Father Land ကုမ္ပဏီပိုင်ရှင် ကျပ်သိန်းတစ်ထောင်နဲ့ အာမခံရ

ရန်ကုန်၊ ဒီဇင်ဘာ ၂

တရားခံပြေးအဖြစ် ထိန်းသိမ်းခံထားရတဲ့ Father Land ကုမ္ပဏီပိုင်ရှင်ဖြစ်သူကို ကျန်းမာရေး အခြေအနေကြောင့် ကျောက်တံတား မြို့နယ် တရားရုံးက ကျပ်သိန်းတစ်ထောင်နဲ့ အာမခံပေးလိုက်တယ်လို့ အဲဒီတရားရုံးကနေ သိရပါတယ်။
အင်းစိန် အကျဉ်းထောင်မှာ ထိန်းသိမ်းခံထားရတဲ့ Father Land ကုမ္ပဏီပိုင်ရှင် ဦးကျော်မြင့်ကို လိမ်လည်မှုနဲ့ ကျောက်တံတားမြို့နယ် တရားရုံးမှာ ဒီဇင်ဘာလ ၂ ရက်နေ့က စတင် တရားရုံးထုတ် စစ်ဆေးခဲ့တာ ဖြစ်ပါတယ်။

ကျောက်တံတားမြို့နယ်၊ ပန်းဆိုးတန်း အလယ်ဘလောက်မှာရှိတဲ့ မြေအကျယ် ပေ ၁၀၀×၆၀ ကို မြေပိုင်ရှင်ရဲ့ ခွင့်ပြုချက် မရရှိဘဲ လက်မှတ်အတုတွေ ပြုလုပ်ပြီး စည်ပင်ခွင့်ပြုချက် ရယူပြီးတော့ ၁၂ ထပ်တိုက် ဆောက်လုပ်ခဲ့ပါတယ်။ ဒါပေမယ့် ပြီးစီးအောင် ဆောက်လုပ်ခြင်း မရှိခဲ့ဘူး ဆိုပြီးတော့ မြေပိုင်ရှင်ဖြစ်သူက တရားစွဲဆိုခဲ့လို့ Father Land ကုမ္ပဏီ ပိုင်ရှင်ကို ဖမ်းဆီး အရေးယူခဲ့တာလို့ ကျောက်တံတားမြို့မ ရဲတပ်ဖွဲ့စခန်းကနေ သိရှိရပါတယ်။
မြေပိုင်ရှင်က စက်တင်ဘာလ ၉ ရက်နေ့မှာ အမှုဖွင့်ခဲ့တာဖြစ်ပြီး ဦးကျော်မြင့်က ရဲစခန်းသို့ လာရောက် စစ်ဆေးမခံလို့ နိုဝင်ဘာလ ၁၀ ရက်နေ့မှာ ဖမ်းဝရမ်းထုတ်ခဲ့တယ်လို့ ကျောက်တံတားမြို့မ ရဲစခန်းမှူး ဒုတိယရဲမှူး ဝင်းတင်က ပြောပါတယ်။
ဖမ်းဝရမ်းထုတ်ပြီး ၁၄ ရက်အကြာမှာတော့ Father Land ကုမ္ပဏီ ပိုင်ရှင် ကိုယ်တိုင် လာအဖမ်းခံခဲ့တာ လို့လည်း သူကရှင်းပြပါတယ်။

Credit - The Voice Weekly