြုခဲ့တဲ့
ပေါက်တူးနဲ့ အသတ်ခံရတဲ့ ဗြိတိန်နိုင်ငံသား David Miller ရဲ့
လက်ကိုင်ဖုန်းမှာ တွေ့တဲ့ အစက် အပြောက်တွေကို စစ်ဆေးခဲ့တယ်လို့လည်း Bangkok
Post သတင်းမှာ ဖော်ပြပါတယ်။
အဲဒီ စစ်ဆေးမှုကို ဗြိတိန်စုံစမ်းရေးအဖွဲ့နဲ့အတူ ထိုင်းရဲတပ်ဖွဲ အကြီးတန်းအရာရှိ နှစ်ဦးလိုက်ပါ ပူးပေါင်းဆောင်ရွက်ခဲ့ တာဖြစ်ပါတယ်။
ထိုင်းနိုင်ငံ ဆူရတ်ဌာနီခရိုင် လိပ်ကျွန်းမှာ စက်တင်ဘာလ ၁၄ ရက်နေ့ ညက
ဗြိတိန်နိုင်ငံသား David Miller နဲ့ ဗြိတိန်နိုင်ငံသူ Hannah Witheridge
တို့နှစ်ဦး အသတ်ခံခဲ့ရပါတယ်။
Credit - The Voice Weekly
No comments:
Post a Comment