နိုင်ငံတကာ ပညာရေးအဖွဲ့ကြီး မြန်မာနိုင်ငံရှိ ကျောင်းဆရာများကို သင်တန်းပေးမည်

ရန်ကုန်၊ ဇူလိုင် ၂၀
အခြေခံပညာနှင့် အဆင့်မြင့်ပညာ ဆရာ၊ ဆရာမများအတွက် အထူးပြု သင်တန်းများကို မြန်မာနိုင်ငံ အလုပ်သမားသမဂ္ဂများ အဖွဲ့ချုပ်များမှတစ်ဆင့် သင်ကြား ပို့ချပေးမည် ဖြစ်ကြောင်း နိုင်ငံတကာ ပညာရေးအဖွဲ့ကြီး (EI) ၏ အာရှ-ပစိဖိတ် ဒေသဆိုင်ရာ ညှိနှိုင်းရေးမှူး Mr.Rey Dolot က ပြောကြားသည်။
အဆိုပါ သင်တန်းများ ပံ့ပိုးပေးရန်အတွက် ကနဦးစီ မံချက်နယ်မြေများ ရေးဆွဲခြင်းနှင့် အောက်ခြေဆရာ၊ ဆရာမများ၏ လိုအပ်ချက်များကို စစ်တမ်း ကောက်ယူခြင်းတို့ကို ချက်ချင်း ဆောင်ရွက်ရမည် ဖြစ်ကြောင်း ၎င်းက ထပ်လောင်း ပြောကြားသည်။
ပညာရေး ဝန်ကြီးဌာနနှင့် အလုပ်သမား၊ အလုပ်အကိုင်နှင့် လူမှုဖူလုံရေး ဝန်ကြီးဌာနတို့ကို ယင်းသင်တန်းနှင့် ပတ်သက်၍ ရှင်းလင်းပြီး ဖြစ်သောကြောင့် မကြာမီ နားလည်မှုစာချွန်လွှာ (MoU) ရေးထိုးရန် ရှိကြောင်း ဇူလိုင်လ ၁၇ ရက်နေ့တွင် EI က ထုတ်ပြန်ထားသည်။
နိုင်ငံတကာ ပညာရေးအဖွဲ့ကြီးက ဆရာ၊ ဆရာမများအတွက် ဆရာအတတ်သင် သင်တန်းများအပြင် ဆရာသမဂ္ဂများ ပေါ်ပေါက်စေရေးအတွက် အလုပ်သမား အဖွဲ့ချုပ်များနှင့် ဆွေးနွေးထားကြောင်း၊ မြန်မာနိုင်ငံတွင် ဆရာ၊ ဆရာမ အသင်းများ ပိုများလာစေလိုကြောင်း Mr.Rey Dolot က အကြံပြု ပြောကြားသည်။
အခြေခံပညာ ဆရာ၊ ဆရာမများ၏ လစာဝင်ငွေ နည်းပါးမှုနှင့် ပင်စင်ထောက်ပံ့မှု၊ လက်ရှိ ဆရာ၊ ဆရာမ ဦးရေနှင့် ကျောင်းသား၊ ကျောင်းသူ အချိုးတို့ကို စစ်တမ်း ကောက်ယူထားပြီး ဖြစ်ကြောင်း၊ ပညာရေး ဝန်ကြီးဌာန၏ အသုံးစရိတ်ကို အသုံးစရိတ် အားလုံး၏ ၁ ဒသမ ၂ ရာခိုင်နှုန်းသာ ခွဲဝေပေးခြင်းကို ပြင်ဆင်သင့်ကြောင်း ၎င်းက ဖြည့်စွက် ပြောဆိုသည်။
EI အဖွဲ့ကြီးက မြန်မာနိုင်ငံ ဆရာ၊ ဆရာမများအဖွဲ့ချုပ် (ယာယီ) နှင့် ပူးပေါင်းပြီး ဆရာအတတ်သင် သင်တန်းများ နှစ်ကြိမ် ပို့ချပြီး ဖြစ်ကြောင်း အဆိုပါ ဆရာအဖွဲ့ချုပ်ထံမှ စုံစမ်းသိရှိရသည်။
အာရှ-ပစိဖိတ် ဒေသဆိုင်ရာ နိုင်ငံတကာ ပညာရေးအဖွဲ့ကြီးက ဇွန်လ ၃၀ ရက်နေ့မှ ဇူလိုင်လ ၂ ရက်နေ့အထိ မြန်မာနိုင်ငံသို့ လာရောက်ပြီး လက်ရှိ ပညာရေးကဏ္ဍ၏ အသုံးစရိတ် အပါအဝင် ဝန်ထမ်းအင်အား၊ သတင်းအချက်အလက်များကို စစ်တမ်း ကောက်ယူသွားခဲ့သည်။
EI ၏ စစ်တမ်း အချက်အလက်များအရ မြန်မာနိုင်ငံတွင် အခြေခံပညာ ဆရာ၊ ဆရာမဦးရေသည် မူလတန်းအဆင့် ၁၁၇,၆၉၁ ဦး၊ အလယ်တန်းအဆင့် ၁၀၆,၅၁၅ ဦးနှင့် အထက်တန်းအဆင့် ၅,၇၃၀ ဦး ရှိကြောင်း၊ ယင်းအပြင် ဆရာနှင့် ကျောင်းသားအချိုးသည် ၄၆း၁ ရှိကြောင်း သိရသည်။