ရန်ကုန် (မဇ္ဈိမ)။ ။ လှေစီး ဒုက္ခသည်များ အရေး ကုလသမ္မဂနှင့် နိုင်ငံတကာ
NGO များ၏ အကူအညီ မယူဘဲ စိစစ်မှု၊ ထိန်းသိမ်းထားမှုများ ပြုလုပ်ရန် ပြည်နယ်
ဝန်ကြီးချုပ်က ညွှန်ကြားထားသည်ဟု ရခိုင်ပြည်နယ် အစိုးရအဖွဲ့ ပြန်ကြားရေး
ကော်မတီ ဥက္ကဌ ဦးလှသိန်းက ပြောသည်။
 |
| မြန်မာ့တပ်မတော်က ကယ်ဆယ်ထားသည့် ပင်လယ်ပြင်မှ လှေစီးဒုက္ခသည်များကို ရခိုင်ပြည်နယ် မောင်တောမြို့နယ်အတွင်း အလယ်တန်းကျော်ရွာတွင် မေ ၂၃ ရက်က တွေ့ရစဉ်။ (ဓာတ်ပုံ - အီးပီအေ) |
ဟိုင်းကြီးကျွန်းမှ လှေစီးဒုက္ခသည် ၇၀၀ ကျော်ကို ရခိုင်ပြည်နယ် ဘင်္ဂလားဒေ့ရှ် နယ်စပ်မှတ်တိုင် ၃၇ အနီး တွင် ပြောင်းရွှေ့ စစ်ဆေးနေပြီး ထို ဒုက္ခသည်များ အရေးတွင် ကုလသမဂနှင့် နိုင်ငံတကာ ဖိအားပေးမှုများကို လက်ခံမည် မဟုတ်ဘဲ စိစစ်တွေ့ရှိမှု အရသာ ဆောင်ရွက်မည်ဟုလည်း ၎င်းက ဆိုသည်။
"သူတို့ အကူအညီယူရင် သူတို့ရဲ့ ဖိအားပေးတာတွေ ဘာတွေလာမယ် ဒါတွေကို လူထုကလည်း ကန့်ကွက်နေတော့ အစိုးရရဲ့ အစီအစဉ်နဲ့ပဲ ဆောင်ရွက်သွားမယ်" ဟု ဦးလှသိန်းက ပြောသည်။
ရခိုင်ပြည်နယ်တွင် ရှိသော ကုလသမဂ္ဂ လက်အောက်ခံ အဖွဲ့အစည်းများနှင့် နိုင်ငံတကာ အကူအညီပေးရေး အဖွဲ့များသည် ရခိုင်ပြည်နယ် ဘင်္ဂလီဒုက္ခသည် စခန်းများနှင့် ဒေသဖွံ့ဖြိုးရေး လုပ်ငန်းများတွင် အစိုးရနှင့် သဘောတူညီမှု ရယူကာ အကူအညီပေးရေးများ ဆောင်ရွက်လျှက် ရှိသည်။
ရခိုင်ဒေသခံများအနေဖြင့် ဟိုင်းကြီးကျွန်းမှ ဒုက္ခသည်များ ရခိုင်ပြည်နယ်တွင် ယာယီပြောင်းရွှေ့ထားခြင်းကို လက်ခံလိုခြင်း မရှိကြဟု ပြည်နယ်လွှတ်တော် ကိုယ်စားလှယ် ဦးအောင်မြကျော်က ပြောသည်။
"လူထု အနေနဲ့ကတော့ တစ်ပူပေါ်နှစ်ပူဆင့်တာ အဖြစ်မခံချင်ကြဘူးပေါ့ဗျာ၊ ပြီးတော့ နိုင်ငံတကာက ဖိအားပေးနေတာတွေကလည်း ရှိတယ်။ ရခိုင်ပြည်နယ်မှာနေရာချထားတွေ ၊ယာယီ ဒုက္ခသည် စခန်းတွေဖြစ်လာမှာကို စိုးရိမ်ကြတယ်"ဟု ဆိုသည်။
လက်ရှိတွင် ရခိုင်ပြည်နယ် တောင်ပြိုလက်ဝဲမြို့နယ် ယာယီ စစ်ဆေးရေး စခန်းတွင် ဟိုင်းကြီးကျွန်းမှ ပြောင်းရွှေ့လာသော လှေစီး ဒုက္ခသည်များအနက် အမျိုးသမီးနှင့် ကလေး စုစုပေါင်း ၁၂၅ ဦးကို ပို့ဆောင်ထားသည်။
ကျန်လှေစီး ဒုက္ခသည်များကို မူ မြန်မာ-ဘင်္ဂလားဒေ့ရှ် နယ်စပ် မှတ်တိုင် အမှတ် ၃၇ တွင် ယနေ့ (ဇွန် ၄ ရက်) က စတင်စစ်ဆေးလျှက်ရှိသည်ဟု ပြည်နယ် အစိုးရအဖွဲ့က ဆိုသည်။
ထိုဒုက္ခသည်များ စိစစ်မှုကို ဘင်္ဂလားဒေ့ရှ် နှင့် မြန်မာ နှစ်နိုင်ငံက ပူးပေါင်းဆောင်ရွက်ကြ မည်ဖြစ်သည်။
ဘင်္ဂလားဒေ့ရှ် အစိုးရက ဇွန် ၇ ရက်တွင် ရခိုင်ပြည်နယ် ရေပိုင်နက် အတွင်းတွေ့ရှိသော ဒုက္ခသည် နှစ်ရာအနက် ၁၅၀ ကို ပြန်လည်လက်ခံမည်ဟု နိုင်ငံခြားရေး ဝန်ကြီးဌာနက သတင်းထုတ်ပြန်ထားသည်။
လက်ရှိတွင် ရခိုင်ပြည်နယ်တွင် လှေစီး ဒုက္ခသည် စုစုပေါင်း တစ်ထောင်နီးပါး ရောက်ရှိနေပြီဖြစ်သည်။
Credit - Mizzima News
No comments:
Post a Comment