အလွတ်သတင်းထောက်
ကိုအောင်ကျော်နိုင်(ခ)ကိုပါကြီး သေဆုံးမှုကို စုံစမ်းပေးရန်
သမ္မတနှင့်ကာချုပ်တွင် တာဝန်ရှိပြီး စုံစမ်းရေးကော်မရှင်ဖွဲ့ပေးရန်
နယ်ပယ်အသီးသီးမှ ပြည်သူထောင်ဂဏန်းခန့် ဆန္ဒပြတောင်းဆို
အလွတ်သတင်းထောက် ကိုပါကြီး(ခ)ကိုအောင်ကျော်နိုင် သေဆုံးမှုအပေါ် စုံစမ်းစစ်ဆေးကာ အရေးယူပေးရန် သမ္မတနှင့်ကာချုပ်တွင် အဓိကတာဝန်ရှိနေပြီး စုံစမ်းရေးကော်မရှင်တစ်ရပ်ဖွဲ့စည်း၍ အမှုမှန်ပေါ်ပေါက်အောင် အမြန်ဆုံးဖော်ထုတ်ပေးရန် နယ်ပယ်အသီးသီးမှ ပြည်သူ ၁၀၀၀ ခန့်က အောက်တိုဘာ ၂၆ ရက်နေ့ ညနေပိုင်းတွင် ဆူးလေစေတီအနီး၌ ဆန္ဒပြတောင်းဆိုခဲ့ကြသည်။
နယ်ပယ်စုံမှ တတ်ကြွလှုပ်ရှားသူ အဖွဲ့အစည်းများ၊ တောင်သူလယ်သမားသမဂ္ဂများ၊ ကျောင်းသားသမဂ္ဂများ၊ ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းအဖွဲ့ဝင်များ၊ အလုပ်သမား အဖွဲ့အစည်းများ၊ လူငယ်အဖွဲ့အစည်းများ၊ လူမှုဖွံ့ဖြိုးရေးကွန်ရက်များ၊ အမျိုးသမီးအရေး ဆောင်ရွက်နေသည့် အဖွဲ့အစည်းများ စသည့်အဖွဲ့အစည်းပေါင်း ၃၀ ကျော်မှ ပြည်သူအင်အား ၁၀၀၀ ခန့်သည် ဆူးလေဘုရား၊ မဟာဗန္ဓုလပန်းခြံအနီးတွင် စုဝေးကြပြီး ကိုပါကြီးသေဆုံးမှုအပေါ် တပ်မတော်၏ သတင်းထုတ်ပြန်မှုနှင့် လုပ်ရပ်တို့အား ရှုံ့ချဝေဖန်မှုများ ပြုလုပ်ခဲ့ကြသည်။
ကိုပါကြီး သေဆုံးမှုအပေါ် တက်ရောက်လာကြသော အဖွဲ့အစည်း ၁၀ ဖွဲ့ခန့်က ၎င်းတို့၏ သဘောထားကြေငြာချက် အသီးသီးကို ထုတ်ပြန်ခဲ့ပြီး ယင်းသဘောထားကြေငြာချက်များထဲတွင် တပ်မတော်မှ ထုတ်ပြန်ခဲ့သော အချက်အလက်များသည် ယုံကြည်စရာမရှိခြင်း၊ နိုင်ငံသားတစ်ဦးအနေနှင့် ကိုပါကြီးမှာ ဥပဒေ၏ အကာအကွယ် မရရှိခဲ့ခြင်း၊ ဒီမိုကရေစီ အသွင်ကူးပြောင်းပြီဟုဆိုနေသော ကာလတွင် တပ်မတော်က ကိုပါကြီးအား ဖမ်းဆီးစစ်ဆေးမှုသည် ဥပဒေမဲ့ဖြစ်နေခြင်း၊ ကိုပါကြီးသေဆုံးသွားမှုသည်လည်း ရာဇ၀တ်မှုသက်သက်ဖြစ်ခြင်းနှင့် ကိုပါကြီးသေဆုံးမှုအား နိုင်ငံတော်အစိုးရ၊ တပ်မတော်ကာကွယ်ရေးဦးစီးချုပ်တို့မှ တာဝန်ယူကာ စုံစမ်းစစ်ဆေးရေး ကော်မရှင်တစ်ရပ်ဖွဲ့စည်း၍ အမြန်ဆုံးဖော်ထုတ် အရေးယူပေးရန် စသည့်အချက်များပါဝင်သည်။
ကိုပါကြီးသေဆုံးမှုအတွက် တာဝန်ရှိသူများအား အမြန်ဆုံးအရေးယူပေးရန် တောင်းဆိုသည့်ပွဲတွင် စီတန်းလှည့်လည် ဆန္ဒပြမှုများ မပြုလုပ်ခဲ့သော်လည်း တရားမျှတမှုပေါ်ထွန်းရေး ဒို့အရေး၊ နိုင်ငံသားများလုံခြုံရေး ဒို့အရေး၊ အဓမ္မ၀ါဒ အလိုမရှိဟု ကြွေးကြော်ခဲ့ကြသည်။
ထို့ပြင် ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးမင်းကိုနိုင်၊ ဦးကိုကိုကြီးတို့အပြင် နိုင်ငံရေးတက်ကြွ လှုပ်ရှားသူများဖြစ်သည့် ဗိုလ်ကြီးဟောင်းနေမျိုးဇင်၊ ကိုမိုးသွေးတို့ကလည်း ဟောပြောမှုများ ပြုလုပ်ခဲ့ကြသည်။
၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးမင်းကိုနိုင်က “ကိုပါကြီးလိုဖြစ်ရပ်မျိုးဟာ ရည်ရွယ်ချက်ရှိတဲ့ ဖြစ်ရပ်မျိုးပဲ။ တပ်မတော်က ထုတ်ပြန်ချက်တွေမှာလည်း ရှေ့နောက်လွဲနေတာတွေ ရှိတယ်။ ကိုပါကြီးဇနီးသည်က လိုက်စုံစမ်းတဲ့အခါမှာ အဲဒီလို မရိုးဖြောင်းတဲ့ဖြစ်ရပ်တွေ အများကြီးရှိတယ်ဆိုတာ ပိုသိရတယ်။ ကျွန်တော်တို့နိုင်ငံမှာ လက်ပံတောင်းမှာ သံဃာတွေဖြိုခွဲခံရသလိုမျိုး ကိစ္စတွေ စတဲ့အကြမ်းဖက်မှုတွေမှာ လက်ယဉ်နေတာကို တွေ့ရတယ်။ ဘာလို့ လက်ယဉ်နေကြသလဲဆိုရင် လက်နက်ရှိတဲ့သူက အပြစ်မဲ့ပြည်သူကို လက်နက်နဲ့အနိုင်ကျင့်ရင် ရတာပဲဆိုတဲ့ ပုံစံမျိုးပါ။ အဲဒါ ပြဿနာပါပဲ။ ဖွဲ့စည်းပုံအခြေခံဥပဒေမှာကလည်း တပ်မတော်သား ရာဇ၀တ်မှုကျူးလွန်ရင် ဘယ်တရားရုံးကမှ အရေးယူလို့မရဘဲ စစ်ဘက်ဆိုင်ရာ တရားရုံးကပဲ အရေးယူလို့ ရနိုင်တယ်ဆိုတာကလည်း ကြီးနိုင်ငယ်ညှဉ်း တောရိုင်းဥပဒေသက်သက်လို ဖြစ်နေပါတယ်” ဟု ဟောပြောရာတွင် ထည့်သွင်းပြောကြားခဲ့သည်။
ထို့ပြင် ဦးမင်းကိုနိုင်က ကိုပါကြီးဖြစ်စဉ်အား ကျွမ်းကျင်မှုရှိပြီး လွတ်လပ်သောစုံစမ်းရေးကော်မရှင်တစ်ရပ် အမြန်ဆုံးဖွဲ့စည်းပေးပြီး ၎င်းကော်မရှင်၏ ဖော်ထုတ်ချက်များဖြစ်သည့် ဘယ်သူ့လက်ချက်လဲ၊ ဘယ်သူကအမိန့်ပေးသလဲ စသည့်အချက်အလက်များ ရရှိလာပါက ကျူးလွန်သူအား တရားဥပဒေအရ အမြန်ဆုံးအရေးယူပေးရန် လိုအပ်ကြောင်း နိုင်ငံတော်အကြီးအကဲများသို့ တောင်းဆိုခဲ့သည်။
“ကိုပါကြီးသေဆုံးတဲ့အပေါ် နိုင်ငံသားတိုင်းရဲ့ ရပိုင်ခွင့် အခွင့်အရေး တစ်ခုဖြစ်တဲ့ နေထိုင်ရှင်သန်ခွင့် အခွင့်အရေးတစ်ခု ဖျက်ဆီးခံရတယ်လို့ မြင်ပါတယ်။ ဘာကြောင့်လဲဆိုတော့ လူတစ်ယောက်ကို ပစ်ခတ်ဖမ်းဆီးမိပါတယ်။ နစ်နာလျော်ကြေး သက်ဆိုင်တဲ့မိသားစုကို ပေးသွားပါမယ်ဆိုကတည်းကိုက ကျွန်တော်တို့နိုင်ငံသားတွေဟာ ကျည်ဆန်တစ်တောင့်လောက်မှ တန်ဖိုးမရှိတော့သလို ဖြစ်နေပါတယ်။ ထုတ်တဲ့သတင်းထုတ်ပြန်ချက်ကလည်း လက်မှတ်မပါ၊ စာအမှတ်မပါ၊ ဘာမှမပါဘဲ နေပြည်တော်မှဆိုတဲ့ စာတစ်ကြောင်းနဲ့တင် ထုတ်တာကို ကြည့်ခြင်းအားဖြင့် လက်ရှိအုပ်ချုပ်နေတဲ့ ယန္တရားနဲ့ ကာကွယ်ရေးအဖွဲ့အစည်းကြီးဟာ နိုင်ငံသူ၊ နိုင်ငံသားတွေအပေါ်မှာ အသက်တစ်ခုကို ဖက်တစ်ရွက်လောက်တောင် တန်ဖိုးမထားဘူးဆိုတာ သိလိုက်ရပါတယ်” ဟု ဗိုလ်ကြီးဟောင်းနေမျိုးဇင်က ပြောကြားသည်။
“ဒီကိစ္စက ကိုပါကြီးဖြစ်ရပ်တစ်ခုထဲတင် မဟုတ်ဘူး။ ကချင်အမျိုးသမီးတစ်ယောက်ဆို ပျောက်သွားတာ သုံးနှစ်လောက်ရှိပြီ။ အခု အဲဒါကို ကချင်ငြိမ်းချမ်းရေးကွန်ယက်က လိုက်ဆောင်ရွက်ပေးနေတယ်။ လူ့အခွင့်အရေး ချိုးဖောက်ခံရတဲ့ ဖြစ်ရပ်တွေဟာ တစ်နိုင်ငံလုံးမှာ ဖြစ်နေတယ်။ လယ်သမားတွေ၊ မီဒီယာတွေ ထောင်ချခံနေရတာတွေလည်း ရှိတယ်။ ဒါမျိုးတွေ ဆက်ဖြစ်နေတယ် ပြုပြင်ပြောင်းလဲရေး စစ်မှန်တယ်ဆိုရင် အစိုးရ တာဝန်ယူရမယ်” ဟု ပေါင်းကူးအဖွဲ့မှ ဒေါက်တာကျော်သူက ပြောကြားသည်။
“တပ်မတော်က သတ်တာမှမဟုတ်ဘူး။ ရဲတွေက လုပ်တာရှိတယ်။ အာဏာပိုင် အဖွဲ့အစည်းအဆင့်ဆင့်ကြောင့် နိုင်ငံသားတွေဟာ ထောင်တွေကျတယ်။ အသတ်ခံရတယ်။ ကိုပါကြီးကိစ္စကတော့ သတင်းသမားလည်းဖြစ်တယ်။ ၈၈ အသိုင်းအ၀ိုင်းထဲကလည်း ဖြစ်တယ်။ ဒေါ်စုလုံခြုံရေးလည်း ဖြစ်တယ်။ သုံးရောင်ခြယ်လည်း ဖြစ်တယ်။ ဒါကြောင့်မို့လို့ သူ့ကိစ္စက ပေါ်လွင်သွားတာ။ အဲဒီလို မပေါ်လွင်ပဲ သေဆုံးသွားသူတွေ၊ အခွင့်အရေး ချိုးဖောက်ခံရသူတွေ မြန်မာနိုင်ငံမှာ အများကြီးရှိနိုင်ပါသေးတယ်” ဟု လယ်သမားအရေးဆောင်ရွက်သူ ကိုဇော်ရမ်းက ပြောကြားသည်။
Credit - Eleven Media Group
အလွတ်သတင်းထောက် ကိုပါကြီး(ခ)ကိုအောင်ကျော်နိုင် သေဆုံးမှုအပေါ် စုံစမ်းစစ်ဆေးကာ အရေးယူပေးရန် သမ္မတနှင့်ကာချုပ်တွင် အဓိကတာဝန်ရှိနေပြီး စုံစမ်းရေးကော်မရှင်တစ်ရပ်ဖွဲ့စည်း၍ အမှုမှန်ပေါ်ပေါက်အောင် အမြန်ဆုံးဖော်ထုတ်ပေးရန် နယ်ပယ်အသီးသီးမှ ပြည်သူ ၁၀၀၀ ခန့်က အောက်တိုဘာ ၂၆ ရက်နေ့ ညနေပိုင်းတွင် ဆူးလေစေတီအနီး၌ ဆန္ဒပြတောင်းဆိုခဲ့ကြသည်။
နယ်ပယ်စုံမှ တတ်ကြွလှုပ်ရှားသူ အဖွဲ့အစည်းများ၊ တောင်သူလယ်သမားသမဂ္ဂများ၊ ကျောင်းသားသမဂ္ဂများ၊ ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းအဖွဲ့ဝင်များ၊ အလုပ်သမား အဖွဲ့အစည်းများ၊ လူငယ်အဖွဲ့အစည်းများ၊ လူမှုဖွံ့ဖြိုးရေးကွန်ရက်များ၊ အမျိုးသမီးအရေး ဆောင်ရွက်နေသည့် အဖွဲ့အစည်းများ စသည့်အဖွဲ့အစည်းပေါင်း ၃၀ ကျော်မှ ပြည်သူအင်အား ၁၀၀၀ ခန့်သည် ဆူးလေဘုရား၊ မဟာဗန္ဓုလပန်းခြံအနီးတွင် စုဝေးကြပြီး ကိုပါကြီးသေဆုံးမှုအပေါ် တပ်မတော်၏ သတင်းထုတ်ပြန်မှုနှင့် လုပ်ရပ်တို့အား ရှုံ့ချဝေဖန်မှုများ ပြုလုပ်ခဲ့ကြသည်။
ကိုပါကြီး သေဆုံးမှုအပေါ် တက်ရောက်လာကြသော အဖွဲ့အစည်း ၁၀ ဖွဲ့ခန့်က ၎င်းတို့၏ သဘောထားကြေငြာချက် အသီးသီးကို ထုတ်ပြန်ခဲ့ပြီး ယင်းသဘောထားကြေငြာချက်များထဲတွင် တပ်မတော်မှ ထုတ်ပြန်ခဲ့သော အချက်အလက်များသည် ယုံကြည်စရာမရှိခြင်း၊ နိုင်ငံသားတစ်ဦးအနေနှင့် ကိုပါကြီးမှာ ဥပဒေ၏ အကာအကွယ် မရရှိခဲ့ခြင်း၊ ဒီမိုကရေစီ အသွင်ကူးပြောင်းပြီဟုဆိုနေသော ကာလတွင် တပ်မတော်က ကိုပါကြီးအား ဖမ်းဆီးစစ်ဆေးမှုသည် ဥပဒေမဲ့ဖြစ်နေခြင်း၊ ကိုပါကြီးသေဆုံးသွားမှုသည်လည်း ရာဇ၀တ်မှုသက်သက်ဖြစ်ခြင်းနှင့် ကိုပါကြီးသေဆုံးမှုအား နိုင်ငံတော်အစိုးရ၊ တပ်မတော်ကာကွယ်ရေးဦးစီးချုပ်တို့မှ တာဝန်ယူကာ စုံစမ်းစစ်ဆေးရေး ကော်မရှင်တစ်ရပ်ဖွဲ့စည်း၍ အမြန်ဆုံးဖော်ထုတ် အရေးယူပေးရန် စသည့်အချက်များပါဝင်သည်။
ကိုပါကြီးသေဆုံးမှုအတွက် တာဝန်ရှိသူများအား အမြန်ဆုံးအရေးယူပေးရန် တောင်းဆိုသည့်ပွဲတွင် စီတန်းလှည့်လည် ဆန္ဒပြမှုများ မပြုလုပ်ခဲ့သော်လည်း တရားမျှတမှုပေါ်ထွန်းရေး ဒို့အရေး၊ နိုင်ငံသားများလုံခြုံရေး ဒို့အရေး၊ အဓမ္မ၀ါဒ အလိုမရှိဟု ကြွေးကြော်ခဲ့ကြသည်။
ထို့ပြင် ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးမင်းကိုနိုင်၊ ဦးကိုကိုကြီးတို့အပြင် နိုင်ငံရေးတက်ကြွ လှုပ်ရှားသူများဖြစ်သည့် ဗိုလ်ကြီးဟောင်းနေမျိုးဇင်၊ ကိုမိုးသွေးတို့ကလည်း ဟောပြောမှုများ ပြုလုပ်ခဲ့ကြသည်။
၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ဦးမင်းကိုနိုင်က “ကိုပါကြီးလိုဖြစ်ရပ်မျိုးဟာ ရည်ရွယ်ချက်ရှိတဲ့ ဖြစ်ရပ်မျိုးပဲ။ တပ်မတော်က ထုတ်ပြန်ချက်တွေမှာလည်း ရှေ့နောက်လွဲနေတာတွေ ရှိတယ်။ ကိုပါကြီးဇနီးသည်က လိုက်စုံစမ်းတဲ့အခါမှာ အဲဒီလို မရိုးဖြောင်းတဲ့ဖြစ်ရပ်တွေ အများကြီးရှိတယ်ဆိုတာ ပိုသိရတယ်။ ကျွန်တော်တို့နိုင်ငံမှာ လက်ပံတောင်းမှာ သံဃာတွေဖြိုခွဲခံရသလိုမျိုး ကိစ္စတွေ စတဲ့အကြမ်းဖက်မှုတွေမှာ လက်ယဉ်နေတာကို တွေ့ရတယ်။ ဘာလို့ လက်ယဉ်နေကြသလဲဆိုရင် လက်နက်ရှိတဲ့သူက အပြစ်မဲ့ပြည်သူကို လက်နက်နဲ့အနိုင်ကျင့်ရင် ရတာပဲဆိုတဲ့ ပုံစံမျိုးပါ။ အဲဒါ ပြဿနာပါပဲ။ ဖွဲ့စည်းပုံအခြေခံဥပဒေမှာကလည်း တပ်မတော်သား ရာဇ၀တ်မှုကျူးလွန်ရင် ဘယ်တရားရုံးကမှ အရေးယူလို့မရဘဲ စစ်ဘက်ဆိုင်ရာ တရားရုံးကပဲ အရေးယူလို့ ရနိုင်တယ်ဆိုတာကလည်း ကြီးနိုင်ငယ်ညှဉ်း တောရိုင်းဥပဒေသက်သက်လို ဖြစ်နေပါတယ်” ဟု ဟောပြောရာတွင် ထည့်သွင်းပြောကြားခဲ့သည်။
ထို့ပြင် ဦးမင်းကိုနိုင်က ကိုပါကြီးဖြစ်စဉ်အား ကျွမ်းကျင်မှုရှိပြီး လွတ်လပ်သောစုံစမ်းရေးကော်မရှင်တစ်ရပ် အမြန်ဆုံးဖွဲ့စည်းပေးပြီး ၎င်းကော်မရှင်၏ ဖော်ထုတ်ချက်များဖြစ်သည့် ဘယ်သူ့လက်ချက်လဲ၊ ဘယ်သူကအမိန့်ပေးသလဲ စသည့်အချက်အလက်များ ရရှိလာပါက ကျူးလွန်သူအား တရားဥပဒေအရ အမြန်ဆုံးအရေးယူပေးရန် လိုအပ်ကြောင်း နိုင်ငံတော်အကြီးအကဲများသို့ တောင်းဆိုခဲ့သည်။
“ကိုပါကြီးသေဆုံးတဲ့အပေါ် နိုင်ငံသားတိုင်းရဲ့ ရပိုင်ခွင့် အခွင့်အရေး တစ်ခုဖြစ်တဲ့ နေထိုင်ရှင်သန်ခွင့် အခွင့်အရေးတစ်ခု ဖျက်ဆီးခံရတယ်လို့ မြင်ပါတယ်။ ဘာကြောင့်လဲဆိုတော့ လူတစ်ယောက်ကို ပစ်ခတ်ဖမ်းဆီးမိပါတယ်။ နစ်နာလျော်ကြေး သက်ဆိုင်တဲ့မိသားစုကို ပေးသွားပါမယ်ဆိုကတည်းကိုက ကျွန်တော်တို့နိုင်ငံသားတွေဟာ ကျည်ဆန်တစ်တောင့်လောက်မှ တန်ဖိုးမရှိတော့သလို ဖြစ်နေပါတယ်။ ထုတ်တဲ့သတင်းထုတ်ပြန်ချက်ကလည်း လက်မှတ်မပါ၊ စာအမှတ်မပါ၊ ဘာမှမပါဘဲ နေပြည်တော်မှဆိုတဲ့ စာတစ်ကြောင်းနဲ့တင် ထုတ်တာကို ကြည့်ခြင်းအားဖြင့် လက်ရှိအုပ်ချုပ်နေတဲ့ ယန္တရားနဲ့ ကာကွယ်ရေးအဖွဲ့အစည်းကြီးဟာ နိုင်ငံသူ၊ နိုင်ငံသားတွေအပေါ်မှာ အသက်တစ်ခုကို ဖက်တစ်ရွက်လောက်တောင် တန်ဖိုးမထားဘူးဆိုတာ သိလိုက်ရပါတယ်” ဟု ဗိုလ်ကြီးဟောင်းနေမျိုးဇင်က ပြောကြားသည်။
“ဒီကိစ္စက ကိုပါကြီးဖြစ်ရပ်တစ်ခုထဲတင် မဟုတ်ဘူး။ ကချင်အမျိုးသမီးတစ်ယောက်ဆို ပျောက်သွားတာ သုံးနှစ်လောက်ရှိပြီ။ အခု အဲဒါကို ကချင်ငြိမ်းချမ်းရေးကွန်ယက်က လိုက်ဆောင်ရွက်ပေးနေတယ်။ လူ့အခွင့်အရေး ချိုးဖောက်ခံရတဲ့ ဖြစ်ရပ်တွေဟာ တစ်နိုင်ငံလုံးမှာ ဖြစ်နေတယ်။ လယ်သမားတွေ၊ မီဒီယာတွေ ထောင်ချခံနေရတာတွေလည်း ရှိတယ်။ ဒါမျိုးတွေ ဆက်ဖြစ်နေတယ် ပြုပြင်ပြောင်းလဲရေး စစ်မှန်တယ်ဆိုရင် အစိုးရ တာဝန်ယူရမယ်” ဟု ပေါင်းကူးအဖွဲ့မှ ဒေါက်တာကျော်သူက ပြောကြားသည်။
“တပ်မတော်က သတ်တာမှမဟုတ်ဘူး။ ရဲတွေက လုပ်တာရှိတယ်။ အာဏာပိုင် အဖွဲ့အစည်းအဆင့်ဆင့်ကြောင့် နိုင်ငံသားတွေဟာ ထောင်တွေကျတယ်။ အသတ်ခံရတယ်။ ကိုပါကြီးကိစ္စကတော့ သတင်းသမားလည်းဖြစ်တယ်။ ၈၈ အသိုင်းအ၀ိုင်းထဲကလည်း ဖြစ်တယ်။ ဒေါ်စုလုံခြုံရေးလည်း ဖြစ်တယ်။ သုံးရောင်ခြယ်လည်း ဖြစ်တယ်။ ဒါကြောင့်မို့လို့ သူ့ကိစ္စက ပေါ်လွင်သွားတာ။ အဲဒီလို မပေါ်လွင်ပဲ သေဆုံးသွားသူတွေ၊ အခွင့်အရေး ချိုးဖောက်ခံရသူတွေ မြန်မာနိုင်ငံမှာ အများကြီးရှိနိုင်ပါသေးတယ်” ဟု လယ်သမားအရေးဆောင်ရွက်သူ ကိုဇော်ရမ်းက ပြောကြားသည်။
Credit - Eleven Media Group
No comments:
Post a Comment