ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် ဗဟိုလုပ်ငန်းကော်မတီဥက္ကဋ္ဌ ကိုကျော်ကိုကိုနှင့်တွေ့ဆုံခြင်း

- ရဲလင်းထက် တွေ့မေးသည်။

- Flower News Journal၊ အတွဲ (၁၀)၊ အမှတ် (၄၀)။

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဗဟို လုပ်ငန်းကော်မတီ ဥက္ကဋ္ဌအဖြစ် တာဝန်ယူထားသည့် ကိုကျော်ကိုကိုနှင့် တွေ့ဆုံကာ လက်ရှိ ဗကသအဖွဲ့ဝင်များ ဖမ်းဆီးခံနေရမှုအပေါ် အမြင်နှင့် ဗကသအဖွဲ့၏ သဘောထား၊ ရပ်တည်ချက်နှင့် တရားစွဲဆိုခံ ဗကသများ လွတ်မြောက်ရေး အတွက် ဆောင်ရွက်နေမှုများ၊ လက်ရှိအစိုးရလက်ထက် ကျောင်းသား သမဂ္ဂဖွဲ့စည်းခြင်း၊ လှုပ်ရှားဆောင်ရွက်မှုများ အပေါ် မည်မျှ လွတ်လပ်ခွင့်ရနေသည်။ မည်သို့ရှေ့ဆက်လုပ်ကိုင်သွားမည်နှင့် လတ်တလောနိုင်ငံရေးအခြေအနေများအပေါ် ဖလားဝါးနယူးစ် ဂျာနယ်မှ တွေ့ဆုံမေးမြန်းထားသည်များကို တင်ပြပေးလိုက်ပါသည်။


ဗကသအဖွဲ့ဝင်ဖြစ်တဲ့ မဖြူနှင်းထွေး ဖမ်းဆီးခံရမှုနဲ့ပတ်သက်ပြီး ဗကသရဲ့ သဘောထားကို ဦးစွာသိလိုပါတယ်။

ဗကသအနေနဲ့ မဖြူနှင်းထွေး ဖမ်းဆီးခံရမှုနဲ့ပတ်သက်လို့ သ ဘောထားကြေညာချက် ကို စဖမ်းပြီး သိပ်မကြာခင်ကတည်းက ကြေညာ ထားခဲ့တယ်။ ဖမ်းဆီးခံရတာနဲ့ ပတ်သက်ပြီး အဲဒီကြေညာချက်ထဲမှာ နည်း လမ်းမျိုးစုံနဲ့ အမြန်ဆုံး ပြန်လည်လွတ်မြောက်ရေးအတွက် ကြိုးပမ်းသွားမယ် ဆိုတဲ့အချက်က အခရာကျဆုံးအချက်အနေနဲ့ ပါဝင်ပါတယ်။ ကျန်တာ တော့ မဖြူနှင်းထွေးအပေါ် စွဲဆိုတဲ့တရားစွဲဆိုမှုက တရားသဖြင့် ဥပဒေနည်း လမ်းနဲ့ မညီညွတ်ဘူးဆိုတာတွေပါတယ်။ ဒါဟာ ဗကသများအဖွဲ့ချုပ်အ ပေါ်မှာ တမင်တကာ ရည်ရွယ်ချက်ရှိရှိ နှိပ်ကွပ်ဖို့ ကြိုးစားပြင်ဆင်နေတယ် ဆိုတဲ့ သဘောထားလို့လည်း ကျွန်တော်တို့သုံးသပ်မိတယ်။ မဖြူနှင်းထွေး အပေါ် ချမှတ်ထားတဲ့ ပုဒ်မ ၃၆၃၊ ၃၆၈ အရဆိုလို့ရှိရင် ၁ဝ နှစ်ကနေ ထောင်ဒဏ်တစ်သက်အထိ ချနိုင်တဲ့ အနေအထားမျိုးတွေ ဖြစ်တဲ့အတွက် ဒါဟာ ဟုတ်လည်း မဟုတ်ဘူး။ ပြန်ပေးဆွဲမှုဆိုတဲ့ အမှုမျိုးကိုလည်း မဖြူ နှင်းထွေး ကျူးလွန်မှာမဟုတ်ဘူးဆိုတာကိုလည်း ကျွန်တော်တို့ ယုံကြည် တယ်။ ဒီလို ကြီးမားပြင်းထန်တဲ့ ပြစ်ဒဏ်တွေ မချမှတ်အောင်လို့ ချက်ချင်း အမြန်ဆုံး ကွင်းလုံးကျွတ်သွားအောင် အမြန်ဆုံးလွတ်မြောက်အောင် ကျွန် တော်တို့ ကြိုးစားနေပါတယ်။

မဖြူနှင်းထွေးလို ဖမ်းဆီးခံအဖွဲ့ဝင်တွေရဲ့ လွတ်မြောက်ရေးအတွက် ဗကသ က ဆောင်ရွက်နေတဲ့လှုပ်ရှားမှုတွေကို ပြောပြပေးပါလား။ ဘယ်လိုတွေဆောင် ရွက်နေပါသလဲ။

အဓိက,ကတော့ ကြိုးစားအားထုတ်မှုနဲ့ တရားရုံးထွက်တဲ့ နေ့ တိုင်းမှာ သွားပြီးတော့ တရားရုံးရှေ့မှာ ကြွေးကြော်သံတိုင်တယ်။ သူ့ကို အားပေးတယ်။ နောက်ပြီးတော့ ပိုစတာ Campaign လုပ်တယ်။ မဖြူနှင်း ထွေး ချက်ချင်းလွှတ်ဆိုတဲ့ စာသားတွေ၊ မတရားစွဲဆိုထားတဲ့ ပုဒ်မများ ရုပ် သိမ်းရေး၊ တရားစွဲဆိုခံ ကျောင်းသားများအားလုံးကို အမြန်ဆုံးလွှတ်ပေး ရေးတို့ တရားစွဲဆိုခံကျောင်းသားဆိုတာ မဖြူနှင်းထွေး တစ်ယောက်တည်း မဟုတ်ဘူး။ ပုဒ်မ ၁၈ နဲ့ တရားစွဲဆိုခံ ကျောင်းသားတွေရှိသလို ၅ဝ၅(ခ)နဲ့ တရားစွဲဆိုခံ ကျောင်းသားတွေလည်း ရှိတယ်။ လယ်သမားတွေရဲ့ ထွန် တုံးတိုက်ပွဲမှာ ဝန်းရံတဲ့ကျောင်းသားတွေကိုလည်း ပုဒ်မ ၄၄၇ လိုမျိုး ကျော် နင်းမှုတွေနဲ့ တရားစွဲထားတွေလည်း ရှိတယ်။ ဒါတွေကိုလည်း အမြန်ဆုံး ရုပ်သိမ်းပေးဖို့ တောင်းဆိုဆန္ဒပြတာတွေလည်း ရှိတယ်။ လုပ်တယ်။ တရား ရုံးရှေ့မှာ တရားဟောတာတွေ၊ ကြွေးကြော်သံ၊ အလံတွေနဲ့ တောင်းဆို တိုက်ပွဲဝင်မှုတွေက နှစ်ပတ်ရှိသွားပြီ။

ကျွန်တော်တို့လုပ်နေတာက နောက်ထပ် ထပ်ပြီးတော့လည်း ပြည်သူတွေ ပါဝင်လာနိုင်တဲ့ လှုပ်ရှားမှုမျိုး လက်မှတ်ရေးထိုးတဲ့ Campaign တွေ၊ တခြားဆုတောင်းပွဲလုပ်တာမျိုးတွေ ဒါမျိုးတွေလည်း လုပ်ဖို့ အစီအ စဉ်ရှိတယ်။ ပြီးတော့ နိုင်ငံတကာငြိမ်းချမ်းရေးနေ့၊ ကမ္ဘာ့ငြိမ်းချမ်းရေးနေ့ မှာ မဖြူနှင်းထွေး လွတ်မြောက်ဖို့အတွက် ရည်ရွယ်ပြီးတော့ ဗိုလ်တထောင် ဆိပ်ကမ်းဘုရားနားမှာ ဆုတောင်းပွဲ၊ ကဗျာရွတ်ပွဲတွေ လုပ်ခဲ့တယ်။ အမျိုး သားနိုင်ငံရေး အင်အားစုတွေနဲ့အတူ ချီတက်ခဲ့တာတွေလည်း ရှိပါတယ်။

မဖြူနှင်းထွေးက ဗကသမှာ ဘယ်လိုတာဝန် ထမ်းဆောင်တယ်ဆိုတာနဲ့ သူ့ရဲ့လွတ်မြောက်မှုအတွက် သူမရဲ့သဘောထားကရော ဘယ်လိုရှိတယ်ဆို တာသိလိုပါတယ်။

သူက ခရိုင်ကျောင်းသားသမဂ္ဂ ကျောင်းသား ရဲဘော်တစ်ယောက် ပါ။ တာဝန်ကြီးကြီးမားမားတော့ မယူထားပါဘူး။ အရင်ကတော့ သတင်း နဲ့ပြန်ကြားရေးကော်မတီမှာ တာဝန်ယူဖူးပါတယ်။ သူ့လွတ်မြောက်ခွင့်နဲ့ ပတ်သက်လို့ မဖြူနှင်းထွေးရဲ့ သဘောထားက ဗကသအနေနဲ့ လုပ်စရာရှိ တဲ့အလုပ်ကို ဆက်လုပ်၊ သူလွတ်ခြင်း၊ မလွတ်ခြင်းဆိုတာက အရေးမ ကြီးဘူး။ ဗကသဘက်က လက်ရှိသွားနေတဲ့နိုင်ငံရေး မကျသွားဖို့ဘဲ အရေး ကြီးတယ်လို့ သူပြောဖူးတယ်။ ဘယ်အစိုးရအဖွဲ့ကိုမှ အောက်ကျို့ခံပြီး လွတ်မြောက်ဖို့ တောင်းဆိုစရာမလိုဘူး၊ တောင်းပန်စရာမလိုဘူး။ ကိုယ် လုပ်စရာရှိတဲ့ အလုပ်ကိုပဲ ပြတ်ပြတ်သားသား လုပ်ပါဆိုပြီး ပြောတယ်။ ကျွန်တော်တို့ကလည်း မဖြူနှင်းထွေး လွတ်မြောက်ဖို့အတွက် အားကိုးမှာ က အစိုးရမဟုတ်ဘူး။ ပြည်သူပဲ။ ပြည်သူနဲ့ နိုင်ငံတကာကအားနဲ့ မဖြူနှင်း ထွေးလွတ်မြောက်ဖို့ ဖိအားပေးသွားမယ်။

မဖြူနှင်းထွေးရဲ့အမှုက လက်ပံတောင်းတောင်စီမံကိန်းနဲ့ဆက်စပ်ပြီး ခုလို အရေးယူဖမ်းဆီးခံရတာဆိုတော့ မဖြူနှင်းထွေးက တကယ်တမ်းမှာ ဒီအမှုနဲ့ ဘယ်လိုပတ်သက်မှုမျိုး ရှိတယ်ဆိုတာ ရှင်းပြပေးပါ။

မဖြူနှင်းထွေးက လက်ပံတောင်းမှာရှိတဲ့ ဆည်တည်းရွာမှာ သူ က ကျောင်းသားလေးတွေကို စာသွားသင်တဲ့ သဘောမျိုး။ သူတို့က စနေ၊ တနင်္ဂနွေဆို သွားပြီးတော့ ကူညီကြတယ်။ ကူညီကြတဲ့ အနေအထားမှာ စီမံကိန်းကိစ္စက လျော်ကြေးမယူထားတဲ့ ခြံမြေတွေကို သိမ်းပိုက်တာ၊ ခြံ စည်းရိုးခတ်တာတို့နဲ့ပတ်သက်ပြီး ရွာသားတွေနဲ့ အမြဲမပြတ် ဖြစ်နေတာ။အဲဒီအပေါ်မှာ စကားပြောရင်းက တရုတ်အမျိုးသားနှစ်ယောက်ကို ရွာထဲ ကိုခေါ်လာပြီးတော့ ဝမ်ပေါင်-မြန်မာကုမ္ပဏီနဲ့ ညှိနှိုင်းမယ်ဆိုပြီး သူတို့ (ရွာသားတွေ)က စီစဉ်ကြတယ်။ အဲဒီစီစဉ်မှုမှာ မဖြူနှင်းထွေးအနေနဲ့ တရုတ် တွေကို ခေါ်လာတဲ့အခါမှာလည်း မပါသလို ကျန်တဲ့ ကုမ္ပဏီလူကြီးပိုင်းနဲ့ စကားပြောတဲ့ကိစ္စမှာလည်း မဖြူနှင်းထွေးက ရွာရဲ့ကိုယ်စားလှယ် မဟုတ် ဘူး။ ရွာသူရွာသားတွေ သူတို့ကိုယ်စားလှယ်နဲ့ပြောတဲ့ကိစ္စ၊ ဒီတရုတ်နှစ် ယောက်ကို ဖမ်းဆီးတဲ့ကိစ္စမှာ စီမံခန့်ခွဲတယ်ဆိုတာ လုံးဝမဟုတ်ဘူး။ သီး ခြား လက်ပံတောင်းတောင်စီမံကိန်းကြောင့် ဖြစ်လာတဲ့ကိစ္စတစ်ခုကို ဒီရွာကို ရောက်ရှိနေတဲ့ မဖြူနှင်းထွေးကို သက်သက်မဲ့ ဆွဲထည့်လိုက်တယ်။ ပြဿနာ ထဲကိုဆွဲထည့်ဖို့ အစိုးရက တမင်တကာဖန်တီးလိုက်တယ်လို့ ကျွန်တော် တို့က မြင်ပါတယ်။

ဒီအပေါ်မှာ ပြည်သူလူထုနဲ့ ကျောင်းသားတွေကို လမ်းပေါ်တက်လာအောင် အစိုးရကဖန်တီးနေတယ်ဆိုပြီး ပြောနေတာလည်းရှိတော့ အဲဒီအပေါ် ဗကသ ရဲ့သဘောထားရပ်တည်ချက်ကရော ဘယ်လိုရှိပါသလဲ။

ကျွန်တော်တို့ကို ခြိမ်းခြောက်လို့လည်း မရဘူး။ မြှောက်ပင့်ပေးလို့လည်း မရဘူး။ ကျွန်တော်တို့က နိုင်ငံရေးကို စနစ်တကျ သုံးသပ်ပြီးတော့ကို လုပ် မှာ။ ဆင်ကန်းတောတိုးတော့ လုပ်မယ့်အနေအထားမျိုးမရှိဘူး။ တစ်ခု ခုဆို Emotion တွေ များလာအောင်၊ ကိုယ့်အထဲက ရဲဘော်တစ်ယောက်ကို ဖမ်းဆီးချုပ်နှောင်ပြတာ၊ မတရားထောင်ချတာတွေ လုပ်ကောင်းလုပ်လိမ့် မယ်။ အဲဒီလိုအပေါ်မှာ ကျွန်တော်တို့ကEmotion နဲ့ စဉ်းစားတာမဟုတ်ဘဲ Reasonable ကျအောင် ကျွန်တော်တို့စဉ်းစားမှာ။

လုပ်သင့်လုပ်ထိုက်တဲ့ အချိန်ကျရင် ဗကသက အနှေး အမြန်ပေါ့။ ထွက်သင့်ရင်ထွက်မှာပဲ။ အလကားနေအ လကား လမ်းပေါ်ထွက်နေမှာတော့ မဟုတ်ဘူး။ လိုအပ် လာရင်တော့ ပြည်သူနဲ့လက်တွဲပြီး တိုက်ပွဲဝင်သွားဖို့ ရှိပါတယ်။ ကျွန်တော်တို့ကို ဆွလို့ ဖွလို့ရမလားဆိုတဲ့ အကွက်မျိုးနဲ့လုပ်တာဆိုရင်တော့ အကြီးအကျယ်မှား ယွင်းသွားလိမ့်မယ်လို့ ပြောချင်ပါတယ်။

ရုံးထုတ်မှုတိုင်းမှာ မဖြူနှင်းထွေးအတွက် အာမခံလျှောက် ထားမှုတိုင်းကလည်း နှစ်ကြိမ်စလုံး ငြင်းပယ်ခံရတာ ရှိတော့ ဘာကြောင့် အာမခံ မရတာလို့ ထင်ပါသလဲ။

အာမခံကိစ္စကို ကျွန်တော်မြင်တာကတော့ လုပ်ထုံးလုပ်နည်းနဲ့အညီ ဆိုလို့ရှိရင် အာမခံပေးရမှာ မပေးဘူးဆိုတာက ခြွင်းချက်အရသာလျှင် ဖြစ်တယ်။အခုက ခြွင်းချက်မရှိဘူး။ အကြောင်းအရာမရှိဘဲနဲ့ မဖြူ နှင်းထွေးအတွက် အာမခံကို နှစ်ကြိမ်တိတိငြင်းပယ်ခံရ တာဆိုရင် တရားဥပဒေမဏ္ဍိုင် တိမ်းစောင်းမှုလို့ မြင် တယ်။ တရားရေးမဏ္ဍိုင်က အုပ်ချုပ်ရေးမဏ္ဍိုင်ရဲ့အောက် မှာ တစ်နည်းတစ်ဖုံ ရောက်ရှိနေတဲ့အတွက်ကြောင့်မို့ တရားသူကြီးအနေနဲ့ လွတ်လပ်စွာ စီရင်ဆုံးဖြတ်ပိုင်ခွင့် နည်းပါးနေတယ်။ ဒါကြောင့်မို့ မဖြူနှင်းထွေးကိစ္စမှာ ကျွန်တော်တို့ အာမခံလျှောက်လိုက်တိုင်းမှာ ပယ်ချခံရ တာ နှစ်ခါရှိသွားပြီ။ ကျွန်တော်တို့ တိုင်းတရားရုံးအထိ နောက်ဆုံးအထိတက်ပြီးတော့ ကျွန်တော်တို့ တောင်းဆို ပိုင်ခွင့်ရှိတယ်။ တောင်းဆိုဦးမယ်။ အဲဒီလို တောင်းဆိုတာ ကိုမှ ဆက်ပြီးပယ်ချတယ်ဆိုရင် ဒါဟာ အစိုးရရဲ့သဘော ထားဟာ တရားရေးမဏ္ဍိုင်အပေါ် အကြီးအကျယ်စွက် ဖက်နေသေးတယ်ဆိုတာ ပြသနေသလိုပဲဖြစ်တယ်။

မဖြူနှင်းထွေးအမှုမှာ အုပ်ချုပ်ရေးပိုင်းက လွှမ်းမိုးမှုရှိနေ တယ်လို့ပြောတော့ ဗကသရဲ့ဆောင်ရွက်နေမှုတွေအပေါ် မှာရော ဘယ်လို သိသာတဲ့ကွာခြားချက်ရှိနေပါသလဲ။

ကွာခြားချက်တွေတော့ ရှိတယ်။ အရင်ဆိုရင် ဗကသဆိုတာ အသံတောင် ထွက်လို့ရတာ မဟုတ်ပါဘူး။ အဲဒီတုန်းက ဗကသဖွဲ့ပြီဆိုကတည်းက ကြီးထွားမလာ ခင်မှာ ဖြိုခွဲလိုက်တယ်။ ဆိုလိုတာက သန္ဓေသားဘဝ ကတည်းက ဖျက်ဆီးခံခဲ့ရတာ။ အဲဒီလို အခြေအနေဖြစ် ခဲ့တယ်။ ဗကသက အခုအခြေအနေမှာ မွေးဖွားခွင့်တော့ ရပြီ။ မွေးဖွားခွင့်ရတယ်။ ဒါပေမဲ့ ပုခက်ထဲမှာပဲ လည်မျို ညှစ်သတ်တယ်ဆိုတဲ့ပုံစံမျိုး။ ကျွန်တော်တို့ အရွယ်ရောက် လာမှာ၊ ကြီးကောင်ဝင်လာမှာစိုးတဲ့အတွက် ဗကသကို ပုခက်အတွင်းမှာ လည်မျိုညှစ်သတ်နေတယ်လို့ ပြောလို့ရ တယ်။ ဒါက ဥပမာအနေနဲ့ပြောတာပါ။ ဟိုတုန်းက လုံးဝ လုပ်လို့မရတဲ့ အခက်အခဲမျိုးစုံနဲ့ ကျွန်တော်တို့ကိုယ် တိုင် တိုက်ပွဲပေါင်းများစွာ ရွှေဝါရောင်တို့ဘာတို့မှာ ကျော် လွှားခဲ့ကြပြီး ဒီနေ့ဒီအချိန်မျိုးကို ရောက်လာတယ်။ ဒီ လိုအခြေအနေမျိုးမှာ ကျွန်တော်တို့ ကြီးထွားမလာအောင် ဖိနှိပ် ခံနေရတယ်။ စောစောကပြောတဲ့ ဥပမာအတိုင်း ပဲ မွေးဖွားခွင့်ရတယ်။ ဒါပေမဲ့ လည်မျိုညှစ်သတ်ခံနေရ တယ်လို့ ကျွန်တော် မြင်တယ်။

ဒီလိုဆို ဘယ်လိုအကြောင်းအချက်တွေကြောင့် ဗကသ က ဖိနှိပ်ခံနေရတာလို့ သုံးသပ်မိပါသလဲ။

အချက်တွေကတော့ အများကြီးပဲ။ အဓိက ပြဿနာကတော့ ဗကသဆိုလို့ရှိရင် လက်ရှိအစိုးရ ကြံ့ ခိုင်ရေးပါတီအစိုးရက သူတို့က တပ်ကလာတဲ့သူတွေ များတဲ့အတွက်ကြောင့် သူတို့စိတ်ထဲမှာ ဗကသဆိုရင် သူပုန်အဖွဲ့အစည်း တစ်ခုလို့ အမြင့်ဆုံးအဆင့်စွပ်စွဲချင် တယ်။ နောက်ပြီးတော့ ဗကသဟာ အတိုက်အခံထဲမှာ ပြင်းပြင်းထန်ထန်ရှိတဲ့လမ်းစဉ်ကို ကိုင်စွဲတယ်ဆိုပြီးတော့ ကျွန်တော်တို့ကို Redical သမားတွေ၊ သူတို့ရဲ့လှုပ်ရှား မှုတွေကို ဟန့်တားနှောင့်ယှက်နိုင်မယ့်သူတွေဆိုတဲ့ သ ဘောနဲ့ အငြိုးအတေးတစ်စုံတစ်ရာတော့ ထားတယ်ဗျ။
နောက်တစ်ချက်က ဗကသကတော့ ဘယ်သူ့မျက်နှာမှ ထောက်မှာမဟုတ်ဘူး။ ပြည်သူ့မျက်နှာကလွဲလို့ မှန် တာရှိ မှန်တယ်ပြောမယ်၊ မှားတာရှိလည်း မှားတယ်လို့ ပြောမယ်။ အဲဒီလိုအချက်တွေအပေါ်မှာ သူတို့က ငြိုငြင် နေတယ်။ နောက်ပြီး ကျောင်းသားသမဂ္ဂတစ်ခုဖွဲ့စည်း တယ်ဆိုတော့ ကျောင်းသားအရေးမှာလည်း ကျွန်တော် တို့က ထဲထဲဝင်ဝင် ပါဝင်တယ်။ အမျိုးသားပညာရေး ဥပဒေကိစ္စကို ကန့်ကွက်ဆန္ဒပြတယ်။ ဒီဥပဒေက လက် ရှိ အစိုးရရဲ့လိုင်းဗျ။ အစိုးရက ဒါကို အတည်ပြုတာ။ ဒါကို ကျွန်တော်တို့က ကန့်ကွက်တဲ့အတွက်ကြောင့် ဒီ အပေါ်မှာလည်း တစ်စုံတစ်ရာ Effect ရှိတယ်။ မဖြူ နှင်းထွေးကို လုပ်တဲ့လုပ်ရပ်ဟာလည်း အာရုံလှည့်စား မှုတစ်ခုအဖြစ် မြင်တယ်။ နောက်ပြီးတော့ ဗကသကို စနစ်တကျ ပြိုကွဲသွားအောင် သပ်လျှိုတဲ့ဖန်တီးမှုတစ် ရပ်လို့လည်း မြင်တယ်။

အခုနောက်ပိုင်း ကျောင်းသားထုအတွင်းမှာ ကျောင်းသား သမဂ္ဂတွေ ဖွဲ့လာတာတွေရှိတော့ လှုပ်ရှားခွင့်တွေကရော လွတ်လပ်ပါသလား။ ဘယ်လိုစိန်ခေါ်မှုမျိုးတွေ ရှိနေလဲ။

လက်ရှိ သမဂ္ဂတွေ အများကြီး ပေါ်လာပေ မယ့်လည်း တချို့နေရာတွေမှာ လွတ်လပ်စွာ လှုပ်ရှား ခွင့်မရှိဘူး။ ရေဆင်းဘက်က တိမွေးကုတက္ကသိုလ်၊ စိုက် ပျိုးရေးတက္ကသိုလ်ဆိုရင် သိပ်မကြာခင်က ဖျက်သိမ်းခံ ခဲ့ရတယ်။ ဝန်ကြီးဌာနတွေအောက်မှာ ကျောင်းတွေ၊ တက္ကသိုလ်တွေကို ထားရှိတဲ့အတွက်ကြောင့် ဝန်ကြီးဌာန တွေက တက္ကသိုလ်တွေကို လွှမ်းမိုးချုပ်ကိုင်လာတာတွေ ရှိတယ်။ အရမ်းလည်းများတယ်။ နောက်ပိုင်း ပညာရေး ဥပဒေမှာ ကိုယ်ပိုင်သီးခြားတက္ကသိုလ်တွေမှာ ကိုယ်ပိုင် သီးခြားသမဂ္ဂတွေ လှုပ်ရှားပိုင်ခွင့်ရှိအောင် ကျွန်တော်တို့ ဗကသအနေနဲ့ ကြိုးစားမယ်။ ဝန်ကြီးဌာနတွေက ပိတ် ပင်တားမြစ်နေတယ်။ ဟိုဟာ မလုပ်ရ၊ ဒီဟာ မလုပ်ရ စည်းမျဉ်းဥပဒေတွေ အမျိုးမျိုးထုတ်ပြန်နေတယ်။ သိပ္ပံ နဲ့ နည်းပညာဝန်ကြီးဌာနဆိုရင် နိုင်ငံရေးလှုပ်ရှားမှုမှာ ပါဝင်တဲ့ ကျောင်းသားတွေကို ကျောင်းထုတ်ပစ်မယ်ဆို တဲ့စာတွေ ထုတ်ထားတာရော တွေ့ရတယ်။ သမဂ္ဂဖွဲ့ စည်းခွင့်လည်းမရှိဘူး။ ဘာအသင်းအဖွဲ့မှ တရားဝင်ဖွဲ့ စည်းခွင့်လည်းမရရှိဘူး။ အသင်းအဖွဲ့ ဖွဲ့မယ်ဆို ပရ ဟိတပဲဖွဲ့ဖွဲ့ ကျောင်းက ခေါ်တွေ့တယ်။ ဖျက်ဖို့လည်း တောင်းဆိုတယ်။ မဖျက်ဘူးဆိုရင်လည်း သူတို့မိဘတွေ ကို တိုင်စာပို့ပြီးခေါ်တွေ့တယ်။ အဲဒီလို ဖိအားပေးတာ တွေ လုပ်နေတုန်းပဲ။ တက္ကသိုလ်တွေမှာ သမဂ္ဂတွေလွတ် လပ်စွာရပ်တည်နိုင်ဖို့ ဗကသက ဆက်လုပ်သွားမှာပါ။

အခုအစိုးရသစ်လက်ထက် ဗကသလှုပ်ရှားမှုကရော အ ရင်နဲ့ ဘယ်လို မတူတာတွေရှိပါသလဲ။

၂ဝဝ၇ ရွှေဝါရောင်မတိုင်ခင်မှာ ဗကသကို စပြီးတော့ဖွဲ့စည်းတယ်။ အဲဒီတုန်းကတော့ လူနည်းနည်း ပဲဆယ်ဂဏန်းမပြည့်ပါဘူး။ ဒီလူတွေက စလုပ်ရာကနေ စည်းရုံးရတာလည်း တော်တော်ခက်ခဲတယ်။ အပြင်ထွက် ပြီဆိုတာနဲ့ အဖမ်းခံရမှာ။ အဲဒီတော့ မြေအောက်ဆန် ဆန်ပဲ ရုပ်ပြောင်းရုပ်လွှဲနဲ့ပဲ ကျွန်တော်တို့လုပ်ခဲ့ရတဲ့ အခြေအနေကနေ အခုကတော့ ပေါ်ပေါ်ထင်ထင်လုပ် ခွင့်ရပြီ။ စင်မြင့်တွေပေါ်မှာလည်း တရားဟောခွင့်တွေ ရှိခဲ့တယ်။ စာစောင်စာတမ်းတွေ ထုတ်တာတွေမှာလည်း အခု တရားဝင်ထုတ်လို့ရတယ်။ အရင်ကဆို ပုဒ်မ(၁၇)၊ (၂ဝ)တို့နဲ့ငြိနေတော့ ဖမ်းဆီးခံရဖို့နီးတယ်။ အဆင်ပြေ မှုတွေကတော့ ရှိပါတယ်။ ဒါပေမဲ့ လွတ်လပ်ခွင့်အပြည့် အဝမရသေးတာတော့ အမှန်ပဲ။ တစ်ပြည်လုံးမလွတ်လပ် ရင် ကျောင်းသားလည်း ကွက်ပြီးတော့မလွတ်လပ်ပါဘူး။

သီးခြားပြောကြားလိုတာရော ရှိပါသေးလားခင်ဗျ။

ကျွန်တော်တို့ လိုလားတောင်းတတဲ့ ဒီမိုက ရေစီပညာရေး မဖြစ်မချင်းရယ်၊ တိုင်းပြည်တစ်ပြည်လုံး ရဲ့ ဒီမိုကရေစီရေး မအောင်မြင်သေးသရွေ့၊ ပြည်တွင်း စစ်ကြီးရပ်စဲပြီးတော့ ပြည်တွင်းငြိမ်းချမ်းရေးမရမချင်း တိုင်းရင်းသားတွေကြား တန်းတူညီမျှမှုမရှိမချင်း ကျွန် တော်တို့ဗကသဆိုတာက ရှိနေမယ်။ ကျောင်းသားသမဂ္ဂ လှုပ်ရှားမှုတွေလည်း ပေါ်ပေါက်နေမယ်။ တိုက်ပွဲဝင် ခွပ်ဒေါင်းအလံကိုလည်း နောင်မျိုးဆက်တွေ အဆင့် ဆင့် လက်ဆင့်ကမ်းသွားမယ်လို့ ပြောချင်ပါတယ်။

#TheFlowerNews