မြောက်ဥက္ကလာက ကန်သာယာပန်းခြံမှာ အာဇာနည်နေ့က ဘာတွေဖြစ်ခဲ့လဲ

မြောက်ဥက္ကလာက ကန်သာယာပန်းခြံကို အစိုးရက ပုဂ္ဂလိကလက်ထဲ လွှဲအပ်ခဲ့တဲ့အပေါ် ဒေသခံတွေက မကျေမနပ်ဖြစ်ခဲ့ပြီး အာဇာနည်နေ့အခမ်းအနားကို ကျင်းပဖို့စီစဉ်ရာက ကုမ္ပဏီနဲ့ ဒေသခံကြား ဇူလိုင် ၁၉မှာ အငြင်းပွားမှုဖြစ်ခဲ့ပါတယ်။
ဖူးပွင့်စံကုမ္ပဏီကို နှစ် ၄ဝကြာ လုပ်ပိုင်ခွင့် လွှဲပြောင်းပြီး အဆင့်မြင့်ပန်းခြံအဖြစ် ကန်သာယာကို ရယူခဲ့တာဖြစ်ပြီး အာဇာနည်နေ့မတိုင်ခင် ပြည်သူတွေက ပန်းခြံအဝင်လမ်းကို ပြုပြင်ပေးဖို့ ကုမ္ပဏီနဲ့ ညှိနှိုင်းရာက ပန်းခြံအနောက်ပေါက်ကိုပဲ ဖွင့်ပေးခဲ့လို့ စတင်အငြင်းပွားခဲ့ပါတယ်။
အများပြည်သူပိုင်ဆိုင်ပြီး ပြည်သူတွေ အချိန်မရွေး ဝင်ထွက်သွားလာခွင့်ရှိတဲ့ ပန်းခြံမျိုးကို လိုလားပြီး ကုမ္ပဏီတွေ ပိုင်ဆိုင်ထိန်းချုပ်တာကို မလိုလားသလို၊ ပန်းခြံအတွင်းက ဗိုလ်ချုပ်ကြေးရုပ် ပျောက်သွားမှာ။ အာဇာနည်နေ့လို အခမ်းအနားတွေ မလုပ်မှာကို အဓိကစိုးရိမ်တယ်လို့ ကိုအောင်မြင့်မြတ်က ပြောပါတယ်။
၁၉၈၈နောက်ပိုင်း ပန်းခြံထဲမှာ ဘီယာဆိုင်တွေဖွင့်ခွင့်ပေးပြီး မကောင်းတာတွေ စုဝေးရာနေရာဖြစ်လာပြီး ဗိုလ်ချုပ်ကြေးရုပ်ကို ဖယ်ရှားပစ်မှာ မလိုလားရာက ဒီအချိန်ဟာ အားလုံးပြန်သုံးသပ်သင့်ပြီလို့ ပြောလာတာက ကိုစိုးလွင်ပါ။
အစိးရအနေနဲ့ ကုမ္ပဏီကို လွှဲပေးတယ်ဆိုရင် ပွင့်လင်းမြင်သာမှုရှိဖို့လိုပြီး ပန်းခြံထဲမှာ ဘာတွေကို တည်ဆောက်ပြီး ဘယ်လိုစီစဉ်ဆောင်ရွက်မယ်ဆိုတာ ရှင်းပြလို့ ပြည်သူတွေ အကျိုးရှိရင် အငြင်းပွားမှုတွေ ပြေလည်သွားမှာလို့ ဦးဝင်းငြိမ်းက ပြောပါတယ်။

ဗွီဒီယိုဖိုင်ကြည့်ရန် -  http://www.kamayutmedia.com/2014/07/21/local-dispute-with-company-on-public/