အပြည်ပြည်ဆိုင်ရာ ငြိမ်းချမ်းရေးနေ့ ကျင်းပ
မြန်မာ့
လူ့အဖွဲ့အစည်းအတွင်း မတူကွဲပြားတဲ့ အတွေးအခေါ်၊ အယူဝါဒနဲ့
ကြန်အင်လက္ခဏာတွေကို အပြန်အလှန် နားလည်လက်ခံပြီး အတူယှဉ်တွဲနေထိုင်နိုင်မှသာ ရေရှည်တည်တံ့တဲ့ငြိမ်းချမ်းရေး ဖြစ်ကြောင်း နိုင်ငံတော်သမ္မတ ဦးသိန်းစိန်က ဒီနေ့ကျရောက်တဲ့ ၃၂ ကြိမ်မြောက် အပြည်ပြည်ဆိုင်ရာ ငြိမ်းချမ်းရေးနေ့မှာ ပြောပါတယ်။
ရန်ကုန်မြို့ မြန်မာငြိမ်းချမ်းရေးစင်တာမှာ ကျင်းပတဲ့ ၃၂ ကြိမ်မြောက် အပြည်ပြည်ဆိုင်ရာ ငြိမ်းချမ်းရေးနေ့ အခမ်းအနားကို ပေးပို့တဲ့ နိုင်ငံတော်သမ္မတရဲ့ သ၀ဏ်လွှာမှာ အဲဒီလို ဖေါ်ပြခဲ့တာ ဖြစ်ပါတယ်။
ဒါ့အပြင် မြန်မာနိုင်ငံရဲ့ ငြိမ်းချမ်းရေးဖော်ဆောင်မှုဟာ နိုင်ငံသားတစ်ဦးချင်းစီအတွက် အရေးကြီးတဲ့ဖြစ်စဉ်တစ်ခုဖြစ်ကြောင်း
၊ ကုလသမဂ္ဂ အတွင်းရေးမှူးချုပ် ဦးသန့်ရဲ့ "စစ်ပွဲတွေကို ပေါ်ပေါက်စေခဲ့တဲ့
လူသားတွေရဲ့ စိတ်နှလုံးသားထဲမှာပဲ စစ်ပွဲတွေကို ဟန့်တားနိုင်တဲ့
ချစ်ခြင်းမေတ္တာနဲ့ ကိုယ်ချင်းစာတရားတွေကို ပြုစုပျိုးထောင်သွားကြရမယ်" ဆိုတဲ့ အဆိုအမိန့်ကို အလေးဂရုပြုဖို့ လိုကြောင်း ဖော်ပြထားပါတယ်။
၃၂ ကြိမ်မြောက် အပြည်ပြည်ဆိုင်ရာ ငြိမ်းချမ်းရေးနေ့ အထိမ်းအမှတ်
အခမ်းအနားတွေကို ရန်ကုန်၊ တောင်ကြီး၊ မြစ်ကြီးနား၊ မော်လမြိုင်၊ ထားဝယ်၊
စစ်တွေစတဲ့မြို့ကြီးတွေမှာ အရပ်ဘက်အဖွဲ့အစည်းတွေ စုပေါင်းကျင်းပခဲ့ကြပါတယ်။
Credit - RFA
No comments:
Post a Comment