ကြားဖြတ်ရွေးကောက်ပွဲဖျက်သိမ်းခြင်းသည် တရားဥပဒေနှင့် မညီဟု ဦးကိုနီပြော

- ချစ်မင်းထွန်း၊ Flower News ဂျာနယ်၊ အတွဲ (၁၀)၊ အမှတ် (၃၆)။

ရန်ကုန်၊ စက်တင်ဘာ ၁၂။

၂ဝ၁၄ နှစ် ကုန်ပိုင်းတွင် ဒုတိယအကြိမ်မြောက် ကြား ဖြတ်ရွေးကောက်ပွဲ ကျင်းပရန် လျာထား ရာမှ ငွေကြေးကုန်ကျမှု များပြားသည်ဆို သည့် အကြောင်းပြချက်ဖြင့် ကြားဖြတ်ရွေး ကောက်ပွဲအား ကျင်းပတော့မည်မဟုတ် ကြောင်း ပြည်ထောင်စုရွေးကောက်ပွဲကော် မရှင်ကကြေညာခဲ့ခြင်းသည် တရားဥပဒေ နှင့်ညီညွတ်မှုမရှိသလို ဖျက်သိမ်းပိုင်ခွင့် လည်းမရှိကြောင်း တရားလွှတ်တော်ရှေ့နေ ဦးကိုနီကပြောသည်။


ဒုတိယအကြိမ် ကြားဖြတ်ရွေး ကောက်ပွဲကို ၂ဝ၁၄နှစ်ကုန်ပိုင်းတွင် ကျင်း ပသွားမည်ဟု မေ၁၅ရက်က ky Star ဟိုတယ်၌ နိုင်ငံရေး ပါတီများနှင့် တွေ့ဆုံစဉ် ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးတင်အေးကပြောကြားခဲ့ပြီး စက်တင်ဘာ ၇ရက်က မြန်မာငြိမ်းချမ်းရေးစင်တာ (MPC)တွင် နိုင်ငံရေးပါတီများ နှင့်ထပ်မံတွေ့ဆုံကာ ကြားဖြတ် ရွေးကောက်ပွဲ မကျင်းပတော့ ကြောင်း ပြောကြားခဲ့သည်။

''ပုဒ်မ ၃၉၉(က)၊ ပုဒ်မ ၁ဝ(က)၊ ပုဒ် မ၁ဝ(စ)၊ ပုဒ်မ ၈၉၊ ဒီပုဒ်မငါး ခုအရ ပြည်ထောင်စုကော်မရှင် အနေနဲ့ ရွေးကောက်ပွဲလုပ် ပေးရမယ် ဆိုတာကို ပြဋ္ဌာန်း ထားတယ်။ ဖျက်သိမ်းပိုင်ခွင့် တော့မရှိဘူး။ ဒါကို သူတို့က တရားဝင် ကြားဖြတ်ရွေး ကောက်ပွဲ မကျင်းပ တော့ဘူးဆိုတာ ကို နိုင်ငံရေး ပါတီတွေနဲ့တွေ့ဆုံပြီးတော့ ကြေညာခဲ့တာ ဟာ ဥပဒေနဲ့မညီညွတ်သလို တရားလဲမဝင် ဘူး။ ဒီတော့ ကြားဖြတ်ရွေးကောက်ပွဲကျင်းပ ပေးသင့်တယ်'' ဟု တရားလွှတ်တော်ရှေ့နေ ဦးကိုနီက ပြောသည်။

၂ဝဝ၈ဖွဲ့စည်းပုံအခြေခံဥပဒေ တွင် ပြည်ထောင်စုရွေးကောက်ပွဲကော်မရှင် သည် ပုဒ်မ ၃၉၉(က)အရ လွှတ်တော်ရွေး ကောက်ပွဲများကို ကျင်းပပေးခြင်း၊ ပုဒ်မ ၃၉၉(င)အရ သဘာဝဘေးအန္တရာယ်များ ကြောင့်လည်းကောင်း၊ နယ်မြေလုံခြုံရေး အခြေအနေအရလည်းကောင်း လွတ်လပ် ပြီး တရားမျှတသောရွေးကောက်ပွဲများကျင်း ပနိုင်ခြင်းမရှိသည့် မဲဆန္ဒနယ်များတွင် ရွေး ကောက်ပွဲများအား ရွှေ့ဆိုင်းနိုင်ခြင်းဟုသာ ပါရှိပြီး ဖျက်သိမ်းခွင့်မရှိကြောင်းသိရသည်။

ပြည်ထောင်စုရွေးကောက်ပွဲကော် မရှင်အနေနှင့် ပြီးခဲ့သည့် ၂ဝ၁ဝပြည့်နှစ်က အထွေထွေရွေးကောက်ပွဲကို ကျင်းပပေးခဲ့ ပြီး ပထမအကြိမ် ကြားဖြတ်ရွေးကောက်ပွဲ အား ၂ဝ၁၂ခုနှစ် ဧပြီ ၁ရက်က လစ်လပ် မဲဆန္ဒနယ် ၄၅နေရာတွင် ကျင်းပပေးခဲ့ ကြောင်း သိရသည်။

ယခု ဒုတိယအကြိမ် ကြားဖြတ် ရွေးကောက်ပွဲကျင်းပရန် လျာထားခဲ့ပြီး လစ် လပ်မဲဆန္ဒနယ်များအဖြစ် ဖားကန့်၊ ဗန်းမော်၊ မိုးကောင်း၊ ဝိုင်းမော်၊ လှိုင်းဘွဲ့၊ ဟားခါး၊ ရွှေဘို၊ ဝက်လက်၊ ခင်ဦး၊ ဒီပဲယင်း၊ မြိတ်၊ ထားဝယ်၊ ကံမ၊ ရေနံချောင်း၊ အောင်မြေ သာဇံ၊ မိုးကုတ်၊ ဂွ၊ မင်းပြား၊ ဒဂုံမြို့သစ် တောင်ပိုင်း၊ အင်းစိန်၊ ပန်းဘဲတန်း၊ ကမာ ရွတ်၊ လှိုင်၊ ကြည့်မြင်တိုင်၊ လသာ၊ လမ်း မတော်၊ အလုံ၊ ဆိပ်ကမ်း၊ နမ့်ခမ်း၊ တာချီ လိတ်၊ မိုင်းယောင်း၊ တန့်ယန်း၊ ပန်းတနော် နှင့် ရေကြည်မြို့နယ်တို့ဖြစ်ကြောင်း သိရ သည်။

#TheFlowerNews