မိုးကုတ် ရေပူကျောင်းဆရာတော်အား လူဝတ်လဲ ဖမ်းဆီးမှု မိုးကုတ်မြို့ခံ ၅၀၀၀ခန့် ဆုတောင်းပွဲလုပ်

မိုးကုတ်မြို့မိုးကုတ်​ မြို့ရှိ ချမ်းသာကြီးဘုရားတွင် ဆုတောင်းပွဲလုပ်ရန် ချီတက်လာသည့် ဒေသခံများကို ဇွန် ၁၁ရက်က တွေ့ရစဉ်။ (ဓာတ်ပုံ- ကိုစိုးမင်းလှိုင်)

မန္တလေး (မဇ္ဈိမ) ။ ။ မိုးကုတ်​မြို့ ​ရေပူ​ကျောင်းဆရာ​တော်​ ဦးဣိန္ဒအား တရားမဝင်
 ကျောက်မျက်တူးဖော်မှု နှင့် စွပ်စွဲကာ ဇွန်​လ ၉ ရက်​​ ည ၁၀ နာရီခန့်​က လူဝတ်​လဲဖမ်းဆီးခဲ့ရ၍ ဆရာ​တော်​ ပြန်​လည်​လွတ်​​မြောက်​​ရေးအတွက်​ မိုးကုတ်​မြို့ ​ဒေသခံ ၅၀၀၀ ခန့်​က ဆု​တောင်းပွဲကျင်းပခဲ့​ကြသည်​။

ယင်းဆု​တောင်းပွဲအား သံဃာများ နှင့်​ မိုးကုတ်​မြို့ရှိ အသင်းအဖွဲ့များဖြစ်​သည့်​ မိုးကုတ်​​ဒေသယဉ်​​ကျေးမှု အ​မွေအနှစ်​ ထိန်းသိမ်း​ရေးအဖွဲ့ မြတ်​​စေတနာ လူမှုကူညီ​ရေးအဖွဲ့ စိမ်းလမ်းမိုးကုတ်​အဖွဲ့ နှင့်​ မိုးကုတ်​မြို့ ၈၈ ငြိမ်းချမ်း​ရေးနှင့်​ ပွင့်​လင်းလူ့အဖွဲ့အစည်း စသည့်​အဖွဲ့တို့အပြင်​ အသင်းအဖွဲ့ ၂၀ ခန့်​ပါဝင်​ခဲ့​ပြီး မိုးကုတ်​မြို့ရှိ ချမ်းသာကြီးဘုရား ရင်​ပြင်​တွင်​ ပြုလုပ်​ခဲ့ကြသည်​။

"ဆရာ​တော်​ ပြန်​လည်​လွတ်​​မြောက်​ဖို့အတွက်​ ဆု​တောင်းတာဖြစ်​တယ်​။ ဆရာ​တော်​က မိုးကုတ်​မြို့အတွက်​ လုပ်​​ဆောင်​ခဲ့တာ​တွေ အများရှိ​တော့ ဆရာတော်​ကို ​ချစ်​ခင်​​လေးစားပြီးသားဖြစ်​တယ်​။ ဆရာ​တော်​ကို အ​ခြေအမြစ်​မရှိတဲ့ တိုင်​စာတစ်​​စောင်​​ကြောင့်​ လူဝတ်​လဲပြီး အချုပ်​ထဲ ထည့်​ထားတာ ဗုဒ္ဓဘာသာအတွက်​ မ​ကောင်းဘူး" ဟု မိုးကုတ်​မြို့ ၈၈ ငြိမ်းချမ်း​ရေး နှင့်​ ပွင့်​လင်းလူ့အဖွဲ့အစည်းမှ ဦးစိုး​ဌေးက ​ပြောသည်​။

ရေပူဆရာ​တော်​အား တရားမဝင်​​ကျောက်​မျက်​တူး​ဖော်​မှုသည့်​အတွက်​ ပုဒ်​မ ၁၄ (က) (ခ) နဲ့ လူဝတ်​လဲ၍ မိုးကုတ်​မြို့မရဲစခန်းဖမ်းဆီးခဲ့ခြင်းဖြစ်သည်။
ရေပူဆရာတော်သည် မိုးကုတ်​မြို့တွင်​ ၂၀၀၇ ​ရွှေဝါ​ရောင်​ သံဃာ့လှုပ်​ရှားမှုအား ဦး​ဆောင်​လှုပ်​ရှားခဲ့သည့်​အပြင်​ မိုးကုတ်မြို့၏ အထင်ကရ မိုးကုတ်အင်း  ပြန်လည်တူးဖေါ်သန့်ရှင်းစေရန်နှင့် အဆိုပါအင်းအတွင်း အဆောက်အဦးများ တည်ဆောက်နေမှုများအား ဦး​ဆောင်​ကန့်​ကွက်​ခဲ့သည်​။

ဆရာတော်လွတ်မြောက်ရေးအတွက် မိုးကုတ်မြို့ဒေသခံများက တောင်းဆိုမှုများ ဆက်တိုက်ပြုလုပ်သွားမည်ဖြစ်ပြီး ဖမ်းဆီးခဲ့သူများအား အရေးယူပေးရန် နိုင်ငံတော်အဆင့်အထိ တိုင်ကြားသွားမည်ဟု မိုးကုတ်မြို့မျက်နှာဖုံးများနှင့် ရပ်မိရပ်ဖများကဆိုသည်။

မိုးကုတ်မြို့၏ ရပ်မိရပ်ဖ ဦးယောဟန်က "ကျွန်တော်တို့ တစ်မြို့လုံးတစ်နယ်လုံးက လက်မခံပါဘူး။ ဒါဟာ မိုးကုတ်မြို့ကို စိန်ခေါ်လိုက်တာပဲ။ဆရာတော်အကြောင်းကို လူတိုင်းသိတယ်။ ဒါကြောင့် ဒီလောက်အများကြီး လမ်းပေါ်ထွက်လာတာပေါ့။"ဟု မဇ္ဈိမကို ပြောသည်။

ယနေ့ဆုတောင်းချီတက်ပွဲကို မိုးကုတ်မြို့ရှိ သံဃာတော်များ၊ မြို့မျက်နှာဖုံးများ၊ ရပ်မိရပ်ဖများ နှင့် မြို့ခံများက တစ်မြို့လုံးနီးပါး ထွက်ကာ ဆန္ဒပြခဲ့သည်ဟုလည်း ဒေသခံများကဆိုသည်။ ယင်းအပြင် ခွင့်ပြုချက် ယူခြင်းလည်းမရှိဟု ဆုတောင်းပွဲတွင် ပါသည့် ကိုစိုင်းက ပြောသည်။

မိုးကုတ်ရဲစခန်းအား မဇ္ဈိမက ဆက်သွယ်မေးမြန်းသော်လည်း ဖုန်းကိုင်ခြင်း မရှိပေ။

Credit - Mizzima News