ယာလာ၊ မေ ၇။ ။ ထိုင်းစစ်အစိုးရသည် တောင်ပိုင်းတွင် ဆယ်စုနှစ်
တစ်နှစ်ကျော်ကြာဖြစ်ပေါ်နေသည့် သောင်းကျန်းမှုကို ထိန်းချုပ်ရန် မဟာဗျူဟာသစ်
တစ်ခုကို မိတ်ဆက်လိုက်ပြီဖြစ်သည်။ ယင်းမှာ ဒီအင်အေစုဆောင်းခြင်းဖြစ်သည်။
ထိုင်းအစိုးရသည် စီးပွားရေးကိုင်တွယ်မှုမှားယွင်းခြင်းနှင့် ဒီမိုကရေစီကိုအားနည်းစေအောင်ပြုလုပ်သည့်အတွက် ပြင်းပြင်းထန်ထန်ဝေဖန်ခံနေရသော်လည်း မတည်ငြိမ်သောဒေသတစ်ဝန်း မွတ်စလင်မလေးသူပုန်များ၏ တိုက်ခိုက်မှုမှာ ၅၀ ရာခိုင်နှုန်းကျော်အထိလျော့ကျသွားကြောင်း လွန်ခဲ့သည့်တစ်နှစ်ကျော်က အာဏာသိမ်းယူခဲ့သည့် ထိပ်တန်းဗိုလ်ချုပ်ကြီးက ပြောကြားခဲ့သည်။
ယခုအခါ လူ ၄၀,၀၀၀၏ ဒီအင်အေနမူနာများကိုစုဆောင်းထားရှိနိုင်ပြီး ဖမ်းဆီး တရားစွဲဆိုမှုများကို ပိုမိုလွယ်ကူစွာ ပြုလုပ်လာနိုင်ကြောင်း မလေးရှားနှင့် နယ်နိမိတ်ချင်းထိစပ်နေသော တောင်ပိုင်းပြည်နယ်များအတွက် တာဝန်ပေးထားသော ရဲချုပ်က ရိုက်တာသို့ပြောကြားခဲ့သည်။
တောင်ပိုင်းတွင် ထိုင်းတို့၏ အုပ်ချုပ်မှုကို တော်လှန်မှုမှာ ၂၀၀၄ခုနှစ်တွင်ပေါ်ပေါက်ခဲ့ပြီး ထိုစဉ်ကတည်းက ယခုအချိန်ထိ လူ ၆,၅၀၀ကျော်မှာ ပစ်ခတ်မှု၊ ဗုံးခွဲမှုအပါအ၀င် အကြမ်းဖက်မှုကြောင့် သေဆုံးခဲ့ပြီဖြစ်သည်။ သေဆုံးသူအများစုမှာလည်း အရပ်သားများသာဖြစ်သည်။ ထိုင်းအစိုးရအဆက်ဆက်မှာ ခွဲထွက်ရေးပြသနာကို မဖြေရှင်းနိုင်ခဲ့ပေ။
ယခုနှစ်တွင် လုံခြုံရေးနှင့် ဆက်နွယ် တရားစွဲဆိုမှုများမှာ ၂၀၁၄ခုနှစ်ကထက် ပိုများဖွယ်ရှိနေပြီး ယင်းသို့ဖြစ်ရခြင်းမှာ တစ်စိတ်တစ်ပိုင်းအားဖြင့် ဒီအင်အေ အထောက်အထားကို မိုပိုအသုံးပြုခြင်းကြောင့် ဖြစ်ကြောင်း ပတ္တာနီပြည်နယ်မှ မွတ်စလင်ရှေ့နေစင်တာက ပြောကြားခဲ့သည်။
လွန်ခဲ့သည့်နှစ်က အဆိုပါပြည်နယ်တွင် လူ ၃၇ ဦးကို တရားစွဲဆိုခဲ့ပြီး ယခုနှစ် ပထမလေးလမှာပင် လူ၂၂ဦးကို တရားစွဲဆိုထားပြီးဖြစ်သည်။
အကြမ်းဖက်မှုတွင် သေဆုံးသူများအတွက် စစ်တပ်က ဒီအင်အေစုဆောင်းမှုကို အသိအမှတ်ပြုနေသော်လည်း ဒီအင်အေအဓမ္မစုဆောင်းမှုက မွတ်စလင်အများ စုရှိသော ပတ္တာနီ၊ ယာလာနှင့် နာရာသီဝပ်ပြည်နယ်များရှိ ဒေသခံများကို နောက်ထပ်စိမ်းကားသွားစေနိုင်သည်ဟု ရှေ့နေများနှင့် လှုပ်ရှားတက်ကြွသူများ ကပြောကြား လျက်ရှိသည်။ ၄င်းပြည်နယ်များကို လွန်ခဲ့သည့် ရာစုနှစ်တစ်နှစ်က ထိုင်းကသိမ်းပိုက်ခဲ့ခြင်းဖြစ်သည်။
၎င်းအနေဖြင့် ဒီအင်အေစမ်းသပ်ခံရသည်မှာ သုံးကြိမ်ရှိသွားပြီဖြစ်ကြောင်း ပတ္တာနီမှ အသက် ၂၆ နှစ်အရွယ် ဇာဝါ၀ီးပီက ပြောသည်။ ယခုနှစ်အစောပိုင်း ကလေးကြိမ်မြောက် စစ်ဆေးမှုကိုမူ ၄င်းကငြင်းဆိုခဲ့သည်။
ရဲအရာရှိတစ်ဦးသည် ၄င်း၏ အိမ်သို့ရောက်လာပြီး လက်ဗွေပုံစံနှင့် သွားရည်နမူနာများတောင်းခံရန် လာရောက်ခဲ့သည်ဟု ပြစ်မှုမှတ်တမ်းမရှိသော ဇာဝါ၀ီး ကပြောကြား ခဲ့သည်။ ၄င်းကငြင်းဆိုသောအခါ အရာရှိက သေနတ်တစ်လက်ဖြင့် ခြိမ်းခြောက်ခဲ့သည်ဟု ဆိုသည်။
" အနာဂတ်မှာ ကျွန်တော်အမှားလုပ်တဲ့အခါ အထောက်အထားလိုချင်တယ်လို့ သူတို့ကဆိုတယ်။ ကျွန်တော်မကျူးလွန်သေးတဲ့ ပြစ်မှုတစ်ခုအတွက် ဘာ့ကြောင့် စမ်းသပ်မှာလဲ " ၄င်းကပြောကြားခဲ့သည်။
ဒီအင်အေစုဆောင်းမှုသည် မယုံကြည်မှုကို မီးထိုးပေးနေကြောင်း မွတ်စလင်ရှေ့နေစင်တာမှ ရှေ့နေ အက်ဘ်ဒူလ်အဇစ် ကပြောသည်။
၎င်း၏ တပ်ဖွဲ့ဝင်များ ကနိုင်ထက်စီးနင်းပြုနေသည်ဆိုသည်မှာမဟုတ်မှန်ကြောင်း တောင်ပိုင်းပြည်နယ်များ၊ရဲတပ်ဖွဲ့စစ်ဆင်ရေးဋ္ဌာနတပ်မှူး ဗိုလ်ချုပ်အနုရွတ် ခရစ်ဆာနာကာရာကက် ကပြောဆိုခဲ့သည်။
သံသယဖြစ်ဖွယ်သူပုန်များ၏ သွားရည်နမူနာစုဆောင်းခြင်းနှင့် ပေါက်ကွဲမှုဖြစ်ပြီးနောက် အကြွင်းအကျန်များကို ခွဲခြမ်းစိတ်ဖြာလေ့လာမှုများပါဝင်သော ဒီအင်အေစမ်းသပ်မှုသည် ထင်ရာမြင်ရာရမ်းကားလုပ်ဆောင်ခြင်းမဟုတ်ဟုလည်း ၄င်းကဆိုသည်။
Credit - Mizzima News
No comments:
Post a Comment