Sunday, July 27, 2014

အင်းတော်မြို့အ၀င်တွင် ဘိန်းဖြူ (၅၈)သိန်းဖိုး ဖမ်းဆီးရမိ.

၂၆၊၇၊၁၄ရက်နေ့ နေ့လည် (၂)နာရီအချိန်က စစ်ကိုင်းတိုင်းဒေသကြီး၊ အင်းတော်မြို့အ၀င် လမ်းတံတားအသုံးပြုခ ကောက်ခံရေးဂိတ် အနီးတွင် ဘိန်းဖြူဟုယူဆရသော အဖြူမှုန့်
စုစုပေါင်း (၅၈)ဂရမ် ဖမ်းဆီးရမိခဲ့ကြောင်း သတင်းရရှိပါသည်၊ ဖြစ်စဉ်မှာ မယတ စု(၆)ကသာမှာ ဒုရဲမှူးရန်နိုင်ထွန်းနှင့် မူးယစ်တပ်ဖွဲ့ဝင်များ၊ အင်းတော်မြို့မရဲစခန်းမှ
နယ်ထိန်း ဒုရဲအုပ် သောင်းစိန်ထွန်းနှင့် တပ်ဖွဲ့ဝင်များသည် အင်းတော်မြို့အ၀င် လမ်းတံတားအသုံးပြုခ ကောက်ခံရေးဂိတ်မှ စောင့်ဆိုင်း၍ ကသာမြိုဘက်မှ အင်းတော်မြို့သို့
စီးနင်းလာသော ကင်ဘို ၁၂၅ဆိုင်ကယ်အနက်အား စစ်ဆေးရာ စီးနင်းလာသူမှာ မောင်လွင် (၃၅)နှစ် (ဘ)ဦးသန်းညွန့် ဆင်ကုန်းကျေးရွာ၊ကသာမြို့နယ် နေထိုင်သဖြစ်ကြောင်းသိရှိရပြီး
ဆိုင်ကယ်တူးဘေက်အား ဖွင့်၍ စစ်ဆေးရာ love is flowerစာတမ်းပါ ဆပ်ပြာခွက်များအတွင်း ခွဲထည့်ထားသော အဖြူမှုန့်စုစုပေါင်း အလေးချိန် (၅၈)ဂရမ် တွေ့ရှိ ဖမ်းဆီးနိုင်ခဲ့ခြင်း ဖြစ်ပါသည်၊
ထိုအမှုနှင့်ပတ်သက်၍ တရားခံအား အင်းတော်ရဲစခန်းမှ ညနေ (၄)နာရီ(၄၅)မိနစ်အချိန်တွင် မယ(ပ)၂၃/၂၀၁၄ဖြင့်တိုင်ချက်ရေးသွင်းပြီး မူးယစ်စေတတ်သည့် စိတ်ကိုပြောင်းလဲစေနိုင်သော ဆေးဝါးများဆိုင်ရာဥပဒေပုဒ်မ ၁၅/၁၉(က)/၂၁
တို့ဖြင့် အမှုဖွင့် အရေးယူထားကြောင်း သိရှိရပါသည်။


(ဟာဂျူလီ-ကသာ)

No comments:

Post a Comment