ကာချုပ်၊ ဦးရွှေမန်း၊ ဦးသိန်းစိန်၊ ဒေါ်အောင်ဆန်းစုကြည်တို့၏ သမ္မတဖြစ်နိုင်ခြေစစ်တမ်း – စာဆက်

 သူရဦးရွှေမန်း သမ္မတမဖြစ်နိုင်ခြေ ရှုထောင့်များ

(၁) အရင်အာဏာပိုင် အကြီးအကဲရဲ့ သမ္မတ လျာထားချက်ထဲမှာ သူရဦးရွှေမန်း မပါဘူးလို့ နိုင်ငံရေး သုတေသီတွေက သုံးသပ်ပါတယ်။ အရင်အာဏာပိုင် အကြီးအကဲဟာ ဦးသိန်းစိန်နဲ့ ကာချုပ် အပေါ်မှာ ယုံကြည် စိတ်ချမှု အပြည့်ရှိပေမယ့် သူရဦးရွှေမန်း အပေါ်မှာတော့ ယုံကြည်မှု အားနည်းတယ်လို့လည်း နိုင်ငံရေး သုတေသီတွေရဲ့ သုံးသပ်မှုတွေအရ လေ့လာ သိရှိရပါတယ်။ သမ္မတ လျာထားချက်ထဲမှာ ဦးရွှေမန်း မပါဝင်ခဲ့ ဘူးဆိုရင် ကိုယ်တိုင် အားထုတ်မှု နည်းလမ်းကလွဲရင် ဦးရွှေမန်း သမ္မတလောင်း ဖြစ်နိုင်ဖွယ် မရှိပါဘူး။

(၂) လက်ရှိ သမ္မတဦးသိန်းစိန်နဲ့ မတူတဲ့ တစ်ချက်က သူရဦးရွှေမန်းရဲ့ မိသားစုဟာ မြန်မာ့စီးပွားရေး ဗျူရို ကရေစီ ယန္တရားကြီးမှာ ထဲထဲဝင်ဝင် ပါဝင်ပတ်သက်နေပြီး နိုင်ငံတကာမှာ မျက်နှာပြဖို့ ရုပ်ထွက် သိပ်မလှဘူးလို့ ယူဆချက်အရဆို သူရဦးရွှေမန်းအတွက် သမ္မတဖြစ်နိုင်ခြေ အလားအလာဟာ မှေးမှိန်တယ်လို့ ဆိုရမှာပါ။

(၃) သူရဦးရွှေမန်းဟာ နိုင်ငံရေး ရည်မှန်းချက် ကြီးမားလွန်းတာကြောင့် အရင်အာဏာပိုင် အကြီးအကဲက မနှစ်မြို့ဘူးလို့ နိုင်ငံရေး သုတေသီတချို့က သုံးသပ်ထားပါတယ်။ အာဏာရ အသိုင်းအ၀ိုင်းမှာတော့ ဦးရွှေမန်း ဟာ ရေပန်းမစားဘူးလို့လည်း ဆိုကြပါတယ်။ မြန်မာ့အရေး လေ့လာသူ ဘာတီးလင့်တနာက သူရဦးရွှေမန်းကို ရည်မှန်းချက်ကြီးသူ၊ power hungry လို့ သုံးသပ်ထားပါတယ်။

သူရဦးရွှေမန်း သမ္မတဖြစ်နိုင်ခြေ ရှုထောင့်များ

(၁) ပုဒ်မ ၅၉(စ)မပြင်ဖြစ်ဘဲ NLD ပါတီ မဲအများစုရရင် NLD အမတ်တွေရဲ့ ထောက်ခံမှုနဲ့ ဦးရွှေမန်း သမ္မတလောင်း ဖြစ်လာနိုင်ခြေရှိပါတယ်။

(၂) သူရဦးရွှေမန်းမှာ မဟာဗျူဟာကျကျ နိုင်ငံရေး ရည်မှန်းချက်ရှိထားတဲ့ တစ်ချက်ကလည်း သမ္မတလောင်း ဖြစ်ဖို့ရာ အားသာနိုင်ခြေ ရှိတဲ့တစ်ချက်ပါ။ ၂၀၁၅ ရွေးကောက်ပွဲ နီးလာတာနဲ့အမျှ သူရဦးရွှေမန်းရဲ့ နိုင်ငံရေး စည်းရုံးမှုတွေကလည်း သိသာ ထင်ရှားလာပါတယ်။ အောက်ခြေလူထုနဲ့ ထိတွေ့ ဆက်ဆံမှုတွေ များလာပြီး တိုင်းရင်းသားတွေအကြိုက် ဖက်ဒရယ်ပြည်ထောင်စု ပေါ်ပေါက်ရေး ကြိုးစားရမယ် ဆိုတာမျိုး တွင်တွင် ပြောလာတာကို တွေ့ရပါတယ်။ လစာတိုးမယ်ဆိုတဲ့ ပြောဆိုချက်နဲ့ ၀န်ထမ်းတွေကို စည်းရုံးထားသလို ၂၀၁၅ လွှတ်တော်ထဲ အမတ်အများစု ပြန်ဝင်လာရင် ထောက်ခံမှုရအောင် လွှတ်တော် ကိုယ်စားလှယ် လစာတွေကို ၁၀ သိန်းကျော်အထိ တိုးမြှင့် ပေးလိုက်ပါတယ်။ အနိမ့်ဆုံးလစာ ဥပဒေ ပြဋ္ဌာန်းနိုင်ဖို့ ကြိုးပမ်းမှုနဲ့အတူ အလုပ် သမားထုကိုလည်း စည်းရုံးပြီးသား ဖြစ်သွားပါတယ်။ နိုင်ငံရေးပါတီတွေနဲ့ ရင်းနှီးတဲ့ ဆက်ဆံရေးရှိပြီး NLD ပါတီ ဥက္ကဋ္ဌ ဒေါ်အောင်ဆန်းစုကြည်နဲ့လည်း ယုံကြည်မှု တည်ဆောက်တဲ့ ဗျူဟာကို အခိုင်အမာ ဖြစ်အောင် ကြိုးပမ်း နေတာ တွေ့ရပါတယ်။ ၆ ပွင့်ဆိုင် တွေ့ ဆုံရေး တောင်းဆိုမှုနဲ့ အတူ ဒေါ်အောင်ဆန်းစုကြည်နဲ့ လွှတ်တော် တစ်ရပ်လုံးရဲ့ ထောက်ခံမှု ရရှိထားသူဖြစ်ပါတယ်။ သူရဦးရွှေမန်း ရဲ့ ရည်မှန်းချက်ကြီးမားတဲ့ နိုင်ငံရေး ဗျူဟာ တွေကြောင့် ၂၀၁၅ မှာ NLD လွှတ်တော်အမတ် အများစု အနိုင်ရပြီး ဒေါ်အောင်ဆန်းစုကြည်လည်း သမ္မတ မဖြစ်နိုင်တော့ရင် NLD ရဲ့ ထောက်ခံမှုနဲ့ သူရဦးရွှေမန်း သမ္မတ ဖြစ်လာနိုင်ခြေ ရှိတယ်လို့ ယူဆ သုံးသပ် မှုများလည်း ရှိပါတယ်။ NLD မှာ Second Leader မရွေးရသေးဘူးဆိုတဲ့အတွက် ဒီယူဆချက် ခိုင်မာလာတယ် လို့ ဆိုရမှာပါ။

သမ္မတဦးသိန်းစိန် သမ္မတဖြစ်နိုင်ခြေ၊ မဖြစ်နိုင်ခြေ ရှုထောင့်များ

လက်ရှိသမ္မတ ဦးသိန်းစိန်ကတော့ နောက်သက်တမ်း သမ္မတ မလုပ်တော့ဘူးလို့ ပြောဆိုဖူးသလို ပြည်သူဆန္ဒရှိရင် သမ္မတ ထပ်လုပ်ပါ့မယ်လို့လည်း ပြောဆိုခဲ့ပါတယ်။သမ္မတ ဦးသိန်းစိန်ရဲ့ဆန္ဒအရတော့ ““ကျွန်တော် ကတော့ အေးအေးဆေးဆေး နားချင်ပြီပေါ့ဗျာ””လို့ အင်တာဗျူးတစ်ခုမှာ ပြောဆိုခဲ့ပါတယ်။

ပြည်သူတွေ ဆန္ဒရှိရင် သမ္မတ ဆက်လုပ်ပါမယ်လို့ ပြောဆိုခဲ့ပေမယ့် တကယ့်တကယ် ဦးသိန်းစိန်ကို နောက် သက်တမ်း သမ္မတ ဆက်လုပ်ဖို့ ဆန္ဒပြင်းပြသူတွေဟာ ဦးသိန်းစိန်ရဲ့ နိုင်ငံရေး အ၀န်းအ၀ိုင်းက ဦးသိန်းစိန်နဲ့ နီးစပ်မှုရှိတဲ့ လက်အောက်ငယ်သား ၀န်ကြီးတွေသာ ဖြစ်တယ်လို့ သုံးသပ်မှုတွေလည်း ရှိပါတယ်။ ရာထူး သက်တမ်း တစ်နှစ်သာ ကျန်တဲ့ အခြေအနေမှာ ဦးသိန်းစိန် သမ္မတ သက်တမ်းကုန်ရင် သမ္မတရဲ့ နောက်လိုက် အပေါင်း အပါတွေလည်း မြန်မာ့နိုင်ငံရေး ရပ်ဝန်းက ပျောက်ကွယ်ကုန်မှာမို့ သမ္မတနဲ့ နီးစပ်တဲ့ ၀န်ကြီးတွေ၊ အကြံပေးတွေက ဦးသိန်းစိန်ကို နောက်ထပ် သက်တမ်း ၀င်ရွေးဖို့ တိုက်တွန်းမှုတွေ ရှိတယ်လို့လည်း ဝေဖန် သုံးသပ်မှုတွေ ထွက်ပေါ်လာပါတယ်။

လက်ရှိ သမ္မတ သက်တမ်းမှာတော့ သမ္မတ ဦးသိန်းစိန်ရဲ့ စီးပွားရေးမူဝါဒ မအောင်မြင်မှုတွေ၊ အခြေခံ ပြည်သူတွေရဲ့ လူမှုစီးပွားဘ၀တွေ နိမ့်ကျနေမှုကို မမြှင့်တင် နိုင်တာတွေ၊ လယ်သိမ်း၊ ယာသိမ်း ပြဿ နာ တွေကို မဖြေရှင်းနိုင်တာတွေ၊ ငြိမ်းချမ်းရေး ဆွေးနွေးပွဲ ထစ်ငေါ့နေတာ၊ အခွင့်ထူးခံ လူတစ် စုကြောင့် မြေဈေးတွေ ကြီးမြင့်နေမှုကို မထိန်းချုပ်နိုင်တာတွေ၊ အကျိုးဆက် အနေနဲ့ သက်တမ်း ၄ နှစ်ရောက် တဲ့အထိ နိုင်ငံခြား ရင်းနှီးမြှုပ်နှံမှုတွေ ထင်သလောက် မ၀င်လာတာတွေ၊ ဆင်းရဲသား၂၆ ရာခိုင်နှုန်း ရှိတယ်လို့ပြောပြီး အခြေခံ ပြည်သူတွေရဲ့ တစ်နေ့တာ ၀င်ငွေတိုးပွားအောင် မဆောင်ရွက်နိုင်တာတွေ၊ ကျူးကျော် ရှင်းလင်းမှု ပြဿနာတွေ၊ ဘာသာရေး၊ လူမျိုးရေး ပဋိပက္ခတွေကို ထိရောက်စွာ မကိုင်တွယ် နိုင်တာတွေကြောင့် လူထု ထောက်ခံမှု ကျဆင်းနေတဲ့ ပြဿနာကတော့ ဦးသိန်းစိန် သမ္မတဖြစ်ရေးအတွက် အဟန့်အတား ဖြစ်နေတာ အမှန်ပါပဲ။

ဖွဲ့စည်းပုံကြောင့် ကာချုပ် လက်အောက်ခံ ကာကွယ်ရေးဆိုင်ရာ၊ ပြည်ထဲရေးဆိုင်ရာ၊ နယ်စပ်၊ စည်ပင် ဆိုင်ရာ ပြဿနာတွေကို ကာချုပ်ကိုကျော်ပြီး ထိန်းချုပ် မဆောင်ရွက်နိုင်တာတွေက သမ္မတ ဦးသိန်းစိန်အတွက် အကျပ်အတည်းတစ်ရပ် ပေါ်ပေါက်စေပြီး လူထုထောက်ခံမှု ကျဆင်းရတဲ့ အချက်တစ်ချက် ဆိုရင်လည်း မမှားပါဘူး။

ဒေါ်အောင်ဆန်းစုကြည် သမ္မတဖြစ် နိုင်ခြေ ရှိ/မရှိ

(၁) ၂၀၁၅ ရွေးကောက်ပွဲမှာ NLD ပါတီ တောင်ပြိုကမ်းပြို နိုင်စေဦးတော့ ဖွဲ့စည်းပုံ ပုဒ်မ၅၉(စ)ကို မပြင်ရင် ဒေါ်အောင်ဆန်းစုကြည် သမ္မတ မဖြစ်နိုင်ပါဘူး။

(၂) ပုဒ်မ ၅၉(စ) ပြင်ဆင်နိုင်ခဲ့မယ် ဆိုရင်တော့ ဒေါ်အောင်ဆန်းစုကြည် သမ္မတဖြစ်နိုင်ဖို့ NLD ပါတီဟာ ၂၀၁၅ ရွေးကောက်ပွဲမှာ အမတ်နေရာ ၇၀ ရာခိုင်နှုန်း အနိုင်ရဖို့ လိုအပ်ပါတယ်။ (တိတိကျကျဆိုရရင် ၆၇ ရာခိုင်နှုန်း)

၅၉(စ) ပြင်ဆင်ပေးပေမယ့် အမတ်နေရာ ၇၀ ရာခိုင်နှုန်း အောက်ရခဲ့ရင် ဒေါ်အောင်ဆန်းစုကြည် သမ္မတ မဖြစ်နိုင်ဘူး ဆိုရာမှာ သမ္မတ ရွေးချယ်ပွဲမှာ ပြည်ခိုင်ဖြိုး အမတ်တွေနဲ့ ပြည်ခိုင်ဖြိုး မိတ်ဖက်ပါတီ အမတ်တွေ ၃၄ ရာခိုင်နှုန်း (တပ်၂၅ ရာခိုင်နှုန်းမပါ) အနိုင်ရခဲ့ရင် တပ် ၂၅ ရာခိုင်နှုန်း အကူနဲ့ ပြည်ခိုင်ဖြိုး (သို့) တပ်က တစ်ယောက် သမ္မတ ဖြစ်လာနိုင်ခြေ ရှိပါတယ်။

(၃) ပုဒ်မ ၅၉(စ) ပြင်ဆင်နိုင်မယ်။ ၂၀၁၅ ရွေးကောက်ပွဲမှာလည်း ၇၀ ရာခိုင်နှုန်း အနိုင်ရထားမယ် ဆိုရင်တော့ သမ္မတ ရွေးချယ်ပွဲမှာ NLD အမတ်တွေ မဲသက်သက်နဲ့ ဒေါ်အောင်ဆန်းစုကြည် သမ္မတဖြစ် လာနိုင်ပါတယ်။ ၆၇ ရာခိုင်နှုန်းအောက်သာ အနိုင်ရခဲ့မယ် ဆိုရင်တော့ သမ္မတရွေးချယ်ပွဲမှာ NLD မိတ်ဖက်ပါတီ အမတ်တွေရဲ့ အကူမဲများ ထောက်ခံမှုနဲ့သာ ဒေါ်အောင်ဆန်းစုကြည် သမ္မတ ဖြစ်လာနိုင်ပါလိမ့်မယ်။

အနှစ်ချုပ် သုံးသပ်ရရင်တော့ ၂၀၁၅ ရွေးကောက်ပွဲအလွန် အစိုးရရဲ့ သမ္မတဟာ ဘယ်သူ ဖြစ်နိုင်မ လဲဆိုတဲ့ မေးခွန်းက မရေရာမှုတွေများစွာနဲ့ ပြည်သူကြားမှာေ၀၀ါးနေတုန်းပါပဲ။ ၅၉(စ) မပြင်နိုင်ရင် NLD ပါတီ အမတ်နေရာ အများစု ၂၀၁၅ မှာ လွှတ်တော်ထဲ ရောက်လာနိုင်ပေမယ့် NLD ပါတီအတွက် ဒုတိယ ခေါင်းဆောင်ေ နရာေ၀၀ါးနေမှုကြောင့် သမ္မတနေရာ ရွေးချယ်မှု အကျပ်အတည်း ပေါ်ပေါက်နိုင်သလို လက်ရှိ အာဏာပိုင်တွေ ဘက်မှာလည်း သမ္မတလောင်း တင်မြှောက်ရေးအတွက် အရေးတကြီး ခေါင်းချင်းရိုက်နေ ကြမှာ ဧကန်မလွဲပါပဲ။

ပုဒ်မ၅၉(စ)သာ မပြင်နိုင်ခဲ့ရင် ၂၀၁၅ အလွန် အစိုးရရဲ့သမ္မတဟာ ဘယ်သူမှ ထင်မထားသူ တစ်ယောက် လည်း ဖြစ်လာနိုင်ပါကြောင်း သုံးသပ် တင်ပြလိုက်ရပါတယ်။

လင်းထိုက်(Y.I.T)

မြန်မာသံတော်ဆင့်သတင်းဌာန- http://www.facebook.com/myanmarherald