ဘာသာရေး ပဋိပက္ခ ဖြစ်စဉ်များတွင် ပါဝင်ကျူးလွန်သူ ၂၀၀၀ ခန့် လွတ်မြောက်နေ

၂၀၁၂ ခုနှစ်မှ ၂၀၁၄ ခုနှစ်အထိ မြန်မာနိုင်ငံအတွင်း ဖြစ်ပွားခဲ့သော လူမျိုးရေး၊ ဘာသာရေး ပဋိပက္ခ ဖြစ်စဉ်များတွင် ပါဝင်ကျူးလွန်သူ ၂၀၀၀ ခန့် လွတ်မြောက်နေ
၂၀၁၂ ခုနှစ်မှ ၂၀၁၄ အထိ မြန်မာနိုင်ငံအတွင်း ဖြစ်ပွားခဲ့သော လူမျိုးရေး၊ ဘာသာရေး ပဋိပက္ခ ဖြစ်စဉ်များတွင် ကျူးလွန်သူ ၂၀၀၀ ခန့်မှာ လွတ်မြောက်လျက်ရှိနေသည်ဟု မြန်မာနိုင်ငံ ရဲတပ်ဖွဲ့မှ စုံစမ်းသိရှိရသည်။
ကျူးလွန်သူ ၂၀၀၀ ခန့်ကို တရားခံပြေးအဖြစ် သတ်မှတ်ကာ ရှာဖွေလျက်ရှိနေသော်လည်း ၂၀၁၂ ခုနှစ် ဖေဖော်ဝါရီလက ရခိုင်ပြည်နယ်အတွင်း ဖြစ်ပွားခဲ့သော လူမျိုးရေးပဋိပက္ခ ဖြစ်စဉ်မှ ကျူးလွန်သူ ၁၀၀၀ ကျော်ကိုပင် ဖမ်းဆီးနိုင်မှု မရှိသေးကြောင်း သိရသည်။
အစိုးရသစ် ဖြစ်ပေါ်လာခဲ့ပြီး နှစ်နှစ်ခန့်အကြာတွင် မြန်မာနိုင်ငံအတွင်း၌ လူမျိုးရေး၊ ဘာသာရေးအသွင်ဆောင် ပဋိပက္ခဖြစ်စဉ်များ ဆက်တိုက်ဖြစ်ပွားလျက်ရှိပြီး ရခိုင်ပြည်နယ်၊ စစ်ကိုင်း၊ မန္တလေး၊ ရန်ကုန်၊ ရှမ်းပြည်နယ်နှင့် ပဲခူး အစရှိသည့် မြို့ကြီးများတွင် ဖြစ်ပေါ်လာခဲ့ခြင်း ဖြစ်သည်။
ရခိုင်ပြည်နယ်မှာ လူမျိုးရေး ပဋိပက္ခဖြစ်ပွားမှု အကြိမ်များပြားခဲ့ရာ အမှုပေါင်း ၃၂၆ မှုမှ တိုင်းရင်းသား ၃၄၃ ဦးနှင့် ဘင်္ဂါလီ ၉၇၃ ဦးကို ထိန်းသိမ်းအရေးယူခဲ့ပြီး တရားခံပြေး တိုင်းရင်းသား ၂၅၂ ဦးနှင့် ဘင်္ဂါလီ ၁၁၄၈ ဦးအထိ ရှိနေသည်။
လက်ရှိအချိန်ထိ ရခိုင်ပြည်နယ် ပဋိပက္ခ ဖြစ်စဉ်များအနက် တရားရုံးနှင့် ရဲတပ်ဖွဲ့က စစ်ဆေးဆဲ ၆၁ မှု ကျန်ရှိနေပြီး နောက်ကွယ်မှ ကြိုးကိုင်သူ ရှိ၊ မရှိ စုံစမ်းဖော်ထုတ်လျက်ရှိကြောင်း မြန်မာနိုင်ငံ ရဲတပ်ဖွဲ့မှ တာဝန်ရှိသူတစ်ဦး၏ ပြောကြားချက်အရ သိရသည်။
မြန်မာနိုင်ငံရဲတပ်ဖွဲ့မှ တာဝန်ရှိသူတစ်ဦးက “တိုင်းရဲတပ်ဖွဲ့တွေကနေ စီမံပြီးတော့ ဖြစ်ပွားခဲ့တဲ့၊ ဖြစ်ပွားနေတဲ့ ပဋိပက္ခဖြစ်စဉ်တွေရဲ့ ကျူးလွန်သူကို ဖမ်းဆီးဖို့ ကြိုးပမ်းနေပါတယ်။ ကျွန်တော်တို့ကလည်း ဖမ်းဆီးရမိတဲ့သူတွေရဲ့ နောက်ကွယ်မှာ ဘာတွေရှိလဲ၊ ဘယ်သူတွေက ဒီလိုလုပ်ဆောင်တာလဲဆိုတာ သိအောင်ကြိုးပမ်းမှုတွေတော့ လုပ်ဆောင်နေပါတယ်” ဟု ဖြေရှင်းပြောကြားသည်။
သို့သော်လည်း မြန်မာနိုင်ငံအတွင်း ဖြစ်ပွားခဲ့သော ပဋိပက္ခ ဖြစ်စဉ်များအတွင်း ဖမ်းဆီးအရေးယူနိုင်သူ အရေအတွက်ထက် ထွက်ပြေးတိမ်းရှောင်နိုင်သူများမှာ ထက်ဝက်အချိုးခန့် ကွာဟနေသည့်အပြင် သာမန်လူမှုရေး၊ လူမျိုးရေး ပဋိပက္ခ အသွင်များအဖြစ် အဖြေများသာ ထွက်ရှိနေသည်ဟု သတ်မှတ်နိုင်သေးသည်။
၂၀၁၂ ခုနှစ် မတ် ၃ ရက်က လက်ပံတောင်းပဋိပက္ခ ဖြစ်စဉ်၌လည်း ၁၂ ဦးကိုသာ ဖမ်းဆီးအရေးယူနိုင်ခဲ့ပြီး ၃၆၂ ဦးမှာ လွတ်မြောက်နေကြောင်း၊ ယင်းဖြစ်စဉ်နှင့် တစ်နှစ်ခန့်အကြာတွင် မိတ္ထီလာ၌ လူမျိုးရေးပဋိပက္ခဖြစ်စဉ် ပြန်လည်ဖြစ်ပွားခဲ့ကာ သေဆုံးသူ ၈၂ ဦးရှိခဲ့ပြီး အမှုပေါင်း ၄၉ မှုမှ ၈၁ ဦးမှာ ထွက်ပြေးတိမ်းရှောင်လျက်ရှိသည်။
ယင်းနောက် ပဲခူး၊ ရန်ကုန်မြို့ကြီးများတွင် ပဋိပက္ခဖြစ်စဉ်များ ဆက်တိုက်ဖြစ်ပွားခဲ့ပြီး တရားရုံးနှင့် ရဲတပ်ဖွဲ့မှ စစ်ဆေးဆဲ ၁၈ မှုမှ ပါဝင်ကျူးလွန်သူ ၉၉ ဦးကို ဖမ်းဆီးနိုင်မှု မရှိသေးကြောင်း၊ လားရှိုးမြို့၌ ဖြစ်ပွားခဲ့သော ပဋိပက္ခဖြစ်စဉ်အရ ၆ မှုမှ တရားခံပြေး ၁၈ ဦး ရှိနေသည်ဟု မြန်မာနိုင်ငံ ရဲတပ်ဖွဲ့၏ ပဋိပက္ခဖြစ်စဉ်များကို ပြုစုထားသော စာရွက်စာတမ်းများမှ ဖော်ပြထားသည်။
မြန်မာနိုင်ငံ ရဲတပ်ဖွဲ့၏ ပဋိပက္ခဖြစ်စဉ်များကို ပြုစုထားသော စာရင်းများအရ တစ်နှစ်လျှင် နှစ်ကြိမ်မှ သုံးကြိမ်အထိ ဖြစ်ပွားလျက်ရှိပြီး ၂၀၁၄ ခုနှစ်၊ ဇူလိုင် ၁ ရက်က မန္တလေးမြို့၌ ပဋိပက္ခ ပြန်လည်ဖြစ်ပွားခဲ့ပြီး အဓိကကျူးလွန်သူများ အပါအ၀င် ဖြစ်စဉ်အတွင်း ပါဝင်ခဲ့သူ အများစုကို ဖမ်းဆီးနိုင်ရန် ကြိုးပမ်းနေဆဲပင်ဖြစ်ကြောင်း သိရသည်။