ဦးတေဇဖြေရမည့် မေးခွန်းများ

ဦးတေဇက မိုးကုတ်မြို့နယ်တွင် ယူရေနီယံသတ္တုများ တွေ့ရှိထားကြောင်းနှင့် ၎င်းကိုယ်တိုင် ယူရေနီယံ ဟုတ်၊ မဟုတ် စမ်းသပ်ကိုင်တွယ်ရင်း ဓာတ်ရောင်ခြည်သင့်နေ ကြောင်း ဇန်နဝါရီ ၁၉ ရက် ညနေက သတင်းစာရှင်းလင်းပွဲ ပြုလုပ်နေစဉ် (ဓာတ်ပုံ − နစ်ကီ)

 နာမည်ကျော်သူဌေးကြီး ဦးတေဇက မိုးကုတ်မြို့ နယ်တွင် ယူရေနီယံအများအပြားထွက်ရှိသည့် နေရာတွေ့ရှိထားပြီး ယူရေနီယံ ဟုတ်၊ မဟုတ် ကိုယ်တိုင် စမ်းသပ်ကြည့်ရာ၌ ဓာတ်ရောင်ခြည် သင့်ခံထားရ၍ ကျန်းမာရေးမကောင်းကြောင်း မီဒီယာများအား ပြောကြားခဲ့မှုနှင့်ပတ်သက်၍ နောက်ဆက်တွဲမေးခွန်းများစွာ ထွက်ပေါ်လာ သည်။

ရူပဗေဒပညာရှင်များ၊ စီး ပွားရေးလုပ်ငန်းရှင်များ၊ နိုင်ငံရေး သမားများ၊ ပြည်သူများထံတွင်  ဦးတေဇအတွက် မတူညီသော မေးခွန်းများ၊ သုံးသပ်ချက်များ ကိုယ်စီရှိနေခြင်းဖြစ်သည်။

‘‘ကုလို့ရတဲ့ ဆေးတွေဝယ် လို့ရရင် Press (သတင်းစာရှင်း လင်းပွဲ)လည်းမလုပ်ဘူး’’ဟု ဦး တေဇက ဇန်န၀ါရီ ၁၉ ရက်တွင် အင်းလျားလမ်းရှိ နေအိမ်၌ ပြု လုပ်သော  သတင်းစာရှင်းလင်း ပွဲတွင် ပြောကြားခဲ့သည်။

ကျန်းမာရေးနှင့် ပတ်သက် ၍ စိုးရိမ်ဖွယ်အနေအထားဖြစ်လာ သဖြင့် ယူရေနီယံဓာတ်သတ္တု တွေ့ရှိခြင်းကို မီဒီယာမှတစ်ဆင့် အစိုးရသို့ အသိပေးရန် သတင်းစာရှင်းလင်းပွဲပြုလုပ်ရခြင်း ဖြစ်ကြောင်း ဦးတေဇက ပြောကြားခဲ့သည်။

အဆိုပါပြောကြားမှုနှင့် ပတ် သက်၍ ဦးတေဇအပေါ် နားမ လည်နိုင်ဖြစ်ခဲ့ကြပြီး ပြောကြားခဲ့ သော စကားများအပေါ် အခြေခံ ၍ အမျိုးမျိုးထင်ကြေးပေးနေကြ သည်။ သူ့အကျိုးစီးပွားအတွက် လား၊ သူ့ပုံရိပ်အတွက်လား၊ နိုင်ငံတော်အတွက်လားဟူ၍ဖြစ်သည်။

‘‘နှစ်ချက်ပေါ့ဗျာ။ သူတကယ်မသိလို့ဖြစ်မယ်။ ဒီကိစ္စကို တပ်က သိပြီးသား။ နောက်တစ်ချက်က သူသည် သူ့ပုံရိပ်ကို ပြန်ကောင်းအောင် လုပ်တာဖြစ်မယ်’’ဟု တပ်မတော်ထောက်လှမ်းရေးအရာရှိဟောင်းတစ်ဦးက မှတ်ချက်ပြုသည်။

လွန်ခဲ့သော နှစ် ၂၀ ကျော် ကပင် မြန်မာနိုင်ငံတွင် ယူရေနီ ယံသတ္တုရှာဖွေခြင်းကို နေရာ ငါးခုခန့်တွင် ပြုလုပ်ခဲ့ကြသည်။  ၁၉၈၂ တွင် Technical Service Coperation ဖွဲ့၍ ပညာရှင်များ က ရှာဖွေခဲ့ကြသည်။ ၎င်းတို့ရှာ ဖွေသောနေရာတွင် မန္တလေးတိုင်း ဒေသကြီး မိုးကုတ်မြို့နယ်၊ ကချင် နှင့် ရှမ်းပြည်နယ်၊ တောင်ကြီး ဒေသတို့လည်း ပါဝင်ခဲ့သည်။ မိုးကုတ်မြို့နယ် ညောင်ပင်သာ ကျေးရွာအနီးတွင် တွေ့ရှိခဲ့သည် ဟု အစိုးရနှင့် နီးစပ်သူများက ဆို သည်။ သို့သော်အစိုးရအနေဖြင့် ယူရေနီယံသတ္တုတွေ့ရှိကြောင်း တစ်ကြိမ်မျှ မထုတ်ပြန်ခဲ့ပေ။

တပ်မတော်အစိုးရလက် ထက်တွင်လည်း သိပံ္ပနှင့် နည်း ပညာဝန်ကြီးဌာနက ယူရေနီယံ သတ္တုကို အခြေခံ၍ နျူကလီးယား အတွက် စီမံကိန်းများ စမ်းသပ် ဆောင်ရွက်ခဲ့သည်။ ယူရေနီယံ ထွက်ရှိသည်ဟု ပြောဆိုကြသော မိုးကုတ်မြို့နှင့် မနီးမဝေးရှိ သ ပိတ်ကျင်းမြို့အနီး၌ တပ်ရင်းတစ် ရင်းဖွင့်လှစ်၍ ဆောင်ရွက်ခဲ့သည်။ ထိုတပ်ရင်းတွင် ဗိုလ်ချုပ်တစ်ဦး ဦးဆောင်၍ ရုရှားပြန် တပ်မတော်သား  ပညာရှင်များနှင့် ကိုယ်ထူကိုယ်ထ လုပ်ကိုင်ခဲ့သည်ဟု တပ်မတော်အရာရှိဟောင်းတစ်ဦးကပြောသည်။

သိပံ္ပနှင့် နည်းပညာဝန်ကြီး ဌာနက ယူရေနီယံဓာတ်သတ္တုကို အခြေခံ၍ နျူကလီးယားစွမ်းအင် စီမံကိန်းအစား လက်နက်ထုတ် လုပ်ရန် အဓိကရည်ရွယ် လုပ် ဆောင်ခဲ့သည်ဟု လေ့လာသူများ ကဆိုသည်။ ပြည်ပသို့ ထွက်ပြေး တိမ်းရှောင်သွားသော တပ်မတော် အရာရှိဟောင်း ဗိုလ်မှူးစိုင်းသိန်းဝင်းမှတစ်ဆင့် နျူကလီးယားစီမံကိန်းဆိုင်ရာ အချက်အလက်အချို့ ပေါက်ကြားခဲ့သဖြင့် နိုင်ငံတကာက မြန်မာနိုင်ငံ၏ နျူကလီးယားနှင့် ပတ်သက်သော အိပ်မက်ကို စိတ်ဝင်စားစောင့်ကြည့်ခဲ့ကြသည်။

မိုးကုတ်မြို့နယ်တွင် ယူရေနီယံထွက်ရှိကြောင်း တပ်မတော် အစိုးရနှင့် နီးစပ်သူများသိရှိသည် မှာ နှစ် ၂၀ ခန့်ပင်ရှိပြီဖြစ်ပြီး ထုတ် လုပ်ရန်သာ နည်းပညာ အခက် အခဲရှိနေကြောင်း လုပ်ငန်းရှင် ကြီးတစ်ဦးကပြောသည်။

ထို့ကြောင့် ဦးတေဇယူရေနီ ယံသတ္တုရှာဖွေတွေ့ရှိသည်ဟု ပြောသည့်နေရာသည် မိုးကုတ်မြို့နယ်မှ သုံးနာရီခန့် ကားမောင်း၍ သွားရသော အံတုန်ကျေးရွာတွင် တွေ့ရှိသည်ဟု ဆိုသဖြင့် အမှန် တကယ်တွေ့ရှိသည်ဆိုလျှင်ပင် ထိုနေရာသည် နေရာအသစ် မဟုတ်နိုင်ဟု ပညာရှင်များက သုံးသပ်သည်။

‘‘သူလည်း သေချာလို့ သ တင်းစာရှင်းလင်းပွဲလုပ်ပြီး ပြော တာဖြစ်နိုင်တာပဲ။ ဒါပေမဲ့ သူတွေ့ တဲ့နေရာက တပ်မတော်က မ တွေ့သေးတဲ့နေရာတော့ မဟုတ် ဘူး’’ ဟု သတ္တုနှင့် သယံဇာတ ရေးရာကော်မတီ ဥက္ကဋ္ဌတပ်မတော် အရာရှိဟောင်း ဦးလှဆွေက ပြောသည်။

ဦးတေဇအနေဖြင့်လည်း စမ်းသပ်တွေ့ရှိသည့် ယူရေနီယံ ပါဝင်သည့် ကျောက်များကို သိပ္ပံ နှင့်နည်းပညာ ၀န်ကြီးဌာနသို့ ပေး ပို့အပ်နှံထားသော်လည်း အ ကြောင်းမပြန်သေးကြောင်း သ တင်းစာရှင်းလင်းပွဲ၌ သတင်း ထောက်များအား ပြောကြားခဲ့ သည်။ သို့သော် သိပ္ပံနှင့်နည်း ပညာဝန်ကြီးဌာနမှ တာဝန်ရှိသူ များကမူ ဦးတေဇက ယူရေနီယံ နှင့် ပတ်သက်၍ ဆက်သွယ်သ တင်းပို့မှုမရှိကြောင်း ပြောသည်။

ယူရေနီယံသတ္တုသည် တား မြစ်ထားသော သတ္တုအမျိုးအစား တွင် ပါဝင်ပြီး လက်ရှိတည်ဆဲ ဥပဒေအရ ပုဂ္ဂလိကအား တူး ဖော်ရှာဖွေခွင့် မပြုပေ။ ထို့အပြင် မြန်မာနိုင်ငံအနေဖြင့် သမ္မတဦး သိန်းစိန်လက်ထက်တွင် အပြည် ပြည်ဆိုင်ရာ အဏုမြူစွမ်းအင် အေဂျင်စီ (IAEA) အဖွဲ့ဝင်ဖြစ် လာခဲ့သည်။ အစိုးရအနေဖြင့် IAEA နှင့် လက်မှတ်ထိုးကာ နျူ ကလီးယားစီမံကိန်း ရပ်ဆိုင်းထား ကြောင်း ကြေညာထားသည်။

သတ္တုတူးဖော်ရေးလုပ်နည်း လုပ်ဟန်များအရ အဆိုပါ ယူရေ နီယံ သတ္တုတစ်ခု ရှာဖွေတွေ့ရှိ ရန်မှာ အဆင့်ပေါင်းများစွာ လုပ် ဆောင်ရပြီး လေးနှစ်ခန့် ဆက် တိုက်လုပ်ဆောင်ရကြောင်း ဘူမိ ဗေဒပညာရှင်တစ်ဦးက ပြော သည်။

ထို့အပြင် သူ့အနေဖြင့် ရေဒီ ယိုဓာတ် (Rediation) သင့်နေ သည်ဟု ပြောဆိုခြင်းနှင့်ပတ် သက်၍လည်း ပညာရှင်များကြား နားမလည်နိုင်အောင် ဖြစ်နေကြ သည်။

‘‘ယူရေနီယံနဲ့ပတ်သက်ပြီး နှစ်ပေါင်းများစွာ ဆရာနီးနီးကပ် ကပ်လုပ်ခဲ့တာတောင် Rediation ဓာတ်မသင့်ရင် ဦးတေဇ ခဏ လေးနဲ့တော့ မသင့်နိုင်ပါဘူး။ ဒရာမာကားရိုက်တာလားတော့ မသိဘူး’’ ဟု နျူကလီးယား ရူပ ဗေဒပညာရှင် ဆရာကြီးဒေါက် တာတင်အောင်ကိုက စောင့် ကြည့်သတင်းဂျာနယ်နှင့် အင် တာဗျူးတွင် ပြောကြားခဲ့သည်။

အကယ်၍ ဦးတေဇအနေ ဖြင့် Rediation ဓာတ်သင့်သွား သည်ဆိုလျှင်ပင် ခန္ဓာကိုယ်ထဲ မ ရောက်နိုင်သေးဘဲ အ၀တ်အစား ပေါ်တွင်သာ ရှိနိုင်သေးကြောင်း ဒေါက်တာတင်အောင်ကိုက ဆက် လက် ပြောကြားသည်။

ထို့ကြောင့် ဦးတေဇအနေ ဖြင့် အခြားသောရည်ရွယ်ချက် ဖြင့် ပြောဆိုခြင်းမှာ ပိုမိုဖြစ်နိုင် ကြောင်း ပညာရှင်များနှင့် စီးပွား ရေးလုပ်ငန်းရှင်များက မှတ်ချက် ပေးကြသည်။

‘‘နိုင်ငံတော်အတွက် သတင်း မီဒီယာတွေကနေတစ်ဆင့် အသိ ပေးရတာပါ’’ ဟု သတင်းစာရှင်း လင်းပွဲတွင် ပြောကြားခဲ့သည်။

ဦးတေဇအနေဖြင့် လက်ရှိ တပ်မတော် ထိပ်ပိုင်းခေါင်းဆောင် များနှင့် အစိုးရတာဝန်ရှိသူများ အား တိုက်ရိုက်ပြောဆိုနိုင်သူဖြစ် သည်။ ယခင်တပ်မတော် ထိပ် ပိုင်းခေါင်းဆောင်များနှင့်လည်း နီးစပ်သူဖြစ်သည်။ တပ်မတော်အ စိုးရ လက်ထက်ကပင် ဗိုလ်ချုပ် မှူးကြီးသန်းရွှေ၊ ဒုတိယဗိုလ်ချုပ် မှူးကြီး မောင်အေးအပါအ၀င် တပ်မတော်ထိပ်ပိုင်း ခေါင်းဆောင် များနှင့် ဆက်ဆံရေးကောင်းခဲ့သူ ဖြစ်သည်။

လက်ရှိသမ္မတ ဦးသိန်းစိန် အပြင် တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်း အောင်လှိုင်နှင့် တွေ့ဆုံခွင့်ရ အောင် လုပ်နိုင်သူဖြစ်သည်။ တပ် မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင် ရုရှားသွားစဉ်က ဦးတေဇတို့ သား အဖ လိုက်ပါသွားခဲ့သည်အထိ နီး စပ်မှုရှိသူဖြစ်သည်။ နိုင်ငံတော် က ကျင်းပသည့် နိုင်ငံတကာအ ခမ်းအနားများတွင် ဦးတေဇပိုင်  ဟိုတယ်များက ဧည့်ခံကျွေးမွေး ရေးကိစ္စများ တာဝန်ယူလျက်ရှိ သည်။ ထို့ကြောင့် ၎င်းက အစိုးရ အဖွဲ့သိရှိစေရန် မီဒီယာမှတစ် ဆင့် ပြောဆိုခြင်းဖြစ်သည်ဟု ပြော ကြားခြင်းသည် ရည်ရွယ်ချက် တစ်စုံတစ်ရာရှိနိုင်ကြောင်း စီးပွား ရေးလုပ်ငန်းရှင်တစ်ဦးက ၎င်း၏ အမြင်ကို ပြောသည်။

‘‘နာမည်ယူတာပေါ့။ တစ် ထောင့်တစ်နေရာက မြန်မာပြည် ကောင်းကျိုးအတွက် ပါဝင်ခဲ့တယ် ဆိုတာမျိုးပေါ့’’ ဟု သတ္တုနှင့်သ ယံဇာတရေးရာကော်မတီ ဥက္ကဋ္ဌ တပ်မတော်အရာရှိဟောင်း ဦးလှ ဆွေက သုံးသပ်သည်။

တပ်မတော်အစိုးရလက် ထက်တွင် တပ်မတော်ထိပ်ပိုင်း ခေါင်းဆောင်များနှင့် ပေါင်း၍ ကြီးပွားချမ်းသာလာသူများအား မြန်မာပြည်သူများက ခရိုနီဟု နာ မည်ပေးထားကြသည်။ ထိုအထဲ တွင် ဦးတေဇလည်း ပါဝင်သည်။

ထို့ကြောင့် အချို့သော ခရိုနီ နာမည် တပ်ခံရသူများမှာ ဦးသိန်း စိန်အစိုးရလက်ထက်တွင် မိမိတို့ ၏ ပုံရိပ်ပြန်လည်ကောင်းမွန်လာ စေရန် ကြိုးစားလာကြသည်။ လူ မှုရေးလုပ်ငန်းများ လုပ်ကိုင်လာ ခြင်း၊ အလှူအတန်းများ ပြုလုပ် ခြင်းနှင့် လူထုခေါင်းဆောင် ဒေါ် အောင်ဆန်းစုကြည်အပါအ၀င် ဒီမိုကရေစီအင်အားစုများကို နည်းမျိုးစုံဖြင့် ပံ့ပိုးလာကြသည်။ ထို့ ကြောင့် အချို့သော ခရိုနီနာမည် တပ်ခံရသော စီးပွားရေးလုပ်ငန်း ရှင်ကြီးအချို့၏ ပုံရိပ် ပြန်လည် ကောင်းမွန်လာခဲ့သည်။

ဦးတေဇအနေဖြင့်လည်း ထူး ဖောင်ဒေးရှင်းတစ်ခုတည်ထောင် ကာ လူမှုရေးလုပ်ငန်းများ ပြန် လည်လုပ်ကိုင်နေသည်။ တစ်ချိန် က သူခုတ်ခဲ့သော သစ်တောများ နေရာတွင် သစ်ပင်များ ပြန်လည် စိုက်ပျိုးခြင်းလုပ်ငန်းအပါအ၀င်  ပညာရေး၊ ကျန်းမာရေးလုပ်ငန်း များ၊ အရေးပေါ်ကယ်ဆယ်ရေး လုပ်ငန်းများတွင် ကူညီမှုများ ပြု လုပ်လာခဲ့သည်။ အမျိုးသားဒီမို ကရေစီအဖွဲ့ချုပ် ပညာရေးကွန်ရက်သို့ ငွေလှူဒါန်းခြင်း၊ ခါကာဘိုရာဇီတောင်တက်ရာတွင် ပျောက်ဆုံးသွားသော တောင်တက်သမားနှစ်ဦးအား ဦးတေဇကိုယ်တိုင် ဦးစီးရှာဖွေခြင်းများ ပြုလုပ်ခဲ့သည်။

 ထို့ကြောင့် သမ္မတဦးသိန်းစိန်က ဂုဏ်ပြုချီးမြှင့်ခဲ့သော လူမှု၊ ၀န်းကျင်အကျိုးဆောင် အဖွဲ့အစည်း အချို့တွင် ထူးဖောင်ဒေးရှင်း ပါဝင်ခဲ့သည်။

ယူရေနီယံကို အမှန်တကယ် ရှာဖွေတွေ့ရှိခဲ့သည်ဆိုပါက သူ့ အနေဖြင့် အဆိုပါ သတ္တုတူးဖော် ရေးလုပ်ငန်းနှင့်ပတ်သက်၍ လုပ် ကိုင်ခွင့်ရရှိရန် ရည်ရွယ်ခြင်းလည်း ဖြစ်နိုင်သည်ဟု တိုင်းရင်းသား လက်နက်ကိုင်အဖွဲ့မှ ခေါင်း ဆောင်တစ်ဦးက ပြောသည်။

၎င်းအနေဖြင့်လည်း တပ်မ တော်အစိုးရနှင့် နီးစပ်ခဲ့သည့်အ ပြင် ရုရှားနိုင်ငံနှင့်ပါ အဆက်အ သွယ်ရှိသဖြင့် အဆိုပါ သတ္တုတူး ဖော်ရေးနှင့်ပတ်သက်၍ လုပ်ကိုင် ခွင့်တစ်စုံတစ်ရာ ရရှိနိုင်ရန် ရည် ရွယ်သည့် အနေအထားဟု အ ထက်ပါပုဂ္ဂိုလ်အချို့က ဆိုသည်။

‘‘သူ့အသက်အန္တရာယ် တောင် ပေးဆပ်ပြီး ရှာတွေ့ထား တယ်လို့ ပြောထားတာ။ သာမန် တော့မဟုတ်ဘူး။ ထုတ်လုပ်ခွင့် ပေါ်မူတည်ပြီး အကျိုးစီးပွားက ရှိ လာနိုင်တာပေါ့’’ ဟု ထိပ်တန်းစီး ပွားရေးလုပ်ငန်းရှင် တစ်ဦးက သုံးသပ်သည်။

ဦးတေဇအနေဖြင့် အမှန်တ ကယ် တွေ့ရှိပါက သူထုတ်လုပ်ခွင့်မရသည့်တိုင် ယူရေနီယံ ရောင်းချခြင်းနှင့်ပင် တိုင်းပြည်အတွက် အကျိုးများစွာရှိပြီး စွမ်းအင်ကဏ္ဍ၊ ပညာရေးကဏ္ဍနှင့် စိုက် ပျိုးရေးကဏ္ဍတို့တွင် ကျယ်ကျယ်ပြန့်ပြန့် အသုံးပြုနိုင်မည်ဖြစ်သည်။

ဗီဒီယိုမှတ်တမ်းများအရ ခါ ကာဘိုရာဇီတောင်ကြောတစ်နေ ရာတွင်လည်း အဆိုပါ ယူရေနီယံ သတ္တုထွက်ရှိနိုင်ဖွယ်ရှိသည့် နေ ရာအချို့ကို တွေ့ရှိထားပြီး ပွင့် လင်းရာသီ၌ သွားရောက်ရှာဖွေ မည်ဟု ဦးတေဇက ပြောကြားခဲ့ သေးသည်။

ထို့ကြောင့် ၎င်းအနေဖြင့် ယူ ရေနီယံ သတ္တုတွေ့ထားသည့်နေ ရာမှာ တစ်နေရာထက်ပိုနိုင်ပြီး အဖိုးတန်သတ္တုများကို ပြည်ပ နိုင်ငံများသို့ ရောက်ရှိသွားမည်ကို စိုးရိမ်၍ ထုတ်ဖော်ပြောခြင်းဖြစ် နိုင်ကြောင်း ဦးတေဇနှင့် နီးစပ်သူ အချို့က သုံးသပ်သည်။

လက်ရှိ မြန်မာနိုင်ငံ၌ တိုင်း ရင်းသားလက်နက်ကိုင်များ ထိန်း ချုပ်ထားသော နယ်မြေများတွင် ထွက်သော အဖိုးတန်သတ္တုဖြစ် သော မြေရှားသတ္တုခေါ် Rare Earth Materials သတ္တုအား တရုတ်နိုင်ငံမှ ဈေးပေါပေါဖြင့် ထုတ်ယူနေကြောင်း လေ့လာသူ အချို့က သုံးသပ်သည်။ အဆိုပါ သတ္တုမှာ ကချင်နှင့် ကရင်ပြည် နယ်တို့တွင် ထွက်ရှိနိုင်ကြောင်း ဘူမိဗေဒပညာရှင်တစ်ဦးက ပြော သည်။

သို့သော် ဦးတေဇ၏ ယူရေ နီယံဓာတ်သတ္တုတွေ့ရှိသည့် ပုံစံ ရေဒီယိုသတ္တိသင့်နေသည်ဟု ပြောဆိုခြင်းနှင့် ၎င်း၏ သတင်းစာ ရှင်းလင်းပွဲ ပြုလုပ်သည့်ပုံစံက တော့ ထူးခြားသည့်ပုံစံ ဖြစ်နေ သည်။ ပညာရှင်များနှင့် စီးပွား ရေးလုပ်ငန်းရှင်များကြား မည် သည့်ရည်ရွယ်ချက်ဖြင့် ထုတ်ဖော် ပြောဆိုသည်ကို နားမလည်နိုင် အောင်ဖြစ်နေကြသဖြင့် အမျိုးမျိုး ထင်ကြေးပေးနေကြခြင်း ဖြစ် သည်။

ထို့ကြောင့် ယခုကဲ့သို့ ဦးတေဇ၏ ယူရေနီယံသတ္တုရှာဖွေ တွေ့ရှိပြီး ရေဒီယိုဓာတ်သတ္တိသင့်နေသည် ဆိုသည့်အပေါ် ပညာရှင်အ သိုင်းအ၀ိုင်းတွင် ယခုကဲ့သို့ ပြော ဆိုနေကြောင်း စီးပွားရေးလုပ်ငန်း ရှင်တစ်ဦးက အောက်ပါအတိုင်း ပြန်ပြောသည်။

‘‘ဓမ္မစေတီခေါင်းလောင်း ရှာဖွေနေတာပြီးရင် ဒါက ဒုတိယ အရယ်ရဆုံး ဟာသပါပဲ’’


Credit - 7DAY DAILY