အပြင် သွေးစွန်းသောပြဿနာအဖြစ် နှစ်ပေါင်း ၆ဝ ကျော် ဖြစ်တည်လာခဲ့ရသည့်အဖြစ်မှာ အမှန်တကယ်ပင် ကြေကွဲတုန်လှုပ်ဖို့ကောင်း သည့် ပြဿနာ ဖြစ်ပါသည်။
မိမိတို့တိုင်းပြည် လူမျိုးစုများသည် လက်နက်စွဲကိုင်ကာ ဗဟိုအစိုးရနှင့် စစ်ပြု တိုက်ခိုက်ရသည်အထိ ပဋိပက္ခရေချိန် တက်ခဲ့ရသည်မှာ မူလအစတုန်းကမူ ပေးထားသည့် ကတိကဝတ်များနှင့် မညီညွတ်ခြင်း၊ လူမျိုးများ တန်းတူရည်တူ အခွင့်အရေး မရှိခြင်းအပေါ်မူတည်သည် ဟု ပြောဆိုခဲ့ကြသော်ငြားလည်း နောင် အခါ ယင်းမူ၊ ယင်း ဇစ်မြစ် အခြေအနေထက် ပိုမိုရှုပ်ထွေးနက်နဲသော သယံဇာတရင်းမြစ်အပေါ် မူတည် သည့် လက်နက်ကိုင်ပဋိပက္ခအဖြစ် ဖြစ်ပေါ်မြင့်တက်လာနေသည်ဟု ဝေဖန်သူများ ရှိလာရပါသည်။
ယခုအခါ လက်ရှိဦးသိန်းစိန်အစိုးရသည် ပြည်တွင်းစစ် ပြီးဆုံးရေးအတွက် အပတ်တကုတ် ကြိုးပမ်းမည်ဟု ထုတ်ဖော်ပြောဆိုထားသည့် အတိုင်း တိုင်းရင်းသားလက်နက်ကိုင်အဖွဲ့အစည်းများနှင့် အကြိမ်ကြိမ်တွေ့ဆုံကာ အပစ်အခတ်ရပ်စဲရေး၊ ညှိနှိုင်းအဖြေရှာရေးကိစ္စများကို ကမ္ဘာက အာရုံပြုရလောက်အောင်ပင် ဆောင်ရွက်လာနိုင်ခဲ့သည်ကို တွေ့ရမည်ဖြစ်သည်။ သို့သော် လူမျိုးစုများနှင့် နိုင်ငံရေး အရ ဆွေးနွေးအဖြေရှာရေး မပြောနှင့် အပစ်အခတ်ရပ်စဲရေး သဘောတူညီချက်ကိုပင်လျင် အောင်မြင်အောင် ဆောင်ရွက်နိုင်ခြင်း မရှိသေးချေ။ ယခုအခါမူ ပြာသာပြာသော်လည်း ဖွဲမထွက်သည့် ငြိမ်းချမ်းရေးကြိုးပမ်းမှုအဖြစ် တင်စားဝေ ဖန်ကြရမလို ဖြစ်နေ၏။
သည်ပြဿနာများ၏ အဖြေမှာ ရှုပ်ထွေးပြီး ဒီမိုကရေစီနည်းမကျသည့် ဖွဲ့စည်းပုံပါ ဥပဒေတချို့ကြောင့် အစိုးရ အဖွဲ့တစ်ဖွဲ့က လွတ်လပ် စွာ ဆောင်ရွက်ဆုံးဖြတ်လို့ မရနိုင်ခြင်းနှင့် ယင်း အစိုးရအဖွဲ့ကိုယ်တိုင်ကပင်လျှင် လူမျိုးစုများအရေးကို မူအားဖြင့် အမှန်တကယ် ပြေ လည်အောင် ဆောင်ရွက်ချင်စိတ်မရှိသည့် အတွက် ကြောင့်သာ အခက်အခဲများ ကြုံသထက်ကြုံလာနေခြင်းဖြစ်သည်ဟု ဝေဖန်သံများ ထွက်ပေါ်လာခဲ့ရ၏။
ယခုအခါ မိမိတို့တိုင်းပြည် လူမျိုးစု လက်နက်ကိုင်အဖွဲ့များအနက် အင်အားအကြီးဆုံးဖြစ်သော ကေအိုင်အေနှင့် အစိုးရစစ်တပ်များ တိုက်ပွဲများ ပြင်းထန်စွာ ပြန်လည်ဖြစ်လာသည့်သတင်းမှာ အပစ်အခတ်ရပ်စဲရေး၊ ပြည်တွင်း ငြိမ်းချမ်းရေးလိုလားနေသည့် ပြည်သူ များအတွက် အမင်္ဂလာသတင်းများ ဖြစ်လာရပြန်ပါသည်။
ယင်း တိုက်ပွဲသေနတ်သံများသည် အစိုးရ၏ ပြည်တွင်းငြိမ်းချမ်းရေး ကြိုးပမ်းဆောင်ရွက်နေပါသည်ဟူသော ကြွေးကြော်သံကို ပျက်ရယ်ပြုသလိုပင် ဖြစ်နေသည်။ လက်ရှိအခြေအနေမှာ တစ်တိုင်းပြည်လုံးလွှမ်း ခြုံသည့် အပစ်အခတ်ရပ်စဲရေးပြဿနာသည် လပိုင်းမျှသာ လိုတော့သည့် ရွေးကောက်ပွဲမတိုင်မီအတွင်း အောင်မြင်အောင် ဆောင်ရွက်နိုင်ပါမည်လားဆိုသည်ကို မေးခွန်းထုတ်ရတော့မည်ဖြစ်သည်။
အမှန်တကယ်အားဖြင့်ဆိုလျှင် ပြည်တွင်းစစ် ဖြစ်ရခြင်းအကြောင်းရင်းကို ရိုးသားစွာ ရှာဖွေလက်ခံလိုသည့်စိတ်၊ ပြည်တွင်းစစ်ကြောင့် ထိခိုက်နစ်နာကြရသည့် ပြည်သူများအပေါ် အမှန်တကယ် စာနာသည့်စိတ်၊ ငြိမ်းချမ်းရေးကို အမှန်တကယ် လိုလားသည့် စိတ်ဆန္ဒမျိုး ဆိုသည်မှာ ယင်းစစ်ပွဲများကြောင့် အကျိုးအမြတ် ဖြစ်ထွန်းနေကြသူများ ထံတွင် မရှိနိုင်ပါ။ ထို့ကြောင့် မိမိတို့ပြည်သူများကမူ မိမိတို့တိုင်းပြည် စစ်ပွဲများ ချုပ် ငြိမ်းပြီး စိမ်းလန်းစိုပြည်သည့် နိုင်ငံတစ်နိုင်ငံဖြစ်လာစေရေး ဖော်ဆောင်ကြိုးပမ်းရသည့်အခွင့်အရေးကို အမှန်တကယ် တိုင်းပြည်ချစ်သူ၊ ငြိမ်းချမ်းရေး မြတ်နိုးသူများ လက်ဝယ်တွင်သာ အမြန်ဆုံးရောက်ရှိစေရေး ဆုတောင်းပေးရုံမှတစ်ပါး အခြားမရှိတော့ချေဟု တင်ပြလိုက်ရပါသည်။
Credit - Mizzima News
No comments:
Post a Comment