ကရင်ပြည်နယ် အာရှလမ်းမကြီး၏ မြဝတီနှင့် ကော့ကရိတ်မြို့ကြားလမ်းပိုင်း ကော့နွဲ့ရွာနှင့် တစ်မိုင်ခန့်အကွာတွင် အစိုးရတပ်မတော်နှင့် ဒီကေဘီအေ တပ်ဖွဲ့တို့ ဇူလိုင်လ ၂ ရက် ညနေ လေးနာရီ အချိန်ထိ တိုက်ပွဲများဖြစ်ပွားနေပြီး ဒီကေဘီအေအဖွဲ့ဝင် နှစ်ဦး ထိခိုက်ဒဏ်ရာရှိခဲ့သည်ဟု ဒီကေဘီအေမှ ဗိုလ်မှူးကြီး စောဆန်းအောင်က မဇ္ဈိမကိုပြောသည်။
ဗိုလ်မှူးကြီး စောဆန်းအောင်က “အခု လွန်ခဲ့တဲ့ မိနစ် ၂၀အထိ တိုက်ပွဲဖြစ်နေတုန်းပဲ။ မနက် ငါးနာရီခွဲကတည်းက သူတို့က စပစ်တာ။
ဒီကေဘီအေ ဘက်က ၉ နာရီလောက်ကမှ စပစ်တာ။ သူတို့ဘက်က လက်နက်ကြီးတွေနဲ့ပစ်တာ အလုံး လေးငါးဆယ်လောက်ရှိပြီ။ စက်သေနတ်တွေလည်းပါတယ်” ဟု ဇူလိုင်လ ၂ ရက် ညနေ၄နာရီခွဲ အချိန်က ပြောသည်။
အစိုးရ စစ်တပ် တပ်ရင်း ၂၃၀၊ ၂၃၁ နှင့် ဒီကေဘီအေတို့ တိုက်ပွဲဖြစ်နေပြီး အာရှလမ်းမကြီး၏ မြဝတီ-ကော့ကရိတ်
မြို့ကြားလမ်းပိုင်းရှိ ဒီကေဘီအေ တပ်များကို အစိုးရစစ်တပ်က ဖယ်ရှားခိုင်းရာမှ တိုက်ပွဲများဖြစ်ပွားခြင်း ဖြစ်သည်ဟုဆိုသည်။
အဆိုပါ ဖြစ်စဉ်နှင့်ပတ်သက်၍ မြန်မာငြိမ်ချမ်းရေးစင်တာ (MPC)၏ တာဝန်ရှိသူထံသို့ အကြောင်းကြားထားသည်ဟု ၎င်းက ပြောသည်။
Credit - Mizzima News
No comments:
Post a Comment