များသောအားဖြင့် ထိုစကားလုံး သုံးစွဲပြီဆိုပါက နောက်ကွယ်တွင် မကွယ်မဝှက်ခြင်း၊ ရိုးသားဖြောင့်မတ်ခြင်း သဘောများ ပါဝင်နေသောကြောင့် ပွင့်လင်းမြင်သာမှု ရှိခြင်းသည် လူချွန်လူကောင်းများ၏ အရည်အချင်း တစ်ရပ်ဟုလည်း ဆိုနိုင်သည်။
များသောအားဖြင့် လူအများက ချစ်ခင်လေးစားသော၊ ကြည်ညိုအားကိုး ယုံကြည်သော ခေါင်းဆောင်များတွင် ပွင့်လင်းမြင်သာမှုမှာ အဓိက ကြန်အင် လက္ခဏာတစ်ရပ် ဖြစ်သည်။ မြန်မာ့သမိုင်း၊ ကမ္ဘာ့သမိုင်းကို ကြည့်လျှင်လည်း နာမည်ဂုဏ်သိက္ခာကောင်းဖြင့် မှတ်တမ်းတင်ကျန်ရစ်သည့် ခေါင်းဆောင်များတွင် ပွင့်လင်းမြင်သာမှုက အထင်ရှားဆုံး စရိုက်လက္ခဏာအဖြစ် တွေ့ရသည်။
ယနေ့ မြန်မာနိုင်ငံတွင် ဖြစ်ပေါ်နေသော ရှေ့မတိုးနောက်မဆုတ် အခြေအနေအရပ်ရပ်ကို ဆန်းစစ်ကြည့်ပါက အင်အားစုအသီးသီး၊ အဖွဲ့အစည်း၊ ပါတီအသီးသီး၏ အဓိက ခေါင်းဆောင်များအကြား ပွင့်လင်းမြင်သာမှု အားနည်းနေသည်ဟု ယေဘုယျအားဖြင့် သုံးသပ်နိုင်သည်။
ပွင့်လင်းမြင်သာမှု မရှိခြင်း၏ ဆန့်ကျင်ဘက်မှာ မရိုးဖြောင့်ခြင်းဟု အဓိပ္ပာယ် ကောက်ယူနိုင်သည်။ နှစ်ပေါင်းများစွာ အဖြစ်မှန်ကို လိမ်ညာတင်ပြခြင်း အရိုးစွဲနေသော အဖွဲ့အစည်းတစ်ခု၊ အင်အားစုတစ်ရပ်၊ ပါတီတစ်ခုတွင် ထိပ်ပိုင်းခေါင်းဆောင်များ နောက်ဆုံးမှ သိရှိထားသော အခြေအနေတစ်ခုသည် အောက်ခြေအဆင့်ဆင့်မှ တက်လာသော ပုံဖျက်ထားသည့် သတင်းအချက်အလက်များကိုသာ အခြေခံထားသည်က များပေသည်။
ထိုသို့ ပုံဖျက်ထားသည့် သတင်းအချက်အလက်များကို အခြေခံကာ ဆုံးဖြတ်ချက်ချမိပါက အဖြစ်မှန်နှင့် ဝေးကွာကာ ဖြေရှင်းသည့် နည်းလမ်းလည်း မှားယွင်းသွားနိုင်ပေသည်။ နှစ်ပေါင်းများစွာ အစီအရင်ခံစာအတုများ၊ အလိမ်အညာစီမံကိန်း၊ စီမံချက် အချက်အလက်များ၊ မမှန်မကန် သတင်းပေးပို့ချက်များ၊ ထိမ်ချန်ထားသည့် မပြည့်မစုံ သတင်းစကားများနှင့် မိမိတို့ ကိုယ်ကိုယ်နှင့် မိမိတို့အဖွဲ့အစည်းကို လွဲမှားသော နည်းလမ်းဖြင့် ကာကွယ်ရန် ကြိုးစားလာခဲ့သည့် လူ့အဖွဲ့အစည်း တစ်ခုတွင် အချိန်ကြာလာသည်နှင့်အမျှ ထိပ်ပိုင်းခေါင်းဆောင်များသ
ထိုအခါ ယင်းသတင်းတို့ကို အခြေပြု၍ အများပြည်သူ သိရှိရန် ထုတ်ပြန်သော သတင်း၊ ထုတ်ပြန်၊ ကြေညာချက်တို့မှာ တစ်စုံတစ်ရာ ထိမ်ချန်ကွယ်ဝှက်ထားကြောင်း
ထို့ကြောင့်ပင် အာဏာသုံးရပ် တစ်သီးတခြားစီ ခွဲခြားကျင့်သုံးခြင်း၊ သန့်ရှင်းသောအစိုးရ၊ ကောင်းမွန်သော အုပ်ချုပ်ရေးစနစ်၊ ဆင်းရဲနွမ်းပါးမှု လျှော့ချရေး၊ မည်သည့်အခါမှ နောက်ကြောင်း ပြန်လှည့်မည်မဟုတ်၊ ဒီမိုကရေစီ အသွင်ကူးပြောင်းရေး၊ နိုင်ငံတည်ဆောက်ရေး၊ ငြိမ်းချမ်းမှု တည်ဆောက်ရေး၊ အပစ်အခတ်ရပ်စဲရေး စသည့် စကားလုံးများ၊ ဆောင်ရွက်ချက်များကိုလည်း တိုင်းရင်းသား ပြည်သူလူထုတစ်ရပ်လုံးက ယုံရခက်နေခြင်း ဖြစ်ကြောင်း သိစေအပ်ပေသည်။
အယ်ဒီတာ (၂၆-၁၀-၂၀၁၄)
--------------------------
The Voice Daily Editorial, Vol-2/No-168 (#voiceeditorial)
No comments:
Post a Comment