၆ ပွင့်ဆိုင် တွေ့ဆုံဆွေးနွေးရေးဟာ "စုပေါင်းညှိနှိုင်းဖြေရှင်းသည့်
သဘောတရား" ကို အခြေခံထားတာကြောင့် ကြိုဆိုကြောင်း နိုင်ငံတော်သမ္မတ
ဦးသိန်းစိန်က ပြည်ထောင်စု လွှတ်တော်ထံ သ၀ဏ်လွှာ ပေးပို့ခဲ့ပါတယ်။
အဲဒီစာကို ပြည်ထောင်စု လွှတ်တော် နာယက သူရဦးရွှေမန်းက ဒီနေ့ကျင်းပတဲ့ ပြည်ထောင်စုလွှတ်တော်မှာ အခုလိုဖတ်ပြခဲ့ပါတယ်။
"နိုင်ငံတော်သမ္မတရုံးရဲ့ ၁၇ ရက် ၁ လ ၂ဝ၁၅ ရက်စွဲပါ စာအမှတ် ၁ဝ၇ (၂)/၈/
သမ္မတရုံး၊ ပဲခူးတိုင်းဒေသကြီး အမှတ် ၁ဝ မှ အမျိုးသားလွှတ်တော် ကိုယ်စားလှယ်
ဦးမြင့်ထွန်း တင်သွင်းသည့် ပြည်ထောင်စုလွှတ်တော်က အတည်ပြုပြီးသည့်
အရေးကြီးအဆို ပေးပို့လာခြင်းကိစ္စ လွှတ်တော်ကိုယ်စားလှယ်များထံသို့
ဖြန့်ဝေထားပြီးဖြစ်တဲ့ အဆိုပါသဝဏ်လွှာများကို ပြည်ထောင်စုလွှတ်တော်ဆိုင်ရာ ဥပဒေပုဒ်မ ၂၁ ပုဒ်မခွဲ ခ အရ လွှတ်တော်က မှတ်တမ်းတင်ကြောင်း ကြေညာပါတယ်"
ပြည်ထောင်စု လွှတ်တော်က နိုင်ငံတော်သမ္မတ၊ တပ်မတော်ကာကွယ်ရေးဦးစီးချုပ်၊ လွှတ်တော် ဥက္ကဌ ၂ ဦး ၊ အမျိုးသားဒီမိုကရေစီအဖွဲ့ချုပ် ဥက္ကဌ နဲ့ တိုင်းရင်းသား ကိုယ်စားလှယ် တစ်ဦးပါဝင်တဲ့ ၆ ပွင့်ဆိုင်ဆွေးနွေးပွဲ ကျင်းပပေးဖို့ တောင်းဆိုခဲ့တာ ဖြစ်ပါတယ်။
နိုင်ငံတော်သမ္မတရဲ့ သ၀ဏ်လွှာထဲမှာ ၆ ပွင့်ဆိုင်ထက် ပိုကျယ်ပြန့်ပြီး တိုင်းရင်းသားခေါင်းဆောင်တွေ အတော်များများပါဝင်နိုင်မယ့် ဆွေးနွေးပွဲမျိုး ဖြစ်ဖို့အတွက် တိုက်တွန်းထားပါတယ်။
Credit - RFA Burmese
No comments:
Post a Comment