ရန်ကုန် (မဇ္ဈိမ)။ ။ မြန်မာ့ရေပိုင်နက်အတွင်း ဖမ်းဆီးမိခဲ့သော
လှေစီးဒုက္ခသည်များကို ဘင်္ဂလားဒေ့ရ်ှနိုင်ငံသား ဖြစ်ကြောင်း အတည်ပြုနိုင်ရန်
ဘင်္ဂလားဒေ့ရှ် ကောင်စစ်ဝန်ရုံးက စတင်စစ်ဆေးလျက်ရှိသည်ဟု ရခိုင်ပြည်နယ်
ဝန်ကြီးချုပ် ဦးမောင်မောင်အုန်းက မဇ္ဈိမကို ပြောသည်။
မြန်မာ့တပ်မတော်က
ကယ်ဆယ်ထားသည့် ပင်လယ်ပြင်မှ လှေစီးဒုက္ခသည်များကို ရခိုင်ပြည်နယ်
မောင်တောမြို့နယ်အတွင်း အလယ်တန်းကျော်ရွာတွင် မေ ၂၃ ရက်က တွေ့ရစဉ်။
(ဓာတ်ပုံ - အီးပီအေ)
လက်ရှိတွင် ဘင်္ဂလားဒေ့ရှ် ကောင်စစ်ဝန်ရုံးမှ တာဝန်ရှိသူများ သွားရောက်စစ်ဆေးလျက်ရှိပြီး ရန်ကုန်မြို့ ဘင်္ဂလားဒေ့ရ်ှသံရုံးမှ တာဝန်ရှိသူများလည်း စစ်ဆေးရန် လာရောက်မည်ဟု ဆိုသည်။
၎င်းက “ဒီဘက်က စစ်ဆေးပြီး တောင်ပြိုလက်ဝဲမြို့နယ်ကို လွှဲလိုက်ပါပြီ။ အဲဒီမှာ ဘင်္ဂလားဒေ့ရှ် ကောင်စစ်ဝန် ရုံးက တာဝန်ရှိသူတွေ စစ်ဆေးနေပါတယ်။ ရန်ကုန်က ဘင်္ဂလားဒေ့ရှ် သံရုံးကလည်း လာစစ်မယ် ပြောပါတယ်။ သူတို့ အတည်ပြုပြီးတာနဲ့ ဘင်္ဂလားဒေ့ရ်ှကို လွဲလိုက်မှာပါ။ လောလောဆယ်တော့ အတည်မပြုသေးပါဘူး” ဟု ဆိုသည်။
လှေစီးဒုက္ခသည် ၂၀၀ ကို မောင်တောမြို့နယ် အလယ်သံကျော်အုပ်စုမှ ဘင်္ဂလားဒေ့ရ်ှနှင့် အနီးစပ်ဆုံး မြို့နယ်ခွဲဖြစ်သည့် တောင်ပြိုလက်ဝဲမြို့နယ်သို့ မေ ၂၅ ရက် နံနက်ပိုင်းက ပို့ဆောင်ထားပြီးဖြစ်သည်ဟု ပြည်နယ်အစိုးရအဖွဲ့က အတည်ပြုသည်။
လှေစီးဒုက္ခသည်များ၏ ထွက်ဆိုချက်နှင့် အထောက်အထားများအရ မြန်မာ အစိုးရက ဘင်္ဂလားဒေ့ရ်ှနိုင်ငံသားများ ဖြစ်သည်ဟု အတည်ပြု ပြောဆိုထားခြင်းဖြစ်ပြီး ဘင်္ဂလားဒေ့ရ်ှအစိုးရက စတင် စစ်ဆေးနေခြင်း ဖြစ်သည်။
“ဘင်္ဂလားဒေ့ရှ် ၀န်ကြီးချုပ်က သူ့နိုင်ငံသားဖြစ်ရင် သူတို့ တာဝန်ယူမယ်လို့ ပြောထားတယ်။ သူတို့ဘက်ကလည်း အခု စစ်နေပြီဖြစ်တဲ့အတွက် သိပ်အကြာကြီးတော့ ဒီဘက်မှာ မထားတော့ဘူး” ဟု ဦးမောင်မောင်အုန်းက ပြောသည်။
ပင်လယ်ပြင်တွင်း ထောင်နှင့်ချီသော လှေစီးဒုက္ခသည်များကို မြန်မာနှင့် ဘင်္ဂလားဒေ့ရ်ှနိုင်ငံက ဟု နိုင်ငံတကာ အသိုင်းအ၀ိုင်းက ပြောကြားလျက်ရှိသည်။ ရခိုင်ပြည်နယ်ရှိ ဘင်္ဂါလီကျေးရွာများနှင့် ဘင်္ဂါလီဒုက္ခသည် စခန်းများမှ ဘင်္ဂါလီများ ထွက်ခွာမှုကို အစိုးရက တားဆီးမှုမရှိ ဟူသော စွပ်စွဲချက်များလည်း ရှိနေသည်။
ထိုစွပ်စွဲချက်များအပေါ် ပြည်နယ် ၀န်ကြီးချုပ် ဦးမောင်မောင်အုန်းက “ဒါတွေက လူမှောင်ခိုသမားတွေ လူကုန်ကူးသူတွေရဲ့ ကိစ္စဖြစ်ပါတယ်။ ဒီကိစ္စမှာ မြန်မာနိုင်ငံက ဘင်္ဂါလီ ဒုက္ခသည်တွေကို ညှဉ်းပန်းနှိပ်စက်လို့ ဖြစ်ရတယ်ဆိုတာကိုတော့ လုံးဝကန့်ကွက်ပါတယ်” ဟု ဆိုသည်။
ထိုဒုက္ခသည်များသည် ပင်လယ်ပြင်တွင် ရက်ပေါင်း ငါးဆယ်ခန့် မျောပါခဲ့ခြင်းဖြစ်ပြီး မေလ ၂၃ ရက်က ရခိုင်ပြည်နယ်
မောင်တောမြို့နယ်နှင့် ရေမိုင် လေးမိုင်အကွာတွင် ကင်းလှည့်ရေတပ်က တွေ့ရှိခဲ့ခြင်း ဖြစ်သည်။
Credit - Mizzima News
No comments:
Post a Comment