 |
| လော်ခီးလာဆွေးနွေးပွဲ ခြောက်ရက်မြောက်နေ့ မိန့်ခွန်းပြောနေသည့် သဘာပတိ မူတူးဆေးဖိုး(ဓာတ်ပုံ-ဟောင်ဆာ(ရာမည)) |
အားလုံးမင်္ဂလာပါ။ အဖွင့်အမှာစကား ခပ်တိုတိုလေးပဲ။
ဒီ (တစ်နိုင်ငံလုံးအပစ်ရပ်စာချုပ်)NCA စာချုပ်ကို ငါးရက်တိုင်အောင် အကျေအလည် ဆွေးနွေးခဲ့ပြီး ပြီးပြတ်ပြီး ဖြစ်ပါတယ်။ အခု အားလုံးက ဒီလိုအကျေအလည် ဆွေးနွေးခဲ့တဲ့ စာချုပ်ဟာ နိုင်ငံရေး ပြဿနာကို နိုင်ငံရေးနည်းနဲ့ ငြိမ်းချမ်းစွာ အဖြေရှာရမယ့် ခရီးကြီးအတွက် ပထမဦးဆုံးသော ခြေလှမ်းသာ ဖြစ်တယ်ဆိုတာ မမေ့ကြဖို့ လိုပါတယ်။
ကျွန်တော်တို့ အမှန်တကယ် အချိန်ယူ ပြင်ဆင်သင့်တာက စည်းလုံးညီညွတ်ရေးနဲ့ ရှေ့ဆက် ကြုံတွေ့ရမယ့် စိန်ခေါ်မှုတွေကို ဘယ်လို အတူတကွ ဖြတ်ကျော်ကြမလဲ။ ဒီအတွက် ဘာတွေပြင်ဆင်ကြမလဲ။ ဘယ်လို ပူးပေါင်း ဆောင်ရွက်ကြမလဲ ဆိုတာပဲ ဖြစ်ပါတယ်။
ဒီနေ့ နိုင်ငံရေး အခင်းအကျင်းဟာ ကျွန်တော်တို့ တိုင်းရင်းသားတွေအတွက် နိုင်ငံရေးရည်ချိန် အမြင့်ဆုံး အချိန် ဖြစ်ပါတယ်။ ဒီအနေအထားကို ထိန်းသိမ်းပြီး တိုးတက် ကောင်းမွန်အောင် လုပ်ဆောင်ကြရမှာ ဖြစ်ပါတယ်။
NCCT ကို အခြေပြုပြီး အစိုးရနဲ့ တွေ့ဆုံညှိနှိုင်းတဲ့ လုပ်ငန်းစဉ်တွေကနေ တိုင်းရင်းသားလက်နက်ကိုင် တော်လှန်ရေးတွေကြား ပူးပေါင်းဆောင်ရွက်မှုတွေ တိုးတက်ရရှိလာပြီး ကျွန်တော်တို့ အချင်းချင်းကြား နားလည်မှု၊ ယုံကြည်မှုတွေ တည်ဆောက်နိုင်ခဲ့တာကိုလည်း တွေ့ကြရတာ ကျွန်တော့်အနေနဲ့ တကယ်ပဲ အလွန်အားရပါတယ်။
ဒီကနေတစ်ဆင့် ပိုမိုကျစ်လစ်တဲ့ နိုင်ငံရေးဦးဆောင်မှုကို ဖန်တီးကြရမှာ ဖြစ်ပါတယ်။
နောက်ဆုံးအနေနဲ့ အလေးအနက် ပြောကြားလိုတာက NCCT ရဲ့ အစီရင်ခံစာထဲမှာ အကြံပြုထားသလို နိုင်ငံရေး ဆွေးနွေးမှုဆိုင်ရာမူဘောင်အတွက်ကို တိုးချဲ့ဖွဲ့စည်းသွားဖို့၊ လုပ်ပိုင်ခွင့်တွေ ပေးကြဖို့ ဆွေးနွေးစေချင်တယ်။ နိုင်ငံရေး ဆွေးနွေးပွဲတွေမှာ ပြင်ဆင်ရမယ့် ခေါင်းဆောင် အကြောင်းအရာတွေအတွက် ပြင်ဆင်မယ့် အဖွဲ့တွေဖွဲ့ဖို့၊ တပ်ပိုင်းဆိုင်ရာနဲ့ ပတ်သက်ပြီး NCA ကို အကောင်အထည်ဖော်ရာမှာ ကျွန်တော်တို့ ဘယ်လို ပူးပေါင်းဆောင်ရွက်တဲ့အဖွဲ့ ဖွဲ့စည်းမယ်။ နိုင်ငံရေးဆွေးနွေးပွဲတွေအတွက် ပါဝင်ကြမယ့် ကော်မတီအဆင့်ဆင့်မှာ ပါဝင်ကြဖို့ ဆွေးနွေးစေလိုပါတယ်။
NCA နဲ့ ပတ်သက်တဲ့ သက်ဆိုင်ရာအဖွဲ့တွေကြား ဘယ်လိုပူးပေါင်းဆောင်ရွက်မှုတွေ၊ ညှိနှိုင်းမှုတွေကို လုပ်ဖို့ ဆွေးနွေးကြမယ်။ Code of Conduct အကောင်အထည်ဖော်ဖို့ ဘယ်လို ဆွေးနွေးဆောင်ရွက်ကြမယ်။ စတဲ့ ဆွေးနွေးမှုတွေ လုပ်ဖို့ အကြံပြုရင်း နိဂုံးချုပ်ပါတယ်။
Credit - Mizzima News
No comments:
Post a Comment