တိုင်းပြည်နာအောင် ထပ်မလုပ်ကြပါနဲ့တော့

 

မန်းလေး ပဋိပက္ခဖြစ်ပွားစေခဲ့သော မုဒိမ်းမှုမှာ လိမ်ညာတိုင်ကြားခြင်းဖြစ်ပါတယ်တဲ့။ ကဲ ပြီးရောဗျာ . ..
ဘာပြောရမှန်းတောင်မသိတော့အောင် အံ့သြမင်တက်မိပါတယ်။ ဒီလောက်တိုးတက်နေတဲ့ ဆေးပညာခေတ်ထဲမှာ ယခုမုဒိမ်းမှုဟာ လိမ်ညာတိုင်တန်းမှုဖြစ်တယ်လို့ ပြဿနာဖြစ်ပြီး (၂၁) ရက် ကြာမှပြည်သူတွေကို ဘာလို့ အသိပေးနိုင်ခဲ့ရတာလဲ
ဆိုတာစဉ်းစားမရဖြစ်နေပါတယ်။ အဲ့ဒီအချိန်ကသာ ချက်ချင်းစစ်ဆေးပြီး လိမ်ညာတိုင်ကြားခြင်းသားဖြစ်ပါတယ်လို့သာ ပြည်သူတွေကို အချိန်မှီအသိပေးနိုင်ခဲ့ရင် အခုလောက်ထိ ဆိုးဆိုးဝါးဝါး
အဖြစ်အပျက်တွေလာမှာမဟုတ်ပါဘူး။

ခုတော့မန်းလေးမြို့ကြီးက ပေးဆပ်လိုက်ရတာတွေက အများကြီးဗျ။ အပြစ်မဲ့ ပြည်သူနှစ်ဦး အသက်ပေးလိုက်ရပြီး မိသားစုနှစ်ခုအသိုက်မြုံပျက်ဆီးခဲ့ရတယ်။ နှစ်ပေါင်းများစွာ ချစ်ကြည်ရင်းနှီးစွာ အတူလက်တွဲနေထိုင်လာတဲ့
မြို့ခံဘာသာခြားနှစ်ခုကြား ခင်မင်မှု၊ ယုံကြည်မှုတွေပျက်စီးသွားရတယ်။
မြန်မာယဉ်ကျေးမှုမြို့ရဲ့ ယဉ်ကျေးမှုပုံရိပ်တွေ ပျက်စီးသွားခဲ့ရတယ်။ လူမူရေး စီးပွားရေး အစစအရာရာ အားလုံးပျက်စီးကုန်ရပါတယ်။ ခုဆိုရင် ပုဒ်မ ၁၄၄ ထုတ်ထားလို့ စီးပွားရေးကျပ်တည်းမှုများရှိလားပြီးလက်လုပ်လက်စားတွေဟာ
စားဝတ်နေရေးအတွက် အတော်ဒုက္ခရောက်နေကြ၇ပါတယ်။

ဖြစ်ပြီးခဲ့တာကတော့ ဖြစ်ပြီးသွားခဲ့ပါပြီ ဒါပေမယ့် မြို့ခံတွေနဲ့ ပြည်သူတွေအာလုံးသိချင်နေတာက ဒီလိမ်လည်တိုင်ကြားမှုကနေဖြစ်ပေါ်လာတဲ့ ရာဇ၀တ်မှုအပေါ်မှာ အသုံးချပြီး ဘာသာခြားနှစ်ခုကြား ပဋိပက္ခဖြစ်အောင်
ဘယ်သူတွေလုပ်ခဲ့တာလဲ။ မန်းလေးမြို့သမိုင်းကိုအကျဉ်းတန်သွားအောင် ရည်ရွယ်ချက်ရှိရှိလုပ်သွားခဲ့တဲ့ တရားခံအစစ်အမှန်တွေကို ဖော်ထုတ်အရေးယူပေးဖို့ အားလုံးကအလိုရှိနေကြပါတယ်။

ယခုပဋိပက္ခကို ရည်ရွယ်ချက်ရှိရှိနဲ့လုပ်ခဲ့တယ် ဆူပူအောင်လုပ်တဲ့ လူတွေဟာလည်း မန်းလေးမြို့ခံတွေမဟုတ်ဘူးဆိုတာကို
နိုင်ငံတော်လူကြီးမင်းများကိုယ်တိုင်က ပြောဆိုခဲ့ပါတယ်။ ဒါဆိုရင် ဒီပဋိက္ခဖြစ်အောင်လုပ်တဲ့သူတွေ၊ နောက်ကွယ်က ကြိုးကိုင်တဲ့သူတွေကို ဖော်ထုတ်ပေးဖို့ လိုအပ်ပါတယ်။ ယခုလူသတ်မှုမှာ ပါဝင်ကျူးလွန်တဲ့ သူတွေကို
ဖမ်းမိထားတယ်လို့ပြောပါတယ်။ ကောင်းပါတယ်။ ဒါပေမယ့် ဒီထက်အရေးကြီးတာက ဒီပဋိပက္ခကို မဖြစ်ဖြစ်အောင် ဖန်းတီးခဲ့တဲ့၊ နောက်ကွယ်က ဖန်းတီးခိုင်းခဲ့တဲ့ တရားခံအစစ်တွေကို ဖော်ထုတ်အရေးယူပေးဖို့က ကျွန်တ်ာတို့နိုင်ငံအတွက် အမှန်တကယ်အရေးကြီးနေပါတယ်။

ဘာလို့လဲဆိုတော့ ယခုကိစ္စမှာ မန်းလေးမြို့မှာ ပဋိပက္ခမဖြစ် ဖြစ်အောင်လုပ်ခဲ့ပေမယ့် သူတို့ရဲ့ရည်ရွယ်ချက် မအောင်မြင်ခဲ့ပါဘူး။
ရှေးကတည်းက အေးတူပူအမျှနေလာခဲ့တဲ့ မန်းလေးမြို့ခံတွေရဲ့ စုစည်းမှု ချစ်ခင်ရင်နှီးမှုတွေကို သူတို့ သွေးခွဲလို့မရခဲ့ပါဘူး။ သူတို့
မန်းလေးမြို့မှာ မအောင်မြင်ခဲ့ရတော့ ကျန်တဲ့ မြို့က ပြည်သူတွေက ဒို့မြို့အလှည့်ဘယ်တော့ရောက်မှာလဲဆိုပြီး ဘုရားတနေရပါတယ်။ နောက်တစ်နေရာ ထပ်လုပ်ကြအုံးမယ်ဆိုတဲ့အသိက ပြည်သူတွေရဲ့အသိစိတ်မှာ ကိန်းအောင်းနေပြီး
ကိုယ့်မြို့အလှည့် မရောက်ပါစေနဲ့ ဆုတောင်းနေကြရပါတယ်။

၂၀၁၂ ဇွန်လမှာ ရခိုင်ပြည်နယ်က စတင်ဖြစ်ပွားခဲ့တဲ့ လူမျိုးရေးပဋိပက္ခဟာ မြန်မာနိုင်ငံအလယ်ပိုင်း မိတ္ထီလာသို့ ကူးစက်ခဲ့ပြီး နောက် ပဲခူးတိုင်းအနောက်ခြမ်း၊ ရန်ကုန်တိုင်း ဥက္ကံ၊ ရှမ်းပြည်နယ်မြောက်ပိုင်းလာရှိုး၊ စစ်ကိုင်းတိုင်းကံဘလူ နောက် ဧရာဝတီတိုင်း ဒေသအချို့ကို ပျံ့နှံခဲ့ပြီး ခုဆိုရင်မြန်မာနိုင်ငံအလယ်ပိုင်းက ယဉ်ကျေးမှု မြို့တော်ကြီးဖြစ်တဲ့ မန်းလေးမြို့ကိုရောက်ရှိလာခဲ့ပါပြီ။

အထက်ပါဖြစ်စဉ်တွေအားလုံးကို ခြုံကြည့်ရင် ဘာသာရေးပဋိပက္ခဖြစ်ပွားမှုတွေဟာ လူအုပ်စုတစ်ခု အဖွဲ့အစည်းတစ်ခုကနေ ရည်ရွယ်ချက်ရှိရှိ ဖန်တီးနေတယ်ဆိုတာသိသာပါတယ်။ အစိုးရလူကြီးမင်းများကိုယ်တိုင်က
ဖြစ်စဉ်အားလုံးတိုင်းမှာ နောက်ကွယ်က ကြိုးကိုင်သူရှိတယ်၊ ဘယ်ကမှန်းမသိတဲ့ သွေးဆူနေတဲ့လူအုပ်ကြီးကလုပ်တာဆိုပြီး အမြဲပြောခဲ့ပါတယ်။ ဒါပေမယ့် ဖြစ်စဉ်အားလုံးမှာ ထိရောက်စွာထိန်းသိမ်းနိုင်မှုမရှိခဲ့သလို၊
လက်သည်တရားခံအစစ်ကိုလည်း ဖော်ထုတ်မပေးနိုင်ခဲ့ပါဘူး။ ၂၀၁၂ ခုနှစ်ကနေ ၂၀၁၄
ခုနှစ်ထိ ဘာသာရေး၊ လူမျိုးရေး ပဋိပက္ခဖြစ်စဉ်တွေမှာ ပါဝင်ကျူးလွန်ခဲ့သူ ၂၀၀၀ ခန့် ဒီနေ့ထိ လွတ်မြောက်နေပါသေးတယ်လို့ သိရှိရပါတယ်။ ဆူပူမှုဖြစ်အောင် ဖန်တီးလှုံ့ဆော်နေသူများကိုလည်း ယနေ့ထိ ဖော်ထုတ်အရေးယူဆောင်ရွက်မှု၊ တာဆီးမှုတွေလုပ်ဆောင်နိုင်တာ လုံးဝမရှိသေးပါဘူး။ ဒီလိုအရေးယူတာဆီးမှု မပြုလုပ်နိုင်ခြင်းဟာ ဦးသိန်းစိန်အစိုးရရဲ့
အရည်အချင်းကိုဖော်ထုတ်ပြသနေသလိုဖြစ်ပြီး ပြည်သူတွေဟာလည်း အစိုးရပေါ်မှာ ယုံကြည်အားကိုးမှု တဖြည်းဖြည်းကျဆင်းလာတာ တွေ့ရပါတယ်။

ဒီလိုပဋိပက္ခတွေဆက်တိုက် သိသိသာသာဘယ်အချိန်ကစဖြစ်လာသလဲဆိုရင် အစိုးရသစ်လက်ထက် ကြားဖြတ်ရွေးကောက်ပွဲတွင် NLD ပါတီက ရာခိုင်းနှုန်းပြည့်နီးပါးအနိုင်ရရှိချိန်ကစပြီး ဖြစ်ပေါ်လာတာတွေ့ရပါတယ်။
ယခုဖြစ်စဉ်မှာလည်း ပြည်သူတွေဟာ ပုဒ်မ ၄၃၆ ပြင်ဆင်ရေးအတွက် အရှိန်မြင့်လာချိန်မှာ ဒီဘာသာရေး ပဋိပက္ခပေါ်ပေါက်လာတာတွေ့ရပါတယ်။ ဒါကြောင့်အဖွဲ့စည်းတစ်ခုကနေပြီး နောက်ကြောင်းပြန်လှည့်ဖို့အတွက်
တိုင်းပြည်ဆူပူမှုမဖြစ်ဖြစ်အောင် လုပ်ပြီး စစ်တပ်က အာဏာပြန်မသိမ်း သိမ်းအောင်တွန်းပို့နေသလို့ဖြစ်နေပါတယ်။

အစိုးရသစ် ၄ နှစ်သက်တမ်းရောက်တဲ့အထိ တိုင်းပြည်ဟာ ရှေ့ကိုလုံးဝမရောက်ခဲ့ပါဘူး။ ပြည်သူတွေဟာလည်း ခုထိဆင်းရဲတွင်းက ရုန်းမထွက်နိုင်သေးပါဘူး။ တိုင်းပြည်ဟာလည်း ပြဿနာပေါင်းသောင်းခြောက်ထောင်နဲ့ ခရီးဆက်နေရပါတယ်။ ဒီလိုအချိန်မှာ ရေနစ်ရာကို ၀ါးကူထိုးနေတဲ့ ဒီပဋိပက္ခအကြမ်းဖတ်မှုတွေကြောင့် ပြည်သူတွေရဲ့
အသက်အိုးအိမ်စည်းစိမ်တွေပျက်စီးခဲ့ရတယ်၊ လူမှုဘ၀တွေထိခိုက်ပျက်စီးလာပြီး တိုင်းပြည်ဟာ အရင်စစ်အာဏာရှင်လက်ထက်
ထက်တစ်နေ့တခြားပိုဆိုးဝါးလာတာတွေ့ရပါတယ်။

ဒါကြောင့် သမ္မတကြီး ဦးသိန်းစိန်အစိုးရကို ပြည်သူအားလုံးကိုယ်စားပြောချင်တာက ဒီလိုနောက်ကြောင်းပြန်လှည့်အောင်
လုပ်နေတဲ့ တိုင်းပြည်ဆူပူမှုဖြစ်အောင်လုပ်နေတဲ့ အဖွဲအစည်းတွေ လူ၊ ရဟန်းတွေကို ဖော်ထုတ်အရေးယူပေးပါ။ တိုင်းပြည်ထပ်နာအောင်မလုပ်ကြပါနဲ့တော့ ပြည်သူတွေကို လည်း သနားကြပါအုံး။ လက်ကျန် သက်တမ်းလေးမှာတော့
တိုင်းပြည်ကောင်ကျိုးအတွက် တက်နိုင်သလောက်လုပ်သွားကြပါအုံး။ နောက်မကျသေးပါဘူး။ လက်ကျန်အချိန်လေးမှာတော့ ပြည်သူတွေရဲ့ ဆဲသံတွေအစား လက်ခုပ်သံတွေယူသွားကြပြီး အပြုံးနဲ့နှုတ်ဆက်နိုင်ဖို့ လုပ်ကြပါတော့လို့ ပြောကြားလိုပါတယ် . . .
 

ကျော်ကြီး(MDY)
မှတ်ချက် - မန္တလေး ညမထွက်ရအမိန့်ကို လက်ရှိတွင် ည ၁၀ နာရီ မှ နံနက် ၃ နာရီအထိ လျော့ချထားသည်။