ဖေဖော်ဝါရီ ၂၁ ရက်၊ မွန်းလွဲ ၂ နာရီ ၄၅ မိနစ်ခန့်တွင်ရှမ်းပြည်နယ်မြောက်ပိုင်း၊ လောက်ကိုင်မြို့နယ်မှ
ကွမ်းလုံမြို့နယ်သို့ သွားရောက်ခဲ့သည့် ကြက်ခြေနီအလံလွှင့် ထူထားသောယာဉ်တစ်စီးမှာ ထပ်မံတိုက်
ခိုက်ခံရသဖြင့် မြန်မာနိုင်ငံကြက်ခြေနီ အသင်းကဖေဖော်ဝါရီ ၂၂ ရက်တွင် ထုတ်ပြန်တောင်းဆိုလိုက်ခြင်း
ဖြစ်သည်။
မြန်မာနိုင်ငံ ကြက်ခြေနီအသင်း ဥက္ကဋ္ဌ ပါမောက္ခ ဒေါက်တာသာလှရွှေက 'တိုက်ပွဲတွေနဲ့ သက်ဆိုင်ခြင်းမရှိတဲ့ ကြက်ခြေနီ၊သတင်းထောက်တွေနဲ့ အရပ်သားတွေကို တိုက်ခိုက်တာဖြစ်လို့
ဘယ်လိုမှ လက်ခံနိုင်စရာ မရှိတဲ့ လုပ်ရပ်ဖြစ်ပါတယ်။ကျွန်တော့်အနေနဲ့ အရပ်သားတွေကို မတိုက်ခိုက်ကြဖို့လက်နက်ကိုင် အဖွဲ့အစည်းတွေကို လေးလေးနက်နက်
တောင်းဆိုချင်ပါတယ်'' ဟု ပြောသည်။
ထို့ပြင် စစ်ဘေးသင့်ပြည်သူများကို ကူညီကယ်ဆယ်ရေးလုပ်ငန်းများဆောင်ရွက်ကို အန္တရာယ်ကင်းစွာ လုပ်ကိုင်ဆောင်ရွက်ခွင့် အာမခံချက်ရရှိလိုသည်ဟုလည်း၎င်းက ဆိုသည်။
ယခုတိုက်ခိုက်ခံခဲ့ရသည့် ကြက်ခြေနီအလံလွှင့်ထူထားသည့် ယာဉ်ပေါ်တွင် ကြက်ခြေနီအဖွဲ့ဝင်တစ်ဦး၊ သတင်းမီဒီယာမှ ၅ ဦးအပါအဝင် စုစုပေါင်းပြည်သူ ၁၃ ဦး လိုက်ပါလာခဲ့ပြီး လုံထန်းနှင့်ချင်းရွှေဟော်ကြား၊ ရာခူကိုင်ဈေးအနီးတွင် တိုက်ခိုက်ခြင်းခံခဲ့ရသည်။ ယခုတိုက်ခိုက်မှုတွင် ကြက်ခြေနီအဖွဲ့ဝင်တစ်ဦး၊ သတင်း ထောက်တစ်ဦးနှင့် စစ်ဘေးရှောင်ပြည်သူနှစ်ဦး စုစုပေါင်းလေးဦးတို့မှာ သေနတ်ဒဏ်ရာများ ရရှိခဲ့ကြသည် ။
ယင်းကဲ့သို့ ကြက်ခြေနီအလံလွှင့်ထူထားသည့် ယာဉ်တိုက်ခိုက်ခံရခြင်းမှာ တစ်ပတ်အတွင်း ဒုတိယအကြိမ် မြောက်ဖြစ်ပြီးပြီးခဲ့သည့် ဖေဖော်ဝါရီ ၁၇ ရက်ကလည်း စစ်ဘေးရှောင် ပြည်သူများနှင့် သတင်းထောက်များ လိုက်ပါလာသည့် ကြက်ခြေနီယာဉ်တန်း တိုက်ခိုက်ခံခဲ့ရသည်။
ဖေဖော်ဝါရီ လဆန်းပိုင်းမှ စတင်၍ ရှမ်းပြည်နယ်မြောက်ပိုင်းတွင် ဖြစ်ပွားခဲ့သည့် တိုက်ပွဲများကြောင့် နေရပ် ရွှေ့ပြောင်းကြခဲ့ရသည့် ပြည်သူ ခုနစ်ထောင်ကျော်ကို ကူညီကယ်ဆယ်ရေးလုပ်ငန်းများ ဆောင်ရွက်ပေးခဲ့သည်ဟု မြန်မာနိုင်ငံ ကြက်ခြေနီအသင်းက သတင်းထုတ်ပြန်ထားသည်။
Credit - Mizzima News
 |
| လောက်ကိုင်မှ တိမ်းရှောင်လာသည့် ဒုက္ခသည်များပါသော ယာဉ်တန်း တိုက်ခိုက်ခံရမှုကြောင့် ဒဏ်ရာရရှိထားသော ကြက်ခြေနီ တပ်ဖွဲ့ဝင် တစ်ဦးကို တွေ့ရစဉ်။ (ဓာတ်ပုံ - အီးပီအေ) |
No comments:
Post a Comment