အိပ်မပျော်ခြင်းကို အနိုင်ယူရန်နည်းလမ်းများ

 ပုံမှန်မအိပ်စက်ရခြင်း၊ အိပ်ရေးပျက်ခြင်းနှင့် အိပ်မပျော်နိုင်ခြင်းတို့အတွက် အလျင်စလို လုပ်ရသော လူနေမှုဘ၀ပုံစံ (သို့မဟုတ်) အားအင်ကုန်ခန်းစေသော အလုပ်ပုံစံတို့အပေါ် အပြစ်တင်ရမည်ဖြစ်သော်လည်း   အမှန်တကယ်တွင် ကျွန်တော်တို့အများစုမှာ နှစ်ခြိုက်စွာ အိပ်မပျော်ခြင်း၊ မျက်စိကြောင်နေခြင်းတို့နှင့် ကြုံတွေ့နေရသည်။ စိတ်ဖိစီးမှုကို အနိုင်ယူကာ ညဘက်အပြည့်အ၀ အနားယူနိုင်မည့် နည်းလမ်းများကို ဖော်ပြပေးလိုက်ပါသည်။
ကောင်းစွာအိပ်ပျော်စေရန် သင်၏ ခန္ဓာကိုယ်ကို မောပန်းအောင်လုပ်ရန် အရေးကြီးကြောင်း
အိပ်စက်မှုကျွမ်းကျင်ပညာရှင်ဟာဆင်က ပြောသည်။ အိပ်ချိန်မတိုင်မီ လေးနာရီမျှ လေ့ကျင့်ခန်းလုပ်ရန် ၎င်းက အကြံပေးထားသည်။ သို့သော် အလွန်အမင်း မောပန်းအောင် မလုပ်ပါနှင့်။ ပေါ့ပေါ့ပါးပါး လုပ်ရသော လေ့ကျင့်ခန်းမျိုးလုပ်ပါ။ အပြင်ဘက်တွင် (သို့မဟုတ်) ပြေးစက်ပေါ်တွင် ပြေးခြင်း၊ စက်ဘီးစီးခြင်း (သို့မဟုတ်) နေပူဆာလှုံရင်းလမ်းလျှောက်ခြင်းတို့ ပြုလုပ်ပါ။ လေ့ကျင့်ခန်း လုပ်ချိန်တွင် ခန္ဓာကိုယ်၏ စွမ်းအင်များကို သုံးစွဲလိုက်ရသောကြောင့် လုံးဝအိပ်ပျော်စေမည်ဖြစ်ကြောင်း အားကစားနည်းပြ ရာဂူးကလည်း ပြောသည်။ လေ့ကျင့်ခန်းလုပ်ခြင်းကြောင့် အိပ်ရေးပျက်စေသည့် အခြားကိစ္စများကိုလုပ်ရန် (သို့မဟုတ်) ညဘက်ထိုင်နေရန် မောပန်းနေပြီဖြစ်သဖြင့် အိပ်ရန်ကြိုးပမ်းကြမည်ပင်ဖြစ်ကြောင်း ၎င်းတို့က ပြောသည်။
ကော်ဖီ၊ အရက်နှင့် ဆေးလိပ်တို့ မသောက်ပါနှင့်။ ညဘက်ကဖိန်း ဓာတ်တစ်မျိုးမျိုး သောက်သုံးမှုကြောင့် ဦးနှောက်ထဲရှိ အိပ်ပျော်စေသော  ဓာတုပစ္စည်းထုတ်လွှတ်မှုကို အဟန့်အတားဖြစ်စေပြီး နိုးကြားစေသည်။
ကလေးငယ်များ အိပ်ပျော်စေရန် မိခင်များက တေးဆိုချော့သိပ်လေ့ရှိသကဲ့သို့ သာယာငြိမ့်ညောင်းသော တေးဂီတနားဆင်ခြင်းနှင့် ကောင်းစွာအိပ်ပျော်စေခြင်းကြား ဆက်စပ်မှုရှိကြောင်း လေ့လာမှုများစွာက ဖော်ပြသည်။ သာယာငြိမ့်ညောင်းသော တေးဂီတများ နားဆင်ခြင်းဖြင့် စိတ်ကို အနားရစေပြီး အခြားအနှောင့်အယှက်ပေးသော စိတ်အာရုံများကို တားဆီးပေးသည်။
အိပ်ပျော်စေရန် နံပါတ်စဉ် ရေတွက်ခြင်းမှာ အမှန်တကယ်ပင် အထောက်အကူပြုကြောင်း သိရသည်။ ခေါင်းထဲတွင် ညီမျှခြင်းများ တွေးတောအဖြေရှာခြင်း၊ သင်္ချာပုစ္ဆာများ ဖြေရှင်းခြင်း၊ နံပါတ်စဉ်များ ရေတွက်ခြင်းတို့က မြန်မြန်အိပ်ပျော်စေကြောင်း လေ့လာမှုများက ဖော်ပြ သည်။ စိတ်အပန်းပြေစေသည့် အကြောင်းအရာများကို စိတ်ကူးယဉ်ခြင်းဖြင့် စိုးရိမ်ပူပန်မှုနှင့် စိတ်ဖိစီးမှုတို့ကို လျော့ပါးစေပြီး အိပ်ပျော်စေရန် ကူညီနိုင်သည်။
ညဘက်ရောက်တိုင်း အိပ်မပျော်နိုင် ဖြစ်တော့မည်ဟု မတွေးပါနှင့်။ အိပ်ပျော်မည်ဟု တွေးပြီး ကြိုးစားအိပ်စက်ခြင်းက ညဘက်ကောင်းစွာ အိပ်ပျော်စေနိုင်ကြောင်း ကျွမ်းကျင်သူများက ပြောသည်။ ပုံမှန်အိပ်ချိန်သတ်မှတ်ပြီး အိပ်စက်ပါ။ နံနက်စောစောထပါ။ ညဘက်စောစော အိပ်ရာဝင်ပါ။ အားလပ်ရက်များတွင် အလွန်အကျွံအိပ်စက်ခြင်းနှင့် နေ့လယ်တစ်ရေးအိပ်ခြင်းတို့ မလုပ်ပါနှင့်။ မှောင်သော၊ ဆူညံသံမရှိသော၊ သင့်လျော်သော အပူချိန်ရှိသည့် အခန်းတွင် အိပ်စက်ပါ။ အိပ်ချိန်မတိုင်မီ ရေနွေးဖြင့် မိနစ် ၃၀ ခန့် ရေချိုးပါ။ ယင်းနောက် နို့ပူပူတစ်ခွက် (သို့မဟုတ်) ရေတစ်ခွက်သောက်ပေးပါ။ မြန်မြန်အိပ်ပျော်စေရန် အခန်းထဲရှိ အရာဝတ္ထုတစ်ခု (သို့မဟုတ်) တစ်နေရာတည်းကို အာရုံစူးစိုက်ထားပါ။ အကယ်၍ ပြဿနာဆက်ရှိနေပါက ဆရာဝန်နှင့် တိုင်ပင်ဆွေးနွေးပါ။

Credit - 7DAY DAILY