ပြန်ကြားရေးနှင့် ကျန်းမာရေးဝန်ကြီးဌာနများတွင် ဦးရဲထွဋ်နှင့် ဒေါက်တာသန်းအောင်တို့အား ပြည်ထောင်စုဝန်ကြီးများအဖြစ်ခန့်အပ်နိုင်ရန် သမ္မတက လွှတ်တော်သို့ သ၀ဏ်လွှာပေးပို့

ပြန်ကြားရေးနှင့် ကျန်းမာရေးဝန်ကြီးဌာနများတွင် ပြည်ထောင်စုဝန်ကြီးများခန့်အပ်နိုင်ရန်အတွက် နိုင်ငံတော်သမ္မတက ပြည်ထောင်စုလွှတ်တော်နာယကထံ ဇူလိုင် ၂၉ ရက်ရက်စွဲဖြင့် သ၀ဏ်လွှာပေးပို့ခဲ့သည်။
ပြန်ကြားရေးဝန်ကြီးဌာန ပြည်ထောင်စုဝန်ကြီးအဖြစ် ဦးရဲထွဋ်၊ ကျန်းမာရေးဝန်ကြီးဌာန ပြည်ထောင်စုဝန်ကြီးအဖြစ် ဒေါက်တာသန်းအောင်တို့အား ခန့်အပ်နိုင်ရန်အတွက် ပြည်ထောင်စုလွှတ်တော် သဘောတူညီချက်ရယူပေးနိုင်ရန်အတွက် ပေးပို့ခြင်းဖြစ်ကြောင်း သိရသည်။
ပြန်ကြားရေးဝန်ကြီးဌာန ပြည်ထောင်စုဝန်ကြီးအဖြစ် အမည်စာရင်းတင်သွင်းခံရသော ဦးရဲထွဋ်သည် ၂၀၀၅ ခုနှစ်တွင် တပ်မတော်မှ အရပ်ဘက်အုပ်ချုပ်ရေးဘက်သို့ ပြောင်းရွှေ့တာဝန်ထမ်းဆောင်ခဲ့ရသူတစ်ဦးဖြစ်သည်။ ပြန်ကြားရေးဝန်ကြီး ဦးကျော်ဆန်းလက်ထက်တွင် ပြန်ကြားရေးနှင့် ပြည်သူ့ဆက်ဆံရေးဦးစီးဌာန၌ ညွှန်ကြားရေးမှူးချုပ်အဖြစ် တာဝန်ထမ်းဆောင်ခဲ့ပြီးနောက် သမ္မတဦးသိန်းစိန်လက်ထက်တွင် ပြန်ကြားရေးဝန်ကြီးဌာန ဒုတိယ၀န်ကြီးတာဝန်ရရှိခဲ့သူဖြစ်သည်။
ယခင်အစိုးရလက်ထက် ပြန်ကြားရေးဝန်ကြီးဌာနမှ ၀န်ကြီးဦးကျော်ဆန်းနှင့် ဒုတိယ၀န်ကြီးများ အခြားဝန်ကြီးဌာနအသီးသီးသို့ ရောက်ရှိသွားချိန်၌ ဦးရဲထွဋ်က တစ်ဆင့်မြင့်ရာထူးဖြင့် သမ္မတဦးသိန်းစိန်အနီးသို့ရောက်လာသူဖြစ်သည်။ ၂၀၁၃ ခုနှစ် ဇန်န၀ါရီ ၈ ရက်နေ့က ဦးရဲထွဋ်ကို သမ္မတပြောရေးဆိုခွင့်ရှိသူအဖြစ် တာဝန်ပေးလိုက်ခြင်းက သမ္မတဦးသိန်းစိန်နှင့် ဦးရဲထွဋ်တို့၏နီးစပ်မှုကို ပိုမိုပေါ်လွင်စေခဲ့သည်။
နိုင်ငံတကာမီဒီယာများက Facebook ၀န်ကြီးဟုခေါ်ဝေါ်ခဲ့သော ဦးရဲထွဋ်သည် လူမှုကွန်ရက်စာမျက်နှာ Facebook ကို နေ့စဉ်နီးပါးသုံးစွဲသူဖြစ်ပြီး ပုဂ္ဂိုလ်ရေးအကြောင်းအရာများနှင့် အစိုးရ၏သဘောထား၊အမြင်၊ ဖြေရှင်းချက်များကို တစ်နေရာတည်း ရောထွေးရေးသားလေ့ရှိသည့် ဦးရဲထွဋ်၏ Facebook မှ ရေးသားချက်များမှာလည်း မေးခွန်းထုတ်စရာများ ဖြစ်စေခဲ့သည်။
မီဒီယာပိုင်းနှင့်ပတ်သက်ပြီး ပုဂ္ဂလိကမီဒီယာများ၏အမှားများအား စောင့်ကြည့်ပြောဆိုလေ့ရှိကာ ဂျာနယ်လစ်များအား ကျင့်ဝတ်ပိုင်းအားနည်းသည်ဟုဆိုကာ ဝေဖန်လေ့ရှိသည်။
အခြားတစ်ဖက်တွင်မူ အစိုးရပိုင်မီဒီယာများ၏အကျိုးစီးပွားကိုကာကွယ်ရာ၌ ထိပ်ဆုံးမှရပ်တည်ခဲ့သူဖြစ်သည်။ ဥပမာအားဖြင့် အစိုးရပိုင်မီဒီယာများကို ကာကွယ်ရန်ဖြစ်သော အများပြည်သူဝန်ဆောင်မှု မီဒီယာဥပဒေကိုပြဋ္ဌာန်းနိုင်ရန် ရှေ့တန်းမှကြိုးပမ်းခဲ့သူဖြစ်ပြီး ပုဂ္ဂလိကဂျာနယ်လစ်များနှင့် သတင်းလွတ်လပ်ခွင့်ကို လွှမ်းမိုးချုပ်ကိုင်နိုင်သည့် ပုံနှိပ်ခြင်းနှင့်ထုတ်ဝေခြင်း လုပ်ငန်းမီဒီယာဥပဒေပေါ်ထွက်လာရေးတွင်လည်း ဦးဆောင်ခဲ့သူဖြစ်သည်။
ဦးရဲထွဋ်နှင့်ပတ်သက်ပြီး ထင်ရှားခဲ့သည့်အချက်တစ်ခုမှာ အင်တာနက်ပေါ်၌ အမည်မဖော်ဘဲ အပုပ်ချစာများaရးသားနေသူ ဒေါက်တာဆိတ်ဖွားသည် ဦးရဲထွဋ်ဖြစ်သည်ဟူသော စွပ်စွဲချက်များပေါ်ပေါက်ခဲ့ခြင်းဖြစ်သည်။ လွှတ်တော်ကိုပုတ်ခတ်စော်ကားသည်ဟုဆိုကာ ၂၀၁၃ ခုနှစ် နှစ်ဆန်းပိုင်းက စုံစမ်းရေးကော်မရှင်ဖွဲ့စစ်ဆေးခဲ့ရသည့် Voice of Myanmar ဘလော့နှင့် ဘလော့ရေးသူဒေါက်တာဆိတ်ဖွားသည် ဦးရဲထွဋ်ဖြစ်ကြောင်း ပြောကြားမှုများရှိခဲ့သည်။ ဒေါက်တာဆိတ်ဖွားသည် ဒေါ်အောင်ဆန်းစုကြည်အား အပုပ်ချတိုက်ခိုက်ရေးသားသည့်စာများအား သုံးနှစ်ကြာ ဆက်တိုက်ရေးသားခဲ့သူဖြစ်သည်။
ဒေါက်တာဆိတ်ဖွားအားစုံစမ်းစစ်ဆေးရာ၌ လွှတ်တော်စုံစမ်းရေးကော်မရှင်က ဦးရဲထွဋ်ကို ခေါ်ယူမေးမြန်းမှုပြုလုပ်ခဲ့ရာ ဒေါက်တာဆိတ်ဖွားမဟုတ်ကြောင်း ဦးရဲထွဋ်ကငြင်းဆိုခဲ့သည်။
ဒေါက်တာဆိတ်ဖွား မည်သူမည်ဝါကိုဖော်ထုတ်ရန်အတွက် ဖွဲ့စည်းခဲ့သော လွှတ်တော်စုံစမ်းရေးကော်မရှင်၏ အပြီးသတ်အစီရင်ခံစာအရ ဒေါက်တာဆိတ်ဖွားမည်သူဆိုသည်ကို အတိအကျပြောဆိုခဲ့ခြင်းမရှိသော်လည်း "ဒေါက်တာဆိတ်ဖွား၏လုပ်ဆောင်မှုသည် အမှောင်ထဲကခဲဖြင့်ပေါက်ခြင်းသာဖြစ်နေပြီး အမှန်တရားကို တာဝန်ယူရင်ဆိုင်ဖြေရှင်းရဲသူမဟုတ်ဟု ယူဆကြောင်း" ပြည်ထောင်စုလွှတ်တော်နာယက ဦးခင်အောင်မြင့်က ပြောကြားခဲ့သည်။
သို့သော် စုံစမ်းစစ်ဆေးရေးကော်မရှင်၏အစီရင်ခံစာအရ ဒေါ်အောင်ဆန်းစုကြည်နှင့် ဒီမိုကရေစီအင်အားစုများကိုဝေဖန်ပြီး အစိုးရမူဝါဒများကောင်းကြောင်း ၀ါဒဖြန့်ချိရေးလုပ်ခဲ့သည့် ပိတောက်မြေရေဒီယိုမှာ ပြန်ကြားရေးဝန်ကြီးဌာနမှ သီးသန့်လုပ်ကိုင်ခဲ့ခြင်းဖြစ်ကြောင်း ပေါ်ပေါက်ခဲ့သည်။ အစီရင်ခံစာအရ ပိတောက်မြေရေဒီယိုကို ပြန်ကြားရေးဝန်ကြီးဟောင်းဦးကျော်ဆန်းမှ တိုက်ရိုက်ကိုင်တွယ်ခဲ့ပြီး အသံထုတ်လွှင့်ချက်ရေးသားသူများထဲတွင် ဦးကိုကိုလှိုင်နှင့် ဦးရဲထွဋ်လည်းပါဝင်ခဲ့ကြောင်း သိရသည်။
ဦးရဲထွဋ်သည် ဖွဲ့စည်းပုံအခြေခံဥပဒေ ပုဒ်မ ၄၃၆ ပြင်ဆင်ရေးနှင့်ပတ်သက်သည့် ဟောပြောမှုများပြုလုပ်နေသော ဒေါ်အောင်ဆန်းစုကြည်၏ပြောဆိုမှုများအား ကလေးဆန်သည်ဟု တရားဝင်မှတ်ချက်ပြု ပြောဆိုခဲ့ဖူးသည်။
ပြီးခဲ့သည့် ဇွန်လအတွင်းက ဦးရဲထွဋ်၏ဇနီးသည် ဒေါ်ခင်စန္ဒာထွန်းက ၎င်း၏ Facebook စာမျက်နှာ၌ ဒေါ်အောင်ဆန်းစုကြည်အား ပုဂ္ဂိုလ်ရေးအပုပ်ချထားသည့် ဓာတ်ပုံတုတစ်ပုံကို Share ခဲ့သဖြင့် ထိုကိစ္စရပ်အပေါ် ဦးရဲထွဋ်က ၎င်း၏ Facebook မှတစ်ဆင့် ပြန်လည်တောင်းပန်ခဲ့ရဖူးသည်။
ဦးရဲထွဋ်နည်းတူ ကျန်းမာရေးဝန်ကြီးအဖြစ် အမည်စာရင်းတင်သွင်းခံရသော ဒေါက်တာသန်းအောင်(အငြိမ်းစားဗိုလ်ချုပ်)သည် ဆေးဝန်ထမ်းတပ်ဖွဲ့တွင် ညွှန်ကြားရေးမှူး တာဝန်ထမ်းဆောင်ခဲ့သူဖြစ်ပြီး အစိုးရသစ်လက်ထက်၌ နေပြည်တော်ကောင်စီအဖွဲ့ဝင်အဖြစ်လည်းကောင်း၊ ထိုမှတစ်ဆင့် ၂၀၁၃ ခုနှစ် ဇူလိုင်လတွင် ကျန်းမာရေးဝန်ကြီးဌာန ဒုတိယ၀န်ကြီးတာဝန် ပေးအပ်ခံရသူဖြစ်သည်။ ဒေါက်တာသန်းအောင်သည် ဦးသန်းရွှေ (အငြိမ်းစားဗိုလ်ချုပ်မှူးကြီး)နှင့်နီးစပ်သူတစ်ဦးဖြစ်ကြောင်း သိရသည်။