ဧရာဝတီ၊ ဒီဇင်ဘာ ၁၀၊ ၂၀၁၄
သေနတ်ဒဏ်ရာများဖြင့် သေဆုံးခဲ့သော အလွတ်သတင်းထောက် ကိုပါကြီးအမှုကို စုံစမ်းစစ်ဆေးရန် ကော်မရှင် အသစ်တရပ် ထပ်ဖွဲ့ပေးရေး တောင်းဆိုထားကြောင်း သိရသည်။ ဒီဇင်ဘာလ ၁၀ ရက်နေ့ နေ့စွဲဖြင့် တောင်းဆိုချက်ပေါင်း ၁၉ ချက်ကို သမ္မတ ဦးသိန်းစိန် အပါအဝင် သက်ဆိုင်ရာ ဌာန ၉ ခုသို့ ပေးပို့တောင်းဆိုထားခြင်းဖြစ်ကြောင်း ကိုပါကြီးအမှုကို လိုက်ပါဆောင်ရွက်နေသည့် ရှေ့နေ ဦးရောဘတ်စန်းအောင်နှင့် ကိုပါကြီး၏ ဇနီး ဒေါ်သန္တာတို့က ဧရာဝတီသို့ ပြောသည်။ အစိုးရစစ်တပ်နှင့် လူ့အခွင့်အရေး ကော်မရှင်တို့၏ ထုတ်ပြန်ကြေညာချက်များတွင် ဖုံးကွယ်မှု၊ ဘက်လိုက်မှုများ ရှိနေသည်ဟု ဒေါ်သန္တာက ဆိုသည်။
Credit - The Irrawaddy (Burmese Version)
No comments:
Post a Comment