ဒီခေတ်မှာ လက်ဖက်ရည်ဆိုင် ဆိုင်ထိုင်တဲ့ ယဉ်ကျေးမှု ထွန်းကားနေပါတယ်။ မိမိကိုယ်တိုင်လည်း ဒီဓလေ့ကို လက်ခံခဲ့ပါတယ်။ နံနက်တိုင်း လက်ဖက်ရည်ဆိုင်မှာ မိတ်ဆွေတွေ စုပြီး နိုင်ငံရေး၊ စီးပွားရေး၊ လူမှုရေးနဲ့ သာရေးနာရေးအဆုံး စကားတွေ ပြောဖြစ်ပါတယ်။ တစ်နေ့က စကားပြောကြရင်း ဖွဲ့စည်းပုံအခြေခံဥပဒေ ပြင်ဆင်ရေးကိစ္စ ရောက်သွားပါတယ်။ ဖွဲ့စည်းပုံအခြေခံ ဥပဒေမှာပါတဲ့ နောက်ကြောင်းပြန် အာဏာသက်ရောက်စေရန် ပြဋ္ဌာန်းခွင့် မရှိဆိုတဲ့ ဥပဒေကို ပြင်ဆင်သင့်ကြောင်း ပြောပါတယ်။ ဒီပုဒ်မကို သူအဓိပ္ပာယ် ကောက်တာက ယခင်အုပ်ချုပ်သူများကို ပြစ်မှုကြောင်းနှင့် နောက်ကြောင်းပြန် အရေးမယူနိုင်အောင် ကာကွယ်တဲ့ ဥပဒေလို့ ထင်နေပါတယ်။ ထိုနည်းတူစွာ နောက် တစ်ဦးကလည်း နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့နှင့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ အဖွဲ့ဝင်များကို ယင်းတို့၏ ယခင် လုပ်ဆောင်ချက်များ အပေါ်တွင် တရားစွဲဆိုခြင်းများ မရှိစေရဟု ပြဋ္ဌာန်းချက် ပါရှိနေကြောင်း၊ ယင်းဥပဒေကိုလည်း ပြင်ဆင်သင့်ကြောင်း ဆွေးနွေးပါတယ်။
ဆွေးနွေးဝိုင်းထဲက တချို့ပုဂ္ဂိုလ်တွေဟာ ခေတ်ပညာတတ်တွေပါ။ တချို့ဆို စီးပွားရေးလောကမှာ ထဲထဲဝင်ဝင် လုပ်နေသူတွေပါ။ ဒါပေမဲ့ ကိုယ်မကျွမ်းတဲ့ ပညာရပ်ကို ဆွေးနွေးတဲ့အခါ အကောက်အယူ လွဲတာမျိုး ဖြစ်တတ်ပါတယ်။ အထူးသဖြင့် ဥပဒေနှင့် ပတ်သက်ပြီး မလေ့လာချင်ကြပါဘူး။ ဖွဲ့စည်းပုံအခြေခံဥပဒေ ဆိုရင် ပိုဆိုးပါတယ်။ ကိုယ်နဲ့ မဆိုင်သလို နေကြပါတယ်။ လေ့လာချင်လို့လည်း ဥပဒေစာအုပ်က လွယ်လွယ်ကူကူ ရှာမတွေ့ဘူးလေ။ မိမိအနေနဲ့ လူတတ်လုပ်ပြီး ဆရာကြီးသဘောနဲ့ မဟုတ်ဘဲ ထင်မြင်ယူဆချက် အနေနဲ့သာ ဆွေးနွေးခဲ့ပါတယ်။
ပထမ ဆွေးနွေးတဲ့ ဥပဒေဟာ “မည်သည့်ပြစ်မှုဆိုင်ရာဥပဒေမျှ နောက်ကြောင်းပြန် အာဏာသက်ရောက်စေရန် ပြဋ္ဌာန်းခွင့် မရှိစေရ” ဆိုတဲ့ ဖွဲ့စည်းပုံအခြေခံဥပဒေ ပုဒ်မ (၄၃) ကို ရည်ရွယ်ပါတယ်။ ဒီဥပဒေဟာ နောက်ကြောင်းပြန် အရေးမယူနိုင်အောင် ကာကွယ်တဲ့ ဥပဒေ မဟုတ်ဘဲ အတိတ်က ပြုလုပ်ခဲ့သည့် လုပ်ရပ်မျိုးကို ပြစ်မှုဟု သတ်မှတ်သည့် ဥပဒေမျိုး ပြဋ္ဌာန်းခွင့် မရှိဟုသာ ဆိုလိုကြောင်း၊ ဥပမာ- လွန်ခဲ့သောနှစ်က ဆန်ရောင်းဝယ်ခြင်းကို တားမြစ်သည့် ဥပဒေ မရှိသဖြင့် ဆန်ရောင်းဝယ်သူ တစ်ဦးအား နောက်ကြောင်းပြန် အရေးယူရန်အတွက် ယခုနှစ်ကျမှ အပြစ်ရှိသည် ဆိုသော ဥပဒေမျိုး ပြဋ္ဌာန်းခွင့်မရှိဟုသာ ဆိုလိုကြောင်း မိမိ အယူအဆကို ရှင်းပြပါတယ်။
နောက်တစ်ခုဖြစ်တဲ့ နိုင်ငံတော် ငြိမ်ဝပ်ပိပြားမှု တည်ဆောက်ရေး အဖွဲ့နှင့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီဝင်များ၏ ယခင် လုပ်ဆောင်ချက်များအပေါ် တရားစွဲခွင့် မရှိဆိုသော ဆွေးနွေးချက်နှင့် ပတ်သက်၍ ဖွဲ့စည်းပုံအခြေခံဥပဒေ ပုဒ်မ (၄၄၅) ၌ ယခင် အုပ်ချုပ်သူများ ဖြစ်ခဲ့သော “ယင်းအဖွဲ့ (သို့မဟုတ်) အဖွဲ့ဝင်တစ်ဦးဦး (သို့မဟုတ်) အစိုးရအဖွဲ့ဝင် တစ်ဦးဦး၏ တာဝန်အရ ဆောင်ရွက်ချက်များအပေါ် အကြောင်းပြုလျက် ယင်းတို့အား တရားစွဲဆိုခြင်း၊ အရေးယူခြင်း မရှိစေရ” ဟုသာ ပြဋ္ဌာန်းထားခြင်း ဖြစ်ပြီး တာဝန်အရ ဆောင်ရွက်ချက်များသည် လုပ်ပိုင်ခွင့်အာဏာကို အလွဲသုံးစားပြုပြီး လာဘ်ပေးလာဘ်ယူ ပြုလုပ်ကြောင်း ထင်ရှားလျှင် ဥပဒေအရ အရေးယူနိုင်ကြောင်း မိမိ၏ ယူဆချက်ကို ပြန်လည် ဆွေးနွေးခဲ့ပါတယ်။
တစ်ဦးက ဖွဲ့စည်းပုံအခြေခံဥပဒေ ပြင်ဆင်ရေးမှာ တပ်မတော် ပါဝင်မှ ဖြစ်မယ်လို့ ဒေါ်အောင်ဆန်းစုကြည်က ပြောခဲ့ပါတယ်။ ဒါပေမဲ့ ပြီးခဲ့တဲ့ တော်လှန်ရေးနေ့မှာ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ဖွဲ့စည်းပုံအခြေခံဥပဒေကို တပ်မတော်က ကာကွယ်စောင့်ရှောက် ရမည်ဟု မိန့်ခွန်းပြောသွားကြောင်း ဒီစကားဟာ ဖွဲ့စည်းပုံအခြေခံဥပဒေ ပြင်ဆင်ရေးကို ဆန့်ကျင်သည့် အဓိပ္ပာယ်ပေါက်နေသလားလို့ မေးလာပါတယ်။ အခြားတစ်ယောက်က ဖွဲ့စည်းပုံအခြေခံဥပဒေ ပုဒ်မ ၂၀ (ခ) မှာ “တပ်မတော်သည် နိုင်ငံတော် ဖွဲ့စည်းပုံအခြေခံဥပဒေကို ကာကွယ်စောင့်ရှောက်ရန် အဓိက တာဝန်ရှိသည်” ဟု ပြဋ္ဌာန်းထားကြောင်း၊ ဒီတာဝန်အရ ဖွဲ့စည်းပုံအခြေခံ ဥပဒေပါ ပြဋ္ဌာန်းချက်များကို လေးစားလိုက်နာရမည် ဖြစ်၍ အခြေခံဥပဒေ အခန်း (၁၂) ဖွဲ့စည်းပုံအခြေခံဥပဒေပြင်ဆင်ခြင်းအတွက် ပြဋ္ဌာန်းချက်များနှင့်အညီဆောင်ရွက်ပါက တပ်မတော် အနေနှင့် သဘောမတူစရာ မရှိနိုင်ကြောင်း ပြန်လှန်ဆွေးနွေးသံ ကြားရပါတယ်။
ဆွေးနွေးကြတဲ့အထဲမှာ နိုင်ငံတော်သမ္မတ ကိစ္စလည်း ပါပါတယ်။ ဒေါ်အောင်ဆန်းစုကြည် သမ္မတ လုပ်ချင်တာဟာ ရာထူးလိုချင်၍ မဟုတ်ဘဲ တိုင်းပြည်ကောင်းကျိုး ဆောင်ရွက်ရာမှာ သမ္မတတစ်ဦး အနေနဲ့ ထိထိရောက်ရောက် လုပ်နိုင်မည်ဟု ယူဆ၍ ဖြစ်ကြောင်း၊ ဒါပေမဲ့ ဖွဲ့စည်းပုံ အခြေခံဥပဒေမှာ စစ်ရေးအမြင် ရှိရမယ်လို့ ဆိုထားတဲ့အတွက် ဒေါ်အောင်ဆန်းစုကြည် အနေနှင့် အခွင့်အလမ်း နည်းပါးကြောင်း၊ ဥပဒေကို ပြင်ပေးလျှင် နီးစပ်နိုင်ကြောင်း ထင်မြင်ချက် ပေးကြပါတယ်။ နိုင်ငံတော်သမ္မတ ဒုတိယသမ္မတများတွင် ရှိရမည့် အရည်အချင်းများနှင့် ပတ်သက်၍ “ပုဒ်မ ၅၉ (ဃ) နိုင်ငံတော် အရေးအရာများ ဖြစ်သော နိုင်ငံရေး၊ အုပ်ချုပ်ရေး၊ စီးပွားရေး၊ စစ်ရေး စသည့် အမြင်များ ရှိရမည်ဟုပြဋ္ဌာန်းထားရာ ယခုလက်ရှိ နိုင်ငံတော်သမ္မတနှင့် ဒုတိယသမ္မတများ၌လည်း ဖော်ပြသည့် အမြင်များအားလုံး ပြည့်စုံသည်ဟု မဆိုနိုင်ကြောင်း၊ ထို့ကြောင့် မရှိလျှင် မဖြစ်သည့် အချက်များ မဟုတ်ဘဲ ထည့်သွင်း စဉ်းစားရမည့် အချက်များဟုသာ ယူဆနိုင်ကြောင်း၊ ဒေါ်အောင်ဆန်းစုကြည်အတွက် ကြီးကျယ်သော အတားအဆီး မဟုတ်ကြောင်း၊ သို့သော် အခြေခံဥပဒေ ပုဒ်မ ၅၉ (ခ) xxx မိမိ၏ဇနီး သို့မဟုတ် ခင်ပွန်းသော် လည်းကောင်း၊ မိမိ၏ တရားဝင် သားသမီးတစ်ဦးဦးသော် လည်းကောင်း၊ ထိုတရားဝင် သားသမီးတစ်ဦးဦး၏ ဇနီး သို့မဟုတ် ခင်ပွန်းသော် လည်းကောင်း၊ နိုင်ငံခြားအစိုးရ၏ ကျေးဇူးသစ္စာတော်ကို ခံယူစောင့်ရှောက် ရိုသေသူ သို့မဟုတ် နိုင်ငံခြားအစိုးရ၏ လက်အောက်ခံဖြစ်သူ သို့မဟုတ် နိုင်ငံခြားအစိုးရ၏ လက်အောက်ခံ ဖြစ်သူ သို့မဟုတ် တိုင်းတစ်ပါး၏ နိုင်ငံသား ဖြစ်သူများ မဖြစ်စေရ xxx ဆိုသည့် ပြဋ္ဌာန်းချက်သာလျှင် ငြိစွန်းနေသဖြင့် အတားအဆီး ဖြစ်နေပြီး ဥပဒေကို ပြင်ပေးမှ ဒေါ်အောင်ဆန်းစုကြည်အတွက် သမ္မတဖြစ်ရန် အခွင့်အလမ်းရှိကြောင်း တစ်ဦးက ထောက်ပြခဲ့ပါတယ်။ ဥပဒေ မပြင်ပေးလျှင် ဒေါ်အောင်ဆန်းစုကြည် အနေနှင့် မိမိဘက်က ဘောင်ဝင်အောင် ဘာလုပ်ပေးနိုင်သလဲ ဆိုတာ စဉ်းစားကြပါတယ်။ တစ်ယောက်က ပြီးခဲ့တဲ့ အစိုးရလက်ထက်မှာ အရေးပါတဲ့ ခေါင်းဆောင်တစ်ဦးဟာ မိမိသားကို သတင်းစာမှာ အမွေပြတ် ကြေညာတာ ရှိခဲ့ဖူးကြောင်း၊ ဘာကြောင့်ဆိုတာ မသိရသော်လည်း အကြောင်းရင်းတော့ ရှိမည်ထင်ကြောင်း၊ ဒီနည်းဟာ ဥပဒေအရ ဘယ်လောက်ထိရောက်မယ် ဆိုတာတော့ မသိကြောင်း စဉ်းစားကြရန် တင်ပြပါတယ်။
မိမိက ဖတ်ဖူးတဲ့ အကြောင်းအရာ တစ်ခုကို ပြောခဲ့ပါတယ်။ ဒုတိယကမ္ဘာစစ် အတွင်းက အင်္ဂလန်နိုင်ငံရဲ့ ကုန်သင်္ဘောတွေဟာ ဂျာမနီ ဟစ်တလာရဲ့ ရေငုပ်သင်္ဘောတွေရဲ့ နစ်မြှုပ်မှုကြောင့် များစွာ ဆုံးရှုံးနေပါတယ်။ တိုင်းပြည်မှာလည်း စားရေရိက္ခာ ပြတ်လပ်လာပါတယ်။ ဒီကိစ္စကို စစ်ကက်ဘိနက် အစည်းအဝေးမှာ အလေးအနက် ဆွေးနွေးကြရပါတယ်။ ရေကြောင်း ဗိုလ်ချုပ်တစ်ဦးက ရေကို ပူအောင်လုပ်ပြီး အပူဒဏ် မခံနိုင်လို့ ရေငုပ်သင်္ဘော ရေပေါ် ပေါ်လာတဲ့အခါ စစ်သင်္ဘောက ပစ်ခတ်နစ်မြှုပ်ရန် အကြံပေးပါတယ်။ အစည်းအဝေး တက်ရောက်သူ တချို့က သမုဒ္ဒရာရေပြင်ကို ဘယ်လိုပူအောင် လုပ်မလဲ၊ အပူဒဏ်ကို စစ်သင်္ဘောကကော ခံနိုင်ပါ့မလားလို့ ပြန်မေးခွန်းထုတ်ကြပါတယ်။ အဲဒီအခါ ရေကြောင်းဗိုလ်ချုပ်ကြီး က နည်းလမ်းတစ်ခုကို အကြံပေးတာပါဟု ပြန်ပြောသတဲ့။ ခင်ဗျားတို့ကလည်း သမုဒ္ဒရာကြီးကို ဆူပွက်အောင် အကြံမပေးကြပါနဲ့လို့ ပြန်ပြောခဲ့ရပါတယ်။
No comments:
Post a Comment