သမ္မတကို ဂါရဝပြုမည့် ဗိုလ်ရှုသဘင် ကေအိုင်အိုမတက်

ရန်ကုန် (မဇ္ဈိမ) ။ ။ ၆၇နှစ်မြောက် လွတ်လပ်ရေးနေ့ (ဇန်နဝါရီ ၄ရက်)တွင် နေပြည်တော်၌ ကျင်းပမည့် တပ်မတော်က သမ္မတဦးသိန်းစိန်အား ဂုဏ်ပြုမည့် ဗိုလ်ရှုသဘင် အခမ်းအနားကို ကေအိုင်အိုအနေဖြင့် တက်မည်မဟုတ်ဟု ကချင်လွတ်မြောက်ရေးအဖွဲ့ (KIO)၏ နည်းပညာ အကြံပေးအဖွဲ့ ပြောခွင့်ရပုဂ္ဂိုလ် ဦးဒေါင်ခါးက မဇ္ဈိမကို ပြောသည်။ ကေအိုင်အို မတက်ဖြစ်သည့် အကြောင်းရင်းကို မဇ္ဈိမက မေးမြန်းချက်ထဲမှ အချို့ကို ကောက်နုတ် ဖော်ပြလိုက်သည်။

၎ရက်နေ့ နေပြည်တော်မှာ လုပ်မယ့် ဗိုလ်ရှုသဘင်ပွဲကို တက်ဖို့၊ မတက်ဖို့ ဆုံးဖြတ်ပြီးပြီလား ခင်ဗျ။
ကေအိုင်အိုဌာနချုပ်က စာနဲ့အကြောင်းပြန်ဖို့ရှိတယ်။ ဒီလောက်ကြီးနီးကပ်တဲ့ အချိန်မှာတော့ ကျွန်တော်တို့ တက်ဖြစ်မယ်လို့မထင်ဘူးဗျ။ လူပုဂ္ဂိုလ်အရ၊ အဖွဲ့အစည်းအရ တက်ဖြစ်မှာမဟုတ်ဘူး။ ဒါပေမယ့် စာနဲ့ အကြောင်းပြန်သွားဖို့တော့ရှိတယ်။

သူတို့ဘက်က တက်ဖို့ကမ်းလှမ်းတဲ့ အကြောင်းကြားစာက ဘယ်နေ့က ရောက်တာလဲဗျ။

ကျွန်တော်တို့ဆီကို By Email နဲ့ရောက်လာတာပါ။ တစ်နေ့က(၃၁.၁၂.၁၄)ပဲရတာပါ။

မတက်ဖြစ်တာက အချိန်နီးကပ်တာကြောင့်ပဲလား။ တစ်ခြားရော ဘာအကြောင်းရှိလဲ။
အဲ့ဒီအကြောင်းအရာကို ကျွန်တော်မှန်းပြီး မပြောချင်ဘူးဗျာ။ ကေအိုင်အိုဗဟိုဌာနချုပ်ကနေ စာနဲ့ အကြောင်းပြန် ဖို့ရှိတယ်။

စာနဲ့က ဘယ်တော့အကြောင်းပြန်သွားမှာလဲ။
အဲ့ဒါတော့ ကျွန်တော်သေချာပြောလို့မရဘူး။ ဒါပေမယ့် ဒီမနက်ပိုင်းက ကျွန်တော့သတင်းအရတော့ သူတို့အကြောင်းပြန်ဖို့ရှိတယ်။ တက်ဖို့အစီအစဉ်တော့ မရှိဘူး။ ဒါတော့သေချာတယ်။ ဒါပေမယ့် စာနဲ့အကြောင်းပြန်ဖို့တော့ရှိတယ်။

Credit - Mizzima News