မန္တလေးတိုင်းဒေသကြီး ရဲတပ်ဖွဲ့မှူး ဒုတိယရဲမှူးကြီး ဇော်မင်းဦးနှင့် တွေ့ဆုံခြင်း

မန္တလေးမြို့တော်တွင် ဖြစ်ပွားခဲ့သည့် ပဋိပက္ခအရင်းခံ ဖြစ်သော ဘာသာခြားနှစ်ဦးကို ပျဉ်းမနား ရဲစခန်းတွင် မုဒိမ်းမှုဖြင့် တိုင်ကြားသည့် ဖြစ်စဉ်သည် လီဆယ်တိုင်ကြားခြင်း ဖြစ်သည်ဟု အဆိုပါ တိုင်ကြားမှု ၂၁ ရက်အကြာတွင် ပြည်ထဲရေး ဝန်ကြီးဌာနက ထုတ်ပြန်လိုက်သည်။ အဆိုပါ ထုတ်ပြန်ချက်တွင် အချင်းချင်း မကျေနပ်သဖြင့် ထောင်ကျစေရန် အမှုကို လီဆယ်တိုင်ကြားခြင်း ဖြစ်ကြောင်း အမှုကွင်းဆက်များဖြင့် ဖော်ပြထားသည်။ ယင်းသို့ လီဆယ်တိုင်ကြားမှုနှင့် ပတ်သက်၍ မန္တလေးတိုင်းဒေသကြီး ရဲတပ်ဖွဲ့မှူး ဒုတိယရဲမှူးကြီး ဇော်မင်းဦးကို တွေ့ဆုံ မေးမြန်းထားသည်ထဲမှ ကောက်နုတ်ဖော်ပြအပ်ပါသည်။

Voice : ပျဉ်းမနားရဲစခန်းမှာ မုဒိမ်းမှု တိုင်ကြားခဲ့တဲ့ မစိုးစိုးဆိုတာ ဆန်းကဖေးမှာ မရှိဘူးဆိုတာကို အစကတည်းက ဘာကြောင့် မသိတာပါလဲ။
ZMO : မသိခဲ့ဘူးဆိုတာ အမှုတိုင်တဲ့ သူကို စိစစ်ချိန် မရဘူး။ သူက ပျဉ်းမနားကို သွားတိုင်တယ်။ ပျဉ်းမနားက သူ့ကို မသိဘူး။ ရဲစခန်းမှာ အမှုလာတိုင်တယ်။ မုဒိမ်းမှု ကျူးလွန်ခံရတဲ့အတွက် သူ့တိုင်ချက်ကို အမှုရေးဖွင့်တယ်။ အဲလို အမှုရေးဖွင့်တဲ့ အပေါ်မှာမှ ဒါကို မှန်ကန်မှု ရှိမရှိ မန္တလေးကို လာရောက် စုံစမ်းသွားတယ်။ စုံစမ်းရရှိချက် အပေါ်မှာ ကျွန်တော်တို့တပ်ဖွဲ့ ပူးပေါင်းပြီး ကွင်းဆက်ကနေ စုံစမ်းပြီးမှ လီဆယ်မှုဆိုတာ ပေါ်ပေါက်ပါတယ်။
Voice : ပထမ လာဖမ်းဆီးကတည်းက ရုတ်ရုတ်သဲသဲ ဖြစ်သွားတယ်။ အဲဒီမှာ လီဆယ်ပြီး တိုင်တာလို့ ထုတ်ပြန်နိုင်ခဲ့ရင် ပဋိပက္ခဖြစ်ပေါ်မှု လျော့ကျသွားနိုင်မလား။
ZMO : အဲဒီဟာက ဇွန်လ ၃၀ ရက်နေ့က ပျဉ်းမနားက လာမေးမြန်းသွားတယ်။ မေးမြန်းပြီးတော့ သက်ဆိုင်ရာ အထောက်အထားတွေ ယူသွားတာပဲ။ ဒါပေမဲ့ လာရောက် မေးမြန်းချိန်မှာ ကျူးလွန်ပါတယ်လို့ တိုင်တန်းခံရသူ နှစ်ဦးက မရှိဘူး။ မရှိတဲ့အတွက် ဘေးက ပြောတာကိုပဲ ရေးမှတ်သွားရတဲ့ သဘောရှိတယ်။ ဒါကိုကျတော့ ဒီမှာမနေဘဲ တိုင်တယ်ဆိုတာ ချက်ချင်းကြီး ထုတ်ပြန်ရအောင်က အမှုက တည်ဆောက်ဆဲကာလ ဖြစ်တယ်။ သူ တစ်ယောက်တည်း ပြောချက်နဲ့ မရဘူး။ ဘေးက သက်သေ အထောက်အထား ခိုင်ခိုင်လုံလုံ ရှာဖွေရသေးတာကိုး။ လာမေးသွားတာနဲ့ (ပဋိပက္ခ) က သိပ်မသက်ဆိုင်ပါဘူး။ အမှုက သူ့ဘာသာသူ လာမေးသွားတာပဲ ရှိတယ်။ ရုတ်ရုတ်က နောက်ရက်မှ ဖြစ်သွားတာပါ။
Voice : တိုင်ကြားမှုနဲ့ ပတ်သက်လို့ မူခင်းဆိုင်ရာ ဆေးပညာနဲ့ ဓာတုဗေဒဆိုင်ရာ စစ်ဆေးချက်အရ မုဒိမ်းမှုကျူးလွန်ခြင်း မရှိဘူးလို့ ထုတ်ပြန်ချက်အရ သိရပါတယ်။ ဒီလို မုဒိမ်းမှုတွေမှာ ဆေးစစ်တဲ့ ရလဒ်ရဖို့ အချိန်ဘယ်လောက် ယူရပါသလဲ။
ZMO : မုဒိမ်းမှုဖြစ်ရင် ကျူးလွန်စဉ်က ဝတ်ဆင်ထားတဲ့ အဝတ်အစားမှာ သုက်ပိုး ရှိမရှိ၊ စီအိုင်ဒီကို ပို့ရတယ်။ ဓာတ်ခွဲ စစ်ဆေးရတယ်။ အလားတူပဲ ကျူးလွန်ခံရသူ ခန္ဓာကိုယ်မှာလည်း သက်သေအနေ ၏နဲ့ ဆေးရုံမှာ ဆရာဝန်တွေနဲ့ ဆေးစစ်ချက် ယူရပါတယ်။ အဲဒါက အနည်းဆုံး တစ်ပတ်ကနေ နှစ်ပတ်ကြာတယ်။ ဒီလီဆယ်တိုင်တန်းတဲ့ ဖြစ်စဉ်မှာ ကျူးလွန်ခံရသူ ဆိုသူ (မစိုးစိုးဟု အမည်လွဲ တိုင်တန်းသူ ဖြူဖြူမင်း) က အိမ်ထောင်သည် ဖြစ်နေလို့ စစ်ဆေးတဲ့အခါမှာ တခြားသက်သေ အထောက်အထားတွေ ရှာရတယ်။ ပြင်ဦးလွင်မှာ တိုင်တဲ့ မဟေမာကျော် ဆိုရင်လည်း သူ့အဝတ်အစားမှာလည်း သုတ်ပိုးတွေ့တယ် ပြောတယ်။ ဘယ်သူ့ဟာမှန်းမှ မသိတာ။ ကျွန်တော်တို့ဆီမှာ DNA မှ မရှိတာ။ သူက ဟုတ်သလိုလိုပဲ သူ့ကောင်လေးနဲ့ သူ့ဟာသူ ကိုယ်ဝန်ရတဲ့ဟာကို အသုံးချ လုပ်သွားတာ။ ဒါမျိုးတွေပေါ့။ ဆေးစစ်ချက် တစ်ခုတည်းနဲ့ မရဘူး။ တခြားသက်သေတွေနဲ့ စုံစမ်းထောက်လှမ်းရတယ်။
Voice : ပျဉ်းမနားအမှု စဖွင့်ပြီး ၂၁ ရက် ကြာမှ ဒီဖြစ်စဉ်ကို လိမ်လည် တိုင်ကြားတယ်လို့ ထုတ်ပြန်တဲ့အပေါ်မှာ ဆရာ့သဘောထား ပြောပြပေးပါ။
ZMO : အမှုတစ်ခုဖွင့်ရင် ရဲတပ်ဖွဲ့အနေနဲ့ တိုင်ကြားချက်အပေါ်မှာ အမှုဖွင့်ရတယ်။ ရဲလုပ်ငန်းပေါ့။ မှန်ကန်မှု ရှိမရှိ၊ ကျူးလွန်ခြင်း ရှိမရှိ အမှုတည်ဆောက်ရတယ်။ အမှုတည်ဆောက်မှုပေါ် မူတည်ပြီး ဥပဒေအရာရှိထံ ဥပဒေအကြံဉာဏ် တောင်းရတယ်။ ပြီးရင် တရားရုံးကို အမှုစွဲတင်ရတယ်။ အခုဟာက ဖြစ်စဉ်မှာ တခြားကွင်းဆက်တွေ စုံစမ်းပြီးတော့ လီဆယ်မှု ဆိုတာ ပေါ်ပေါက်လာတာပေါ့။ ဒီဟာလည်း သာမန်အမှု တစ်ခုကနေ လူမျိုးရေး ဘာသာရေးဘက် ပြောင်းသွားတယ်။ ဒီအချိန်မှာ ဒါတွေ ဂရုစိုက်သင့်တယ်။
Voice : လီဆယ်တိုင်တန်းမှု ဖြစ်စဉ်တွင် ပါဝင်တဲ့ ဟေမာကျော်နှင့် ဒေါ်မာလာ၊ ဦးရဲထွဋ်တို့ တိမ်းရှောင်နေမှု အပေါ်မှာရော ရဲတပ်ဖွဲ့အနေနဲ့ ဘာတွေ ဆောင်ရွက်နေပါသလဲ။
ZMO : ဒီအမှုနဲ့ ပတ်သက်လို့ ဖမ်းဆီးအရေးယူ ဆောင်ရွက်ရမှာပေါ့။ ဥပဒေနဲ့အညီ ဆက်လက် ဆောင်ရွက်သွားမှာပါ။
Voice : ထွက်ပြေးနေတယ်ဆိုတဲ့ ဆန်းကဖေးက ညီအစ်ကို နှစ်ယောက်နဲ့ ပတ်သက်လို့ လိုက်လံဖမ်းဆီး နေတယ်ဆိုတဲ့ အပေါ်မှာရော။
ZMO : ဒီအမှုနဲ့ ပတ်သက်လို့ သူတို့ ကျူးလွန်တာ မဟုတ်တော့ဘူး၊ ဒီမုဒိမ်းမှုနဲ့ ပတ်သက်ပြီး တာဝန်မရှိတော့ဘူး။
Voice : ရဲစခန်းတွေမှာ တိုင်ကြားတဲ့ ပထမသတင်းပေး တိုင်ကြားချက်နဲ့ ပတ်သက်လို့ ဘယ်လိုစစ်ဆေး အရေးယူပါသလဲ။ မန္တလေးတိုင်းမှာရော ဒီလိုလီဆယ် တိုင်တဲ့အမှု ဘယ်လောက်ရာခိုင်နှုန်းများ ရှိပါသလဲ။
ZMO : ကျူးလွန်ခံရပါတယ်။ နစ်နာမှု ရှိတယ်လို့ ကျူးလွန်ခံရကြောင်း ရဲစခန်းကို လာရောက်တိုင်ကြားတယ်။ အဲဒီတိုင်ချက်ကို ဂတ်စာရေးက ရေးမှတ်ယူရပါတယ်။ တိုင်တဲ့ဖြစ်စဉ် အကြောင်းအရာနဲ့ ပထမသတင်းပေး တိုင်ကြားချက် FIR ဖွင့်ရပါတယ်။ အဲဒီမှာ ပုဒ်မနဲ့ ကျူးလွန်တာ မှန်ကန်မှု ရှိမရှိ အမှုအကြောင်းအရာကို အမှုစစ်ကို တာဝန်ပေးပြီး ထပ်မံ စုံစမ်း စစ်ဆေးခိုင်းတယ်။ လီဆယ်ပြီး တိုင်တဲ့အမှုက နည်းတော့ နည်းတယ်။ လီဆယ်ပြီး တိုင်တဲ့ထဲမှာ တချို့က နားလည်မှုလွဲပြီး တိုင်တာရှိတယ်။ တချို့က လိမ်တိုင်တာ ရှိတယ်။ လိမ်လည် တိုင်ကြားတာနဲ့ ပတ်သက်လို့တော့ လိမ်လည်တိုင်ကြားမှုနဲ့ ပြန်အရေးယူပါတယ်။
Voice : လီဆယ်တိုင်တန်းမှုကို အခြေပြုပြီး မန္တလေးမှာ ပဋိပက္ခထိ ဖြစ်လာရတဲ့ အပေါ်မှာ သဘောထား အမြင်လေး သိပါရစေ။
ZMO : အမှုက မုဒိမ်းမှုဆိုပြီး တိုင်တယ်။ ဖြစ်နေကျပဲလေ။ သာမန်အမှုတွဲ တစ်ခုလို မမြင်ဘဲနဲ့ တခြားဘာသာဝင် တစ်ယောက်က မြန်မာအမျိုးသမီးကို ပြုတယ်ဆိုပြီးတော့ ဘာသာရေးနဲ့ လူမျိုးရေးကို အခြေတည်ပြီး ဖြစ်တာ။ မှုခင်းက မှုခင်းလို့ပဲ မြင်သင့်တယ်။ ကျူးလွန်သူ၊ ကျူးလွန်ခံရသူ ရှိတယ်၊ ကျူးလွန်သူက တရားဥပဒေအရ အရေးယူခံရမယ်။ ပြစ်မှုကျူးလွန်သူ မဟုတ်ဘူးဆိုလည်း တရားရုံးမှာ ရင်ဆိုင် ဖြေရှင်းသင့်တယ်။ ခုက သို့လော သို့လောနဲ့ တခြားပယောဂတွေ ဘေးကနေ ဝင်တာကို သင်ခန်းစာ ကောင်းကောင်းယူပြီး နောင်မဖြစ်အောင် ဆင်ဆင်ခြင်ခြင်နဲ့ ဆောင်ရွက်သွားရင် ဒါမျိုး (ပဋိပက္ခ) တွေ ဖြစ်ပွားလာမှာ မဟုတ်တော့ဘူး။
Voice : ၁၄၄ ထုတ်ထားရတဲ့ မန္တလေး လက်ရှိ အခြေအနေလေး ပြောပြပေးပါ။
ZMO : လက်ရှိ အခြေအနေကတော့ အေးအေးချမ်းချမ်း ဖြစ်သွားပြီ။ ကိစ္စတွေက တအားထိရှလွယ်တော့ ကျွန်တော်တို့က အချိန်ယူပြီး လုံခြုံရေးပိုင်း အခြေအနေကော ၁၄၄ ရုပ်သင့် မရုပ်သင့်၊ အချိန်လျှော့သင့် မလျှော့သင့်ကောကို တိုင်းဒေသကြီး အစိုးရအဖွဲ့က လက်ရှိ ဖြစ်ပေါ်နေတဲ့ အခြေအနေပေါ် မူတည်ပြီး အချိန်နဲ့ တစ်ပြေးညီ ဆောင်ရွက်သွားမှာပါ။
Voice : မန္တလေးမှာ ဖြစ်ပွားတဲ့ နောက်ကွယ်က လှုံ့ဆော်သူ လူတစ်စုဆိုတာကို ဖမ်းဆီးရဖို့ သက်သေ အထောက်အထာ တွေ ရှိပါပြီလား။
ZMO : ဒီဟာတွေဖြစ်ဖို့ ရဲထွဋ်က အမှုပွဲစားလုပ်ပြီး စီစဉ်တယ်။ လီဆယ် တိုင်နေတာပေါ့။ အဲဒီဟာကို ဖော်ထုတ်ပြီး လူတစ်စုဆိုတာကို သူ့ကိုဖမ်းမိပြီး ထပ်မံ စစ်ဆေးလိုက်ရင် ပေါ်လာမှာပေါ့။ ဘာရည်ရွယ်ချက်နဲ့ လုပ်တာလဲ။ ဘယ်လိုကြောင့် ဒါမျိုးတွေ လုပ်တာလဲဆိုတာ သိလာရမှာပါ။ ထွက်ပြေး တိမ်းရှောင်သူတွေကို မိအောင် ဖမ်းဆီးမှာပါ။
Voice : ထပ်ဖြည့်ပြောချင်တာများ ရှိပါသေးလား။
ZMO : သာမန်မှုခင်း တစ်ခုကနေ ဘာသာရေးလူမျိုးရေး ကူးစက်မှု မခံရစေချင်ဘူး။ ပြည်သူတွေ ဒါကို နမူနာယူပြီး မလိုလားတဲ့ နစ်နာမှုတွေ၊ ဆုံးရှုံးမှုတွေ မတည်မငြိမ် ဖြစ်မှုတွေ၊ နောက်ဆက်တွဲ ဆိုးကျိုးတွေ ဒါတွေက သင်ခန်းစာ ကောင်းကောင်းပေးလိုက်တယ်။ နောက်ထပ် မဖြစ်အောင် ကျွန်တော်တို့ ဝိုင်းဝန်းထိန်းသိမ်း စောင့်ရှောက်သွားရမှာပါ။ အေးအေးချမ်းချမ်း တည်တည်ငြိမ်ငြိမ်နဲ့ မန္တလေးမြို့က အရင်လိုပဲ ဖြစ်သွားမှာပါ။
Voice : ကျေးဇူးတင်ပါတယ်။