ပြည်ထောင်စုရွေးကောက်ပွဲကော်မရှင်ရဲ့ အငြင်းပွားဖွယ်ရာဖြစ်နေတဲ့ ဇူလိုင်လအတွင်း ထုတ်ပြန်ထားတဲ့ ညွှန်ကြားချက်တွေနဲ့ပတ်သက်ပြီး အမျိုးသားဒီမိုကရေစီအဖွဲ့ချုပ်က ဇူလိုင် ၂၁ရက်နေ့မှာ ကြေညာချက်ထုတ်ပြီး တုံ့ပြန်ခဲ့ပါတယ်။ NLD ပါတီ ဘာတွေအကြံပေးခဲ့လဲ။
ကော်မရှင်ရဲ့ လွတ်လပ်မှု၊ ဘက်မလိုက်မှုနဲ့ သမာသမတ်ကျမှုဆိုင်ရာ ရပ်တည်ချက်နဲ့ပတ်သက်ပြီး မေးခွန်းတွေ ပေါ်ထွက်လာနေချိန်မှာ ဇူလိုင်လဆန်းက ထွက်ပေါ်လာတဲ့ ကော်မရှင်ရဲ့ ညွှန်ကြားချက်နဲ့ပတ်သက်ပြီး ရွေးကောက်ပွဲ ကော်မရှင်အဖွဲ့ဝင်တွေဟာ ရွေးကောက်ပွဲမတိုင်ခင် နိုင်ငံရေးပါတီဝင်အဖြစ်မှ ၅နှစ် ကင်းလွတ်သူတွေ ဖြစ်သင့်တယ်လို့ NLD က ဆိုပါတယ်။
မဲဆွယ်စည်းရုံးရေးကာလ တစ်လသတ်မှတ်မယ့်အစား ရက်ပေါင်း ၆ဝသတ်မှတ်ပေးဖို့၊ လွှတ်တော်ကိုယ်စားလှယ်လောင်းတွေ စုဝေးဟောပြောဖို့ ၁၅ရက်ကြိုတင် ခွင့်ပြုချက်တင်ဖို့အစား ၅ရက်ကြိုတင် အကြောင်းကြားပါက လုံလောက်တဲ့အကြောင်းနဲ့ မဲရုံထဲဝင်ခွင့်ရှိသူတွေကို ကော်မရှင်က ခွင့်ပြုသူများ၊ ပယ်မဲသတ်မှတ်ချက်မှာ ထပ်တိုးလာတဲ့ ကော်မရှင်က သတ်မှတ်တဲ့မဲဆိုတဲ့ မရေမရာ ပြဌာန်းချက်တွေကို NLD ပါတီက အကြံပြုချက်များဆိုပြီး ကြေညာချက်ထုတ်ပြန်ခဲ့ပါတယ်။
သန့်ရှင်းမျှတတဲ့ ရွေးကောက်ပွဲဖြစ်ရေး ကြွေးကြော်ထားတဲ့ ကော်မရှင်ဥက္ကဌ ဦးတင်အေးရဲ့ နိုင်ငံရေးပါတီတွေအပေါ် တင်းကြပ်တဲ့ စည်းမျဉ်းနဲ့ ညွှန်ကြားချက်တွေ ပေါ်လာချိန် ညီညွတ်သော တိုင်းရင်းသား လူမျိုးစုများ မဟာမိတ်အဖွဲ့ UNA က ကော်မရှင်အပေါ် အယုံအကြည်မရှိလို့ ကြေညာခဲ့ပါတယ်။
No comments:
Post a Comment