ထူးလည်းထူးတယ်၊ မြူးလည်းမြူးတယ်… ဟဲ့ ပေါ်အူးရယ်

ကြုံရခေတ်အဆက်ဆက် ယုံရခပ်ခက်ခက်
---- --- ---
““ပေါ်အူးရယ်၊ သာမောဖွယ် နန်းတော်အလယ်မှာလေ ငါကိုယ် တော် ရွှေရှင်ဘုရင်ပြောမယ်။ ခက်တယ်၊ မျက်ချယ်၊ သက်လှယ် လူတွေ သိပ်ခက်ပါတယ်။ မင်းကြီးရဲ့လက်ထက်မှာကွယ် အဂတိလိုက် စားမှုတွေ များပြားတာကို တော်တော်ကြီးကို ထိုးနှက်ဝေဖန်နေကြတယ်။ တကယ်တော့ ဒါဟာ လွယ်လွယ်လေးပါ ပေါ်အူးရာ၊ မခက်ပါဘူး။ လူတွေအားလုံး စိတ်ထားပြောင်းဖို့လိုတယ်။ စိတ်ထားလေးသာ နည်း နည်းလေးပြောင်းလိုက်ရုံနဲ့ ဒီပြဿနာတွေအားလုံး ပြေလည်သွားမယ် မဟုတ်လား ပေါ်အူးရဲ့””


““မှန်ပါ့၊ မိုးပေါ်ထောင်မပစ်ရင်တော့ တည့်တည့်မှန်တာပဲမင်းကြီး။ ဒါပေမဲ့ ခက်တာက မင်းကြီးပြောတဲ့ စိတ်ထားလေးတွေ ပြောင်းအောင် ဘယ်လိုလုပ်မှာလဲ။ လွယ်လွယ်ကူကူနဲ့တော့ စိတ်ထားတွေက ပြောင်းမှာ မဟုတ်ဘူး””

““အဲဒါတော့ မင်းကြီးလည်း သေသေချာချာ မသိဘူး ပေါ်အူး ရယ်။ စိတ်ကူးထဲရှိတာ မှန်များလေမလားလို့ ပြောကြည့်ရတာပေါ့””

““မသိဘဲနဲ့များ ပြောနေရသေးတယ် မင်းကြီးရယ်။ ခု ကြည့်လေ၊ လာဘ်စားတဲ့ တရားသူကြီးတွေကို ဥပဒေကြောင်းအရ အရေးမယူလို့ တရားစီရင်ရေးမဏ္ဍိုင်ဟာ သိပ်ကိုဆိုးရွားလွန်းနေတယ်လို့ ပြောနေကြ တယ်မင်းကြီး။ ခုလောလောဆယ်မှာ သတင်းတစ်ခု ထွက်လာပြန်တယ်။ ပြည်ထောင်စု တရားလွှတ်တော်ရုံးမှာ အနယ်နယ်အရပ်ရပ်က တိုင်စာတွေ ကို လက်မခံတာ၊ လက်ခံရရှိတဲ့ တိုင်စာတွေကို မီးရှို့ပစ်တာ၊ ဖျက်ဆီးပစ် တာ၊ ဖျောက်ဖျက်ပစ်တာတွေရှိနေတယ်လို့ သတင်းထွက်လာတယ်။ ဒီမှာ မင်းကြီး တိုင်မှအရေးယူမယ်ဆိုတာထက် အခြေအနေပိုဆိုးသွားပြီ။ တိုင်စာ ကိုတောင် ဒီလို ဖျောက်ဖျက်ပစ်မယ်ဆိုရင် မင်းကြီးပြောတဲ့ စိတ်ထားလေး တွေပြောင်းဖို့ဆိုတာက ပိုပြီးအလှမ်းဝေးနေလိမ့်မယ်””

““မဟုတ်လောက်ဘူး ထင်ပါတယ် ပေါ်အူးရာ။ ကောလာဟလတွေ ထင်ပါရဲ့။ ဘာပဲဖြစ်ဖြစ် အဲဒီကိစ္စ ခဏထားပါတော့လေ။ ဒီကိစ္စ နောက်ဆက်တွဲသတင်းတွေ ထွက်လာမှ ကြည့်လုပ်ကြတာပေါ့။ ခုလော လောဆယ် သေမှ မသေချာသေးတာ။ မောင်မင်းပြောမှ မင်းကြီး စိတ်ရှုပ်သွားပြီ။ တခြားခေါင်းစဉ်ပြောင်း ပြောကြရအောင် ပေါ်အူးရာ””

““ခေါင်းစဉ်ပြောင်းရင်လည်း ပြောင်းပြောပေါ့ မင်းကြီးရာ။ ဘာခေါင်း စဉ်ပြောင်းပြောင်း စနစ်ကြီးတခုလုံး အပြောင်းအလဲမလုပ်နိုင်ရင်တော့ မင်းကြီးနဲ့ ပေါ်အူး မုန့်လုံးစက္ကူကပ်သလို ချာချာလည်နေမှာပဲ မင်းကြီး။ ပြဿနာမျိုးစုံ သောင်းခြောက်ထောင်က ဘဲဥအစရှာမရသလို အဖြေရှာ မရဘဲ ဖြစ်နေဦးမှာပဲ””

““ဒီနေ့ မြန်မာနိုင်ငံရဲ့ ပြုပြင်ပြောင်းလဲရေးလုပ်ငန်းတွေရဲ့ အခြေ အနေများကို လက်တွေ့ကျကျသုံးသပ်မယ်ဆိုရင် မှန်ကန်တဲ့လမ်းကြောင်း ပေါ်မှာရှိနေပြီး ထိုက်သင့်တဲ့ နိုင်ငံရေးအရွေ့တရပ်လည်း ရှိနေတယ် ဆိုတဲ့အချက်ဟာ ငြင်းဆိုလို့မရနိုင်တဲ့ အချက်တချက်ပဲဖြစ်ပါတယ်။ မင်းကြီးတို့နဲ့အတူ ပြုပြင်ပြောင်းလဲရေးလုပ်ငန်းစဉ်များမှာ တစိုက်မတ် မတ် ကြိုးပမ်းဆောင်ရွက်နေသူများအနေနဲ့ နိုင်ငံရေးဖြေလျှော့မှုများနဲ့ နိုင်ငံရေးယဉ်ကျေးမှုသစ်များ အသက်ဝင်ရှင်သန်ရေးတို့ကို ခိုင်မာတဲ့ သန်္နိဋ္ဌာန်ချ ဆောင်ရွက်နေခြင်းဟာ ပြည်သူလူထုတရပ်လုံး အကျိုး ခံစားရခြင်းကို အဓိကထားတဲ့ နိုင်ငံရေးစေတနာမှန်သက်သက်ဖြင့်သာ လုပ်ဆောင်နေခြင်းဖြစ်ပါတယ်။ ဟုတ်လား ပေါ်အူးရဲ့””

““ပေါ်အူး ဉာဏ်သိပ်မမီချင်ဘူး။ ပေါ်အူး သဘောမတွေ့တာ အဲဒါ တွေလည်းပါတယ်။ မိန့်ခွန်းဆိုတာမျိုးဟာ ပြည်သူလူထု နားလည်လွယ် အောင် ပြောရတယ်။ ရေးပေးတဲ့သူကလည်း ရေးပေး၊ ဖတ်တဲ့သူကလည်း ဖတ်၊ မင်းကြီးစကားတွေဟာ ပေါ်အူးတောင် နားမလည်ဘဲ မျက်စိလည် သွားတယ်။ ခုတော့ မော်ဒန်လိုလို စာညွန့်လိုလိုနဲ့””

““ဒါဆို မင်းကြီး မိန့်ခွန်းအောင်မြင်တယ်။ အဲဒီလို ဖြစ်စေချင် တာ ပေါ်အူးရဲ့””
““မင်းကြီးစကားတွေက တဖြည်းဖြည်းနဲ့ တော်တော်တူလာပြီ””
““ဘာတူတာလဲ ပေါ်အူးရယ်၊ ရှင်းရှင်းလင်းလင်း လျှောက်တင် စမ်းပါ””
““လွန်ခဲ့တဲ့ ၂၆ နှစ်တုန်းကပြောခဲ့တဲ့ ဗိုလ်စောမောင်ရဲ့ ကြောင် တောင်တောင်မိန့်ခွန်းတွေနဲ့ တူလာပြီလို့ပြောတာ””
““ပေါ်အူး တော်တော်ဆိုးပါလား။ မောင်မင်းကိုပြောရတာ ကောက်ညှင်းပေါင်းစားပြီး ပုလွေမှုတ်သလို လက်ပေါက်ကပ်တယ်။ နွားကို ပလာတာကျွေးသလို ပေါ်အူး အရသာမသိဘူးဖြစ်နေပုံရတယ်။ ဆက်ပြောမယ် နားထောင်””
““ပြောပါ၊ ပြောပါ နားဆင်လျက်ပါ။ ပေါ်အူး ၀ဋ်ရှိလို့ ခံရတယ် မှတ်ပါတယ်””

““အသွင်ကူးပြောင်းရေး ဆောင်ရွက်ရတဲ့ နိုင်ငံတိုင်းမှာ ကြုံတွေ့ ရတဲ့ ပြဿနာများထဲမှာ ကျေးလက်မြို့ပြ မြေယာစီမံခန့်ခွဲရေးလုပ်ငန်း စဉ်ဟာ အရေးအကြီးဆုံးနဲ့ ခက်ခဲတဲ့ကိစ်္စတရပ်ပဲဖြစ်ပါတယ်။ မြို့ပြနဲ့ ကျေးရွာများ ဖွံ့ဖြိုးတိုးတက်ရေးစီမံကိန်းများအတွက် မြေအရင်းအမြစ် များကို ထိရောက်စွာ စီမံခန့်ခွဲအသုံးပြုနိုင်ရမှာဖြစ်ပါတယ်။ အိုးမဲ့အိမ် မဲ့များ၊ ကျူးကျော်ကိစ္စရပ်များနဲ့ပတ်သက်လို့ ကျွန်တော့်အနေနဲ့ ဥပဒေ မဲ့ ကျူးကျော်မှုများကို အရေးယူဆောင်ရွက်လျက်ရှိသလို အမှန်တကယ် မြေယာမရှိတဲ့ တောင်သူများကို မြေယာခွဲဝေပေးရေးဟာလည်း ဆင်းရဲ နွမ်းပါးမှုလျှော့ချရေးအတွက် ကြီးမားတဲ့ အထောက်အပံ့ဖြစ်တယ်လို့ ခံယူပြီး ကြိုးပမ်းဆောင်ရွက်လျက် ရှိပါတယ်””

““တရုတ်သိုင်းပြောင်းပြန် ရုပ်ရှင်ကားကြည့်ရသလိုပါပဲ။ မင်းကြီး ပြောင်းပြန်တွေ ပြောနေတာလား။ တကယ့်ကျူးကျော်အစစ်က ဘယ်သူ တွေလဲ၊ ဒီကနေ့ကျူးကျော်ပြီး ဥပဒေမဲ့ မတရားမြေယာအသိမ်းခံရလို့ တောင်သူလယ်သမားတွေရဲ့ ကန့်ကွက်ဆန်္ဒပြပွဲတွေ ခြိမ့်ခြိမ့်သဲဆင်နွှဲနေ ကြတာကို မင်းကြီး မသိချင်ယောင်ဆောင်နေတာလား။ တရားမျှတ လွတ်လပ်ခြင်းနဲ့မသွေ တို့ပြေ၊ တို့မြေလို့ ဆိုနေတဲ့ နိုင်ငံတော်သီချင်းကို ရော မင်းကြီး မေ့နေပြီလား။ တရားမျှတမှုကို မျက်ကွယ်ပြုထားလေရော့ သလား မင်းကြီးရယ်””

““တော် တန် တိတ်၊ ကဗျာဆက်ရွတ်မယ်။ နားထောင် အဲဆက် ပြောမယ်””

““ဒါနဲ့ မင်းကြီးရယ်၊ မြေယာမဲ့တွေကို မြေယာခွဲဝေပေးမယ်ဆိုတာ ဘယ်ကမြေတွေကို ပေးမှာလဲ မင်းကြီး။ ပေါ်အူး မသိလို့မေးတာနော်။ ပြီးတော့ တန်ဖိုးနည်းအိမ်ရာဆိုတာတွေကလည်း တန်ဖိုးက နည်းမှမနည်း ဘဲနဲ့။ သိန်းရာချီနေပါ့လား မင်းကြီးရယ်။ အိမ်နီးချင်း ထိုင်းနိုင်ငံမှာ အစိုးရ ဆောက်ပေးတဲ့အိမ်ရာက ဘတ် ရှစ်သောင်းပဲရှိတယ် မင်းကြီး””

““အို ပေါ်အူးရယ်၊ အ,ပါ့။ လူကြံရင် အိမ်သာတောင် ချီးတွင်း ဖြစ်သေးတာပဲ။ ဝေခြမ်းပေးဖို့ တို့တိုင်းပြည်မှာ မြေတွေပေါလွန်းလို့။ ပြီးတော့ မောင်မင်းပြောတဲ့ ဘတ်ရှစ်သောင်းတန်အိမ်ဆိုတာ တွက် ကြည့်ပါဦး။ တဘတ်မှာ ကျပ် ၃၀ ရှိတာ၊ ဘတ် ရှစ်သောင်းဆိုတာ သိန်း ၂၄၀ ရှိတယ်။ ဘယ်မှာ သက်သာလို့လဲ””

““မဟုတ်သေးဘူး မင်းကြီး။ သေသေချာချာ ပြန်တွက်ပါဦး။ ဘတ် ရှစ်သောင်းဆိုတာ ၂၄ သိန်းပဲရှိတယ်””
““အင်၊ ဟုတ်လား။ ပေါ်အူး””
““ဟုတ်ပါ့ မင်းကြီး””
““ဒါဆိုရင် လက်တန်းစိတ်တွက် အမြန်တွက်တော့ မှားတဲ့အခါ လည်း မှားပေမပေါ့ ပေါ်အူးရယ်””

““ပေါ်အူးတို့ တိုင်းပြည်က တန်ဖိုးနည်းအိမ်ရာတွေက ဈေးများလွန်း တယ်နော်။ သူဌေးတွေမှပဲ ၀ယ်နိုင်မယ်။ သာမန်လူတန်းစားက ၀ယ်နိုင် မယ် မထင်ပေါင်””
““ပေါ်အူးရယ်၊ ဈေးနှုန်းများတာက သာမန်မျက်စိနဲ့ မမြင်ရတဲ့ ကုန်ကျစရိတ်တွေ ရှိမှာပေါ့။ ပြီးတော့ အဆင့်ဆင့် ၀န်ဆောင်ခတွေ ကလည်း ရှိသေးတယ်လေ။ အဲဒါကြောင့်နေမှာပေါ့ ဟုတ်ဖူးလား””

““ဒါနဲ့ မင်းကြီးပြောတော့ ၀န်ဆောင်ခ ၃ သိန်းမကျော်ရဘူးဆို””
““ခက်ပြီ ပေါ်အူးရယ်။ နိုင်ငံတကာနဲ့ ဆက်ဆံနေရတာ ပေါ်အူး မေ့နေပြီနဲ့တူတယ်။ ၃ သိန်းဆိုတာ ဘတ်ငွေလည်း ဖြစ်နိုင်တယ်။ ဒေါ်လာတို့၊ ယူရိုငွေတို့လည်း ဖြစ်နိုင်တာပဲ။ ပညာရှိ သတိဖြစ်ခဲ့တဲ့။ ဒီတခါတော့ ပေါ်အူး လျှော်သွားပြီ။ ညံ့ပါ့””
““ထားပါတော့ မင်းကြီးရယ်၊ ထားပါတော့။ ပေါ်အူး ညံ့ပါတယ်””

““အဓိကကျတဲ့အချက်တချက်အနေနဲ့ ပြောကြားလိုတာကတော့ ပြည်သူလူထုကို နိုင်ငံရေး၊ စီးပွားရေးနဲ့ လူမှုရေးအရ ဦးဆောင်မှုများ ပေးနေတဲ့ ခေါင်းဆောင်များအနေနဲ့ ကျွန်တော်တို့အစိုးရအဖွဲ့ရဲ့ ကြိုးပမ်း ဆောင်ရွက်မှုများအပေါ် သဘောတူခြင်း၊ မတူခြင်းဆိုတာထက် လက် ၀ယ်ရရှိထားတဲ့ ပြုပြင်ပြောင်းလဲရေးလုပ်ငန်းစဉ်များရဲ့ အရှိန်အဟုန်များ တုံ့နှေးလျော့ကျသွားခြင်းမျိုးမဖြစ်စေဘဲ ဆက်လက်အသက်ဝင်ရှင်သန် ရေးနဲ့ ခိုင်မြဲရေးကို တည်ဆောက်ရေးအမြင်နဲ့ ရှုမြင်ဆောင်ရွက်ကြဖို့ တိုက်တွန်းလိုခြင်းပဲ ဖြစ်ပါတယ်””

““အလုံး ၁၄၀ ရှိတယ်။ ပေါ်အူး သေသေချာချာ ရေတွက်ထား တယ် မင်းကြီး””

““ဘာလဲဟဲ့ ပေါ်အူးရဲ့။ အလုံး ၁၄၀ ဆိုတာ နွားနို့ပုလင်းကို ပြောတာလား””
““နို့ပုလင်းကို ပြောတာမဟုတ်ပါဘူး။ မင်းကြီးရဲ့ နှုတ်ထွက်စကား ၀ါကျတကြောင်းမှာပါတဲ့ စကားလုံးပေါင်းကို ပေါ်အူး ရေတွက်ကြည့်တာ ကို ပြောတာပါ””
““ပေါ်အူးရယ်၊ အဲလောက်တောင်များလား။ မင်းကြီးဖြင့် သတိ တောင် မထားမိပါဘူး။ မင်းကြီး ဘာပြောတာလဲဆိုတာရော သိလိုက် ရဲ့လား””
““သိပါတယ်၊ ပေါ်အူး ကြားလိုက်ပါတယ်။ ဒါပေမဲ့ မင်းကြီးရယ် နောက်ဆိုရင် အဲဒီလောက် ရှည်ရှည်ကြီးမပြောပါနဲ့။ နောက်ရောက်တော့ ရှေ့ကစကားလုံးတွေမေ့သွားပြီး ဘာပြောမှန်းမသိဘဲ ဖြစ်သွားမှာစိုးလို့ပါ””
““အေးလေ၊ သူတို့ကိုပြောလိုက်ပါ့မယ်။ နောက်ဆို ၀ါကျခပ်တိုတို ရေးလို့ ပြောရမှာပေါ့။ လူဆိုတာ အမျိုးမျိုးရှိတယ်။ တိုတာကြိုက်တဲ့ သူလည်းရှိသလို ရှည်တာကြိုက်တဲ့သူလည်း ရှိပေမပေါ့ ပေါ်အူးရယ်””
““မင်းကြီး နိုင်ငံရေးတွေ မပါကြေးနော်””
““မင်းကြီးက ၀ါကျ အတိုအရှည်ကို ပြောတာပါ””
““ဟုတ်ပါတယ်။ ပေါ်အူးကလည်း အဲဒါပဲပြောတာပါ။ တိုတိုရေး တာ ၀မ်းသာပါတယ် မင်းကြီး။ ဒါမှလည်း မင်းကြီးလည်း အသက်ရှူချိန် ရမှာပေါ့။ မင်းကြီး သက်သာအောင် ပြောရတာပါ””

““ဒါနဲ့ ပေါ်အူးရေ၊ စတုတ္တမဏ္ဍိုင်ကြီးရော ဘာတွေထူးလဲ””
““ဓမ္မစေတီခေါင်းလောင်းရှာပုံတော်သတင်း၊ ကျောင်းသားတွေက ပညာရေးဥပဒေကို ကန့်ကွက်ဆန္ဒပြကြတဲ့သတင်း၊ ရွေးကောက်ပွဲမှာ ပီအာစနစ်မသုံးဖို့ လက်မှတ်တွေ ကောက်ခံတဲ့သတင်း၊ အလှမယ်ရဲ့ အငြင်းအခုံသတင်း၊ ရန်ကုန်မြို့သစ်တိုးချဲ့မယ့်သတင်းတွေ ထူးပါတယ်။ မြို့သစ်တိုးချဲ့မယ့်သတင်းကတော့ အတော်လေး ရေးသားကြပါတယ်။ တဆက်တည်းဆိုသလိုပဲ ကြည့်မြင်တိုင်တဖက်ကမ်းမှာ မြေဈေးတွေ ခုန်တက်သွားပါတယ်။ ပြီးတော့ တရုတ်ပြည်က ငွေမည်းတွေလည်း ပေါ်အူး တို့တိုင်းပြည် အိမ်ခြံမြေဈေးကွက်ထဲကို အလုံးအရင်းနဲ့ ၀င်ရောက်လာ တယ်ဆိုတဲ့ သတင်းတွေပဲဖြစ်တယ် မင်းကြီး””

““သူများနိုင်ငံကငွေတွေ ကိုယ့်နိုင်ငံကိုရောက်တာ မကောင်းဘူး လား ပေါ်အူးရဲ့။ မြေဈေးတွေ တန်ဖိုးတက်တာလည်း သတင်းကောင်း မဟုတ်ဘူးလား””

““မင်းကြီးရယ်၊ နိုင်ငံခြားသားတွေလက်ထဲကို ကိုယ့်မြေတွေရောက် တာ ဘယ်ကောင်းပါ့မလဲ။ ကြာရင် မြန်မာပြည်က တရုတ်ပြည်ဖြစ်သွားမှာ ပေါ့””

““ဒါတော့ ပေါ်အူးရယ်။ တံခါးဖွင့်လိုက်ပြီဆိုမှတော့ နိုင်ငံတကာ က အရင်းအနှီးတွေ ၀င်လာကြမှာပေါ့။ ပြီးတော့ ဈေးကွက်စီးပွားရေး သဘောအရ ရောင်းလိုအားနဲ့ ၀ယ်လိုအားကိုမှီပြီး ဈေးကွက်ဖြစ်ပေါ် လာရတာပဲ။ အချိန်တန်ရင် မြေဈေးနှုန်းတွေ ပြန်ကျသွားမှာပါ။ မြန်မာပြည်မှာ မြေတွေလည်း ပေါများပါတယ်။ လူဦးရေကလည်း ၅၁ သန်းကျော်ပဲရှိတာ မဟုတ်လား””

““မှန်ပါတယ်။ မြေဈေးပြန်ကျဖို့ကတော့ ပေါ်အူးမထင်သေးပါဘူး။ မြေတကွက်တောင်မှ မပိုင်တဲ့သူတွေမှာတော့ ခုလိုဈေးနှုန်းတွေနဲ့ မြေကွက် ၀ယ်ဖို့ မစဉ်းစားနိုင်ကြပါဘူး မင်းကြီးရာ””

““ဒါကြောင့် မင်းကြီးပြောတာပေါ့။ ထပ်ပြောမယ်၊ ပြန်နား ထောင် ပေါ်အူး။ အသွင်ကူးပြောင်းရေး ဆောင်ရွက်ရတဲ့ နိုင်ငံတိုင်းမှာ ကြုံတွေ့ရတဲ့ ပြဿနာတွေထဲမှာ ကျေးလက်မြို့ပြ မြေယာစီမံခန့်ခွဲရေး လုပ်ငန်းစဉ်ဟာ အရေးအကြီးဆုံးနဲ့ ခက်ခဲတဲ့ကိစ်္စတရပ်ပဲ ဖြစ်တယ် ပေါ်အူးရဲ့။ မြို့ပြနဲ့ ကျေးရွာများ ဖွံ့ဖြိုးတိုးတက်ရေးစီမံကိန်းများအတွက် မြေအရင်းအမြစ်များကို ထိရောက်စွာ စီမံခန့်ခွဲအသုံးပြုနိုင်ရမှာဖြစ် တယ်။ အိုးမဲ့အိမ်မဲ့များ၊ ကျူးကျော်ကိစ္စရပ်များနဲ့ပတ်သက်လို့ မင်းကြီး အနေနဲ့ ဥပဒေမဲ့ ကျူးကျော်မှုများကို အရေးယူဆောင်ရွက်လျက်ရှိ သလို အမှန်တကယ် မြေယာမရှိတဲ့ တောင်သူများကို မြေယာခွဲဝေပေး ရေးဟာလည်း ဆင်းရဲနွမ်းပါးမှု လျှော့ချရေးအတွက် ကြီးမားတဲ့ အထောက်အပံ့ဖြစ်တယ်လို့ခံယူပြီး ကြိုးပမ်းဆောင်ရွက်လျက်ရှိပါတယ်။ ဟုတ်လား ပေါ်အူး””

““ကြုံရခေတ်အဆက်ဆက် ယုံရခပ်ခက်ခက်ပါပဲ မင်းကြီးရယ်””

ညွန့်လွင်(R.I.T)

Credit -  News Watch(စောင့်ကြည့်သတင်းဂျာနယ်)