နေပြည်တော် (မဇ္ဈိမ) ။ ။ ပျဉ်းမနားရဲစခန်း၌ မုဒိမ်းမှုအား
လီဆယ်တိုင်ကြားရာမှ မန္တလေးမြို့တွင် ဘာသာရေးအဓိကရုဏ်း
ဖြစ်ပွားခဲ့ခြင်းကြောင့် ပဋိပက္ခတရားခံများဟု ယူဆသူ ငါးဦးအား
ပျဉ်းမနားတရားရုံးက စစ်ဆေးနေစဉ် ထပ်မံ၍ ဆက်စပ်တရားခံ သုံးဦးနှင့်
အတူ ဦးရဲထွဋ်၊ ဒေါ်နုနုမြတ် တို့အား ပြစ်မှုဆိုင်ရာပုဒ်မ များထပ်တိုးကာ နေပြည်တော် ပျဉ်းမနားမြို့နယ် တရားရုံး၌ စတင်စစ်ဆေးနေကြောင်း ရှေ့နေ ဦးအောင်သူရိန်ထွန်းက ပြောသည်။
အတူ ဦးရဲထွဋ်၊ ဒေါ်နုနုမြတ် တို့အား ပြစ်မှုဆိုင်ရာပုဒ်မ များထပ်တိုးကာ နေပြည်တော် ပျဉ်းမနားမြို့နယ် တရားရုံး၌ စတင်စစ်ဆေးနေကြောင်း ရှေ့နေ ဦးအောင်သူရိန်ထွန်းက ပြောသည်။
၂၀၁၄ ဇူလိုင်လအတွင်းက ဖြစ်ပွားခဲ့သည့် မန္တလေး ပဋိပက္ခမြင်ကွင်း (ဓာတ်ပုံ- ဘိုဘို၊ မဇ္ဈိမ)
ရှေ့နေက “မတ်လ ၆ ရက်နေ့ရုံးချိန်းမှာ ကျွန်တော်တွေ့လိုက်တယ်၊ အဲ့ဒီသုံးယောက်ရယ် ဦးရဲထွဋ် ၊ ဒေါ်နုနုမြတ် တို့ကို နောက်ထပ် ပုဒ်မ
သုံးခုနဲ့ တရားစွဲဆိုထားတယ်” ဟု ဖုန်းဖြင့် အတည်ပြု ဖြေကြားသည်။
ထပ်တိုးပုဒ်မများသည် ၄၆၈၊ ပုဒ်မ ၄၂၀၊ ပုဒ်မ ၈ များဖြစ်ပြီး ပြစ်မှုဆိုင်ရာဥပဒေ ပုဒ်မ ၄၆၈ စာရွက်စာတမ်းများ တစ်စုံတစ်ရာ မမှန်မကန်
ပြုလုပ်မှု ပြစ်ဒဏ် အဖြစ် ထောင်ဒဏ် ၇ နှစ်အပြင် ငွေဒဏ်၊ ပြစ်မှုဆိုင်ရာ ဥပဒေပုဒ်မ ၄၂၀ လိမ်လည်မှု ပြစ်ဒဏ်အဖြစ် ထောင်ဒဏ် ၇ နှစ်အပြင် ငွေဒဏ်၊ သွင်းကုန်ထုတ်ကုန် ယာယီအက်ဥပဒေ ပုဒ်မ ၈ တရားမဝင်ကုန်ပစ္စည်း တင်သွင်းမှုများဖြင့် တရားရင်ဆိုင်ရမည်ဖြစ်သည်။
ကနဦး တရားခံများအဖြစ် ဦးရဲထွဋ်(ခ) သူရရဲထွဋ်၊ ဒေါ်နုနုမြတ်၊ ဒေါ်ဖြူဖြူမင်း(ခ) ကတုံးမ၊ ဦးထွန်းထွန်း နှင့် ဒေါ်အမာ တို့ ငါးဦးအား
ပြစ်မှုဆိုင်ရာ ဥပဒေ ပုဒ်မ ၅(က)၊ ၅(ည)၊ ၂၁၂ တို့ဖြင့် စွဲဆိုထားအမှုများဖြင့် ဆက်စက်ခြင်း မရှိဘဲ သီးသန့်တရားရင်ဆိုင်ခြင်း
ဖြစ်ကြောင်း ဦးထွန်းထွန်း၏ ရှေ့နေဖြစ်သူ ဦးအောင်သူရိန်ထွန်း က မဇ္ဈိမကိုပြောသည်။
မူလတရားခံ ငါးဦးအား တရားခွင် စစ်ဆေးကာလ ခြောက်လကျော်ကြာမြင့်ခဲ့ပြီ ဖြစ်သော်လည်း တရားခံများ၏ ပြန်ခေါ်သက်သေ ၅၀ ဦးခန့်အား ဒုတိယအကြိမ် ထပ်မံထွက်ဆိုနေခြင်းကြောင့် အပြီးသတ်အမိန့်ချရန် ကြန့်ကြာနေခြင်း ဖြစ်သည်။
Credit - Mizzima News
No comments:
Post a Comment