အိုဘားမား မိန့်ခွန်းပြောမည့် စိန်ရတုခန်းမ ပြင်ဆင်ရန် Excellent Unity လေလံအောင်

အမေရိကန်သမ္မတ အိုဘားမားနှင့် ဒေါ်အောင်ဆန်းစုကြည်တို့၏ ဓာတ်ပုံကို ရိုက်နှိပ်ပြီး အိုဘားမားခရီးစဉ်မတိုင်မီ အမှတ်တရအင်္ကျီအဖြစ် ရန်ကုန်မြို့တွင် ရောင်းချနေသော အထည်ဆိုင်မှ အင်္ကျီကို ကြည့်ရှုနေသူနှစ်ဦး (ဓာတ်ပုံ − လင်းဘိုဘို/အီးပီအေ)

 

အမေရိကန်သမ္မတ အိုဘားမားမိန့်ခွန်းပြောကြားမည့် ရန်ကုန်တက္ကသိုလ်စိန်ရတုခန်းမ ပြင်ဆင်ခြင်းလုပ်ငန်း တင်ဒါခေါ် ယူရာတွင် Excellent Unity ဆောက်လုပ်ရေးကုမ္ပဏီက လေလံအောင်သွားကြောင်း သတင်း ရရှိသည်။
အဆိုပါ အဆောက်အအုံ ပြင်ဆင်ရေးအတွက် ကုမ္ပဏီလေးခု ၀င်ရောက် လျှောက်ထားခဲ့ပြီး Excellent Unity ဆောက်လုပ်ရေး လုပ်ငန်းက တင်ဒါအောင်မြင်ခဲ့သဖြင့်ပြင်ဆင်ခြင်းလုပ်ငန်းများ  နိုဝင်ဘာ ၉ ရက်မှ စတင်ဆောင်ရွက်နေပြီဖြစ်ကြောင်း  သတင်းရရှိသည်။
အရှေ့တောင်အာရှ လူငယ် ခေါင်းဆောင်မှုစွမ်းရည် အစီအစဉ်မှ လူငယ်များအား အမေရိကန် သမ္မတအိုဘားမား နိုဝင်ဘာ ၁၄ ရက်တွင် တွေ့ဆုံမိန့်ခွန်းပြောကြားမည်ဖြစ်ပြီး အဆိုပါ အခန်းကို ပြင်ဆင်နေခြင်းဖြစ်သည်။

ရန်ကုန်တက္ကသိုလ် စိန်ရတုခန်းမ အ၀င်တံခါးတွင် လုံခြုံရေးထမ်းဆောင်နေသော ရဲတပ်ဖွဲ့ဝင်သုံးဦးကို နိုဝင်ဘာ ၉ ရက်က တွေ့ရစဉ်(ဓာတ်ပုံ − နစ်ကီ)

အာဆီယံထိပ်သီး အစည်းအဝေးတက်ရောက်မည့် အမေရိကန်သမ္မတ အိုဘားမားသည် မြန်မာနိုင်ငံသို့ နိုဝင်ဘာ ၁၂ ရက် တွင် ရောက်ရှိမည်ဖြစ်ပြီး နေပြည် တော်၌ ပြုလုပ်မည့် အာဆီယံထိပ်သီးအစည်းအဝေး တက်ရောက်ပြီးနောက် နိုဝင်ဘာ ၁၄ ရက်တွင် ရန်ကုန်မြို့သို့ လာရောက်၍ ဒေါ်အောင်ဆန်းစုကြည်နှင့် သူမ၏ နေအိမ်တွင် တွေ့ဆုံကြမည် ဖြစ်သည်။

Credit - 7DAY DAILY