ကိုယ့်နေရာ ကိုယ်မရှိသူ (ဘဝမေ့နေသူများ)

တိုင်းပြည်နိုင်ငံတွေရဲ့ နယ်နမိတ်တွေဟာ အိမ်တွေ ခြံတွေ ရွာတွေရဲ့ စည်းရိုးတွေလိုပါပဲ။ အမြဲကြည့်နေ၊ ပြုပြင်ထိန်းသိမ်းနေရတာ။ ခြံစည်းရိုးမလုံရင် မလိုလားအပ်တဲ့ ခွေး ကြောင် သူခိုးသူဝှတ်စသည်ဝင်ထွက်ပြီး ကိုယ့်အိမ် ကိုယ့်ရွာကို ဒုက္ခပေးသလို တိုင်းပြည်နယ်နမိတ်တွေမလုံခြုံရင် အိမ်နီးချင်းနိုင်ငံတွေက မခန့်လေးစားနဲ့ ကျူးကျော်ရင် ကိုယ့်နိုင်ငံနဲ့နိုင်ငံသားတွေပဲနစ်နာရမှာ။


ဗမာပြည်နဲ့ဆက်စပ်နေတဲ့ အိမ်နီးချင်းငါးနိုင်ငံမှာ လာအိုတစ်နိုင်ငံ (နယ်နမိတ်ထိစပ်မှုအနည်းဆုံး) ကလွဲလို့ ကျန်လေးနိုင်ငံက ဗမာပြည်နဲ့နယ်နမိတ်နဲ့ပတ်သက်လို့ ပြဿနာတွေဖြစ်နေတယ်။
ဘင်္ဂလားဒက်ရ်ှနဲ့ ရေပိုင်နက်နယ်နမိတ်ကိစ္စ (နိုင်ငံတကာခုံရု့းမှာ ဗမာရှုံးတယ်) ဘင်္ဂါလီအရေးနဲ့ပတ်သက်လို့ ခြံစည်းရိုးကာနေရတယ်။ မကြာခဏပစ်ခက်မှုတွေဖြစ်နေရတယ်။ အိန္ဒိယနဲ့လည်း တမူးမှာ မော်တော်ကားလမ်းကိစ္စ အိန္ဒိယစစ်တပ်တွေဝင်လာတယ်။ သူတို့နယ်မြေကိစ္စတောင်းဆိုနေတယ်။
ကဘော်ချိုင့်ဝှမ်းကို အိန္ဒိယကပြန်ယူမယ်လို့ အခုမဏိပူရပြည်နယ်အနိုင်ရပါတီက ရွေးကောက်ပွဲမဲဆွယ်စဉ်က ကတိပေးထားခဲ့တယ်။ အခုပဲ နယ်စပ်မှာစဖြစ်နေပြီ။ အဲဒါကို မနေနိုင်တော့တဲ့ ပြည်သူတွေက ဆန္ဒပြနေရပြီ။
တရုတ်နဲ့ နမ့်ခမ်းမှာလည်း နယ်စပ်ပြဿနာဖြစ်နေပြီ။ ဗမာမြေထဲမှာ တရုတ်ကခြံစည်းရိုးခတ်တယ်။ သစ်ပင်ကြီးတွေရွှေ့လာပြီးစိုက်တယ်။ တရုတ်ရွှေလီဓာတ်အားပေးစက်ရုံကို ဗမာမြေထဲလာဆောက်တယ်။ အဲဒီမှာလည်း ပြည်သူတွေက ခြံစည်းရိုးတွေဖျက်ပစ် သစ်ပင်တွေခုတ်ပစ်နဲ့ ကာကွယ်နေကြရတယ်။ ယိုးဒယားနဲ့ကော ဘာထူးသေးလဲ။ သောင်ရင်းမြစ်လယ်ကို နယ်နမိတ်စည်းသက်မှတ်တဲ့အခါ ယိုးဒယားဘက်က သူ့ဘက်ကမ်းကို ကျောက်ရိုးစီတယ်။ မြစ်လယ်ကျွန်းကိုသူတို့ကယူတယ်။ အဲဒီမှာလည်း ဗမာပြည်ဘက်ကပါးစပ်ပိတ်နေတယ်။ နယ်နမိတ်ထိစပ်နေတဲ့ငါးနိုင်ငံမှာ ဆိုခဲ့သလို လာအိုကလွဲလို့ ကျန်လေးနိုင်ငံနဲ့ပြဿနာဖြစ်နေတယ်။

အဲဒါဘာကိုပြတာလဲ။ သီအိုရီအရတော့ရှင်းတယ်။ တိုင်းပြည်အားနည်းနေတဲ့အချိန်၊ ကာကွယ်နိုင်စွမ်းမရှိတဲ့အချိန်တွေမှာ အိမ်နီးချင်းနိုင်ငံတွေက သွေးတိုးစမ်းစမြဲပဲ။ ဗမာပြည်မှာ စစ်တပ်ကအားနည်းနေလို့လား။ အဲလိုလည်းမဟုတ်ပေါင်။ အရှေ့တောင်အာရှရဲ့တောင့်တင်းတဲ့ (အရေအတွက်) စစ်တပ်စာရင်းထဲမှာပါတယ်။ အဲဒီလိုဆိုရင် ဘာကြောင့်ဒီလိုဖြစ်နေရတာလဲ။ ရှင်းပါတယ်။ စစ်တပ်ကစစ်တပ်နေရာမှာမရှိလို့ပေါ့။ ကလေးတွေဆွဲနေတဲ့ မြေပုံရဲ့အနားသတ်မျဉ်းလေးပေါ်မှာ စစ်တပ်ရှိမနေလို့ပေါ့။ ဒါဖြင့် စစ်တပ်ကဘယ်ရောက်နေတာလဲ။

စစ်တပ်က လွှတ်တော်ထဲရောက်နေတယ်။ စစ်တပ်က အစိုးရအဖွဲ့ထဲရောက်နေတယ်။ စစ်တပ်က လယ်ကွင်းထဲရောက်နေတယ်။ စစ်တပ်က အရက်ချက်နေတယ်။ စစ်တပ်က ဘီယာချက်နေတယ်။ စစ်တပ်က စီးကရက်လိပ်နေတယ်။ စစ်တပ်က ဘိလပ်မြေထုတ်တယ်။ စစ်တပ်က ဆေးဝါးထုတ်နေတယ်။ စစ်တပ်က ကားထုတ်နေတယ်။ စစ်တပ်က ခေါက်ဆွဲခြောက်ထုတ်နေတယ်။ စစ်တပ်က ကြေးနီထုတ်တယ်။ စစ်တပ်က ဓာတ်ဆီရောင်းတယ်။ စစ်တပ်က Sim Card ရောင်းတယ်။ စစ်တပ်က ဖုန်းငွေဖြည့်ကဒ်ရောင်းတယ်။ စစ်တပ်က သကြားထုတ်တယ်။ စစ်တပ်က ဂြိုဟ်တုရုပ်သံဖမ်းစက်ရောင်းတယ်။ စစ်တပ်က သတင်းစာရောင်းတယ်။ စစ်တပ်က ဘတ်စ်ကားလိုင်းထောင်တယ်။ စစ်တပ်က ပင်လယ်ကူးသင်္ဘောလိုင်းထောင်တယ်။ စစ်တပ်က မြို့တကာရောက်နေတယ်။ စစ်တပ်က ပြည်သူကိုစောင့်ကြည့်နေရတယ်။ စစ်တပ်က...စစ်တပ်က...စစ်တပ်က... ကိုယ့်နေရာမှာကိုယ်ရှိမနေတော့ တိုင်းပြည်မှာ ဒီလိုပဲ အိမ်နီးချင်းတွေက သွေးတိုးစမ်းတာကို ခံနေရတဲ့ဘဝရောက်နေရတာပဲ။ နယ်စပ်ကို ယာယီကျူးကျော်ပြီးစမ်းကြည့်နေတယ်။ ပိုင်ရင် အခြေချမှာပဲ။ ဗမာစစ်တပ်ကို သူတို့နေချင်တဲ့နေရာမှာပဲ အမြဲနေစေပြီး အစ္စရေးတပ်မတော်ကိုသာ ဗမာပြည်ရဲ့နယ်စပ်မျဉ်းပေါ်မှာ တင်ထားလိုက်ချင်တော့တယ်။
***********************************
  လေးစားစွာဖြင့်

  ကို စိုး ဝင်း (Facebook)   https://www.facebook.com/photo.php?fbid=1533328686889867&set=a.1377545675801503.1073741825.100006382504474&type=1